ទិសដៅការងារ របស់សមាគមអតីតយុទ្ធជនកម្ពុជា
- បាត់ដំបង
ខេត្តបាត់ដំបង ៖ នៅថ្ងៃទី១៨ ខែកញ្ញា ឆ្នាំ២០១៨ វេលាម៉ោង០៧ និង៣០នាទី នៅទីបញ្ជាការដ្ឋាន តំបន់ប្រតិបត្តិការសឹករងបាត់ដំបង បានប្រារព្វពិធីប្រជុំបូកសរុបលទ្ធផលការងារ…
ខេត្តបាត់ដំបង ៖ នៅថ្ងៃទី១៨ ខែកញ្ញា ឆ្នាំ២០១៨ វេលាម៉ោង០៧ និង៣០នាទី នៅទីបញ្ជាការដ្ឋាន តំបន់ប្រតិបត្តិការសឹករងបាត់ដំបង បានប្រារព្វពិធីប្រជុំបូកសរុបលទ្ធផលការងារ…
ខេត្តបាត់ដំបង ៖ នៅថ្ងៃទី១៨ ខែកញ្ញា ឆ្នាំ២០១៨ វេលាម៉ោង០៧ និង៣០នាទី នៅទីបញ្ជាការដ្ឋាន តំបន់ប្រតិបត្តិការសឹករងបាត់ដំបង បានប្រារព្វពិធីប្រជុំបូកសរុបលទ្ធផលការងារ សមាគមអតីតយុទ្ធជនកម្ពុជា ខេត្តបាត់ដំបង ប្រចាំខែកញ្ញា ឆ្នាំ២០១៨ និងផ្សព្វផ្សាយទិសដៅអនុវត្តបន្តខែតុលា ឆ្នាំ២០១៨ ក្រោមអធិបតីភាព លោកឧត្តមសេនីយ៍ទោ អ៊ុក ឃ្នួច មេបញ្ជាការរង យោធភូមិភាគទី៥ មេបញ្ជាការ តំបន់ប្រតិបត្តិការសឹករង បាត់ដំបង ប្រធាន គណៈកម្មាធិការ ស.អ.ក ខេត្ត, លោក នី កន ទីប្រឹក្សាក្រសួងការពារជាតិ អនុប្រធាន គណៈកម្មាធិការ ស.អ.ក ខេត្ត, លោក ឆាយ ម៉ាទីណាល់ នាយករដ្ឋបាលសាលាខេត្តបាត់ដំបង អនុប្រធាន គណៈកម្មាធិការ ស.អ.ក ខេត្ត,។
លោកឧត្តមសេនីយ៍ត្រី អៀ វុត្ថា ស្នងការរង នៃស្នងការដ្ឋាននគរបាលខេត្ត សមាជិក គណៈកម្មាធិការ ស.អ.ក ខេត្ត, លោកវរសេនីយ៍ទោ រ៉ុង ប៉ុក មេបញ្ជាការរង កងរាជអាវុធហត្ថខេត្ត សមាជិក គណៈកម្មាធិការ ស.អ.ក ខេត្ត និងមានការអញ្ជើញចូលរួមពីក្រុមការងារ ស.អ.ក ខេត្ត, លោកប្រធាន, អនុប្រធាន, អនុប្រធានប្រចាំការ ស.អ.ក ស្រុកទាំង១៣ស្រុក ០១ក្រុង សរុបចំនួន ៧២នាក់។ អង្គប្រជុំបានត្រួតពិនិត្យរបាយការណ៍លទ្ធផលដែលសម្រេចបានយ៉ាងច្រើនកន្លងមក និងទិសដៅអនុវត្តបន្ត រួមមាន៖
បន្តការសាងសង់ផ្ទះ និងប្រគល់ផ្ទះជូនអតីតយុទ្ធជនទីទ័លក្រ ការកែសម្រួលរចនាសម្ព័ន្ធចាត់តាំង សមាសភាព ស.អ.ក ខេត្ត ក្រុង/ស្រុក និងប្រកាសសេចក្តីសម្រេច អនុប្រធាន និងសមាជិក គណៈកម្មាធិការ ស.អ.ក ខេត្ត, ការងារកសាងឯកសារផ្សេងៗឲ្យបានឆាប់រហ័សរាយការណ៍ទាន់ពេល។ ចុងក្រោយ លោកឧត្តមសេនីយ៍ទោ អ៊ុក ឃ្នួច ប្រធាន ស.អ.ក ខេត្ត បានផ្តាំផ្ញើឲ្យយកចិត្តទុកដាក់ចំពោះសមាជិក ដែលទីទ័លក្រ បានស្នើឲ្យថ្នាក់ដឹកនាំទាំងអស់ត្រូវពង្រឹងប្រសិទ្ធភាពការងារ សាមគ្គីឯកភាពគ្នាខ្ពស់ជាបន្តទៅទៀត ព្រោះជាការរំលឹកការដឹងគុណ ដល់អតីតយុទ្ធជនយើងដែលបានជួយរួមចំណែកក្នុងការការពារ កសាងប្រទេសជាតិយើងកន្លងមក៕
ចែករំលែកព័តមាននេះ