ប្រទេសចិន-សហរដ្ឋអាមេរិក ៖ វោហាសាសន៍កាន់តែបន្តឹងថែមទៀតរវាងក្រុងវ៉ាស៊ីនតោននិងក្រុងប៉េកាំង ដោយនាថ្ងៃទី១៨ កញ្ញា លោកដូណាល់ត្រាំបានចោទប្រកាន់ចិនថា ប៉ុនប៉ងបញ្ចេញឥទ្ធិពលលើការបោះឆ្នោតអាមេរិក សំដៅលើមូលដ្ឋានបោះឆ្នោតរបស់ខ្លួន ក្នុងសង្គ្រាមពាណិជ្ចកម្មដែលកំពុងផ្ទុះ។ មិនដល់២៤ម៉ោងផងក្រោយសេតវិមានប្រកាស…
ប្រទេសចិន-សហរដ្ឋអាមេរិក ៖ វោហាសាសន៍កាន់តែបន្តឹងថែមទៀតរវាងក្រុងវ៉ាស៊ីនតោននិងក្រុងប៉េកាំង ដោយនាថ្ងៃទី១៨ កញ្ញា លោកដូណាល់ត្រាំបានចោទប្រកាន់ចិនថា ប៉ុនប៉ងបញ្ចេញឥទ្ធិពលលើការបោះឆ្នោតអាមេរិក សំដៅលើមូលដ្ឋានបោះឆ្នោតរបស់ខ្លួន ក្នុងសង្គ្រាមពាណិជ្ចកម្មដែលកំពុងផ្ទុះ។
មិនដល់២៤ម៉ោងផងក្រោយសេតវិមានប្រកាស ពីការយកពន្ធមានទឹកប្រាក់ដល់២០០ពាន់លានដុល្លារលើការនាំចូលផលិតផលចិនបន្ថែមទៀត ក្រុងប៉េកាំងដែលថា មិនប្រាកដទៅចូលរួមចរចាពាណិជ្ជកម្មជាថ្មី ប្រកាសពីការយកពន្ធគយ៦០ពាន់លានដុល្លារ លើផលិតផលនាំចូលអាមេរិកជាការតបតវិញ។
ក្រៅពីភាពតានតឹងខាងពាណិជ្ជកម្ម លោកត្រាំដែលសង្ស័យលើបរាជ័យនៃគណបក្សរបស់លោក ក្នុងការបោះឆ្នោតសភាពាក់កណ្ដាលអាណត្តិ ដែលនៅសល់ពេលមិនដល់៥០ថ្ងៃទៀតផងនោះ បានចោទប្រកាន់ជាថ្មីដល់ក្រុងប៉េកាំងថាប៉ុនប៉ងលូកលាន់ចូលក្នុងនយោបាយអាមេរិក។
តាម TWITTER លោកសរសេរថា ចិនបានគូសបញ្ជាក់ដោយចំហថាខ្លួនប៉ុនប៉ងបង្កើនឥទ្ធិពលយ៉ាងសកម្ម ហើយផ្លាស់ប្ដូរការបោះឆ្នោតរបស់យើង ដោយវាយប្រហារលើបណ្ដាកសិកររបស់យើង អ្នកចិញ្ចឹមសត្វរបស់យើងព្រមទាំងកម្មករឧស្សាហកម្មរបស់យើង ព្រោះពូកគេស្មោះត្រង់ចំពោះខ្ញុំ។
លោកត្រាំលើកពីអាទិភាពរបស់លោក ការពារពលករអាមេរិក ការពារបណ្ដាម្ចាស់កសិដ្ឋានអាមេរិក។លោកអះអាងថាពលរដ្ឋអាមេរិកដែលនឹងរងគ្រោះដោយការសងសឹករបស់ចិន ជាអ្នកស្នេហាជាតិខ្ពស់ ដោយយល់ពីភាពចាំបាច់នៃសង្គ្រាមពាណិជ្ចកម្មដើម្បីធ្វើឲ្យចិនចុះញ៉ម៕
ចែករំលែកព័តមាននេះ