ខេត្តត្បូងឃ្មុំ ៖ ក្រុមចោរមួយក្រុមអាចមានគ្នាយ៉ាងហោចណាស់ក៏ចាប់ពី៣នាក់ឡើងបានធ្វើសកម្មភាពទៅលួចស្រាយចំណងក្របីចំនួន៦ក្បាលពីក្នុងក្រោលក្រោយផ្ទះរបស់ពលរដ្ឋនៅក្នុងភូមិថ្នល់ថ្មីឃុំកោងកាង ស្រុកពញាក្រែក ដែលហេតុការណ៏នោះកើតឡើងនៅវេលាម៉ោង១១យប់ ថ្ងៃទី១៤ ខែកញ្ញា ឆ្នាំ២០១៨ ដោយបានដឹកតាមរថយន្តហ៊ីយ៉ានដាយចំណុះ២តោនកន្លះ ទ្រុងពណ៌ខៀវ១គ្រឿងមិនមានពាក់ផ្លាកលេខនោះទេ…
ខេត្តត្បូងឃ្មុំ ៖ ក្រុមចោរមួយក្រុមអាចមានគ្នាយ៉ាងហោចណាស់ក៏ចាប់ពី៣នាក់ឡើងបានធ្វើសកម្មភាពទៅលួចស្រាយចំណងក្របីចំនួន៦ក្បាលពីក្នុងក្រោលក្រោយផ្ទះរបស់ពលរដ្ឋនៅក្នុងភូមិថ្នល់ថ្មីឃុំកោងកាង ស្រុកពញាក្រែក ដែលហេតុការណ៏នោះកើតឡើងនៅវេលាម៉ោង១១យប់ ថ្ងៃទី១៤ ខែកញ្ញា ឆ្នាំ២០១៨ ដោយបានដឹកតាមរថយន្តហ៊ីយ៉ានដាយចំណុះ២តោនកន្លះ ទ្រុងពណ៌ខៀវ១គ្រឿងមិនមានពាក់ផ្លាកលេខនោះទេ អាចក្នុងបំណងយកទៅលក់នៅប្រទេសវៀតណាមតែសំណាងល្អរថយន្តជាប់ផុងទៅមុខមិនរួច ត្រូវបានប្រជាពលរដ្ឋ និងសមត្ថកិច្ចតាមរកឃើញ ឯចោរគេចខ្លួនបាត់អស់ ។
លោកអនុសេនីយ៏ឯក ទឺ សា នាយប៉ុស្តិ៍រដ្ឋបាលឃុំកោងកាងប្រាប់ឲ្យដឹងថា បុរសម្ចាស់ក្របីឈ្មោះ អឿន ចុន អាយុ៤៧ឆ្នាំ នៅល្ងាចថ្ងៃខាងលើមុនពេលកើតហេតុបានជួបជុំមិត្តភក្តិដោយបានផឹកស៊ីនៅក្នុងភូមិតែមិនបានស្រវឹងនោះទេ ហើយក៏បានដេកលក់មួយភាំងលុះពេលដឹងខ្លួនបានបញ្ចាំងភ្លើងពិលមើលទៅក្រោលក្រោយផ្ទះមានចម្ងាយប្រមាណ១០ម៉ែត្រ ស្រាប់តែបាត់ក្របីពីក្រោលទាំង៦ក្បាល និងបានឆោឡោរាយការណ៏ប្រាប់មេភូមិជាបន្ទាន់ ។
លោកនាយប៉ុស្តិ៍កោងកាងប្រាប់បន្តថា បន្ទាប់មករូបលោកបានដឹងក៏ប្រញាប់ដឹកនាំកម្លាំងចុះមកដល់ផ្ទះកើតហេតុដោយពលរដ្ឋក្នុងភូមិរាប់រយនាក់បាននាំគ្នាបែងចែកកម្លាំងតាមរុករកគោលដៅ
ផ្សេងៗក្នុងដៃប្រដាប់ដោយដំបង កាំបិត ពិលគ្រប់ដៃ នាំគ្នាដើរតាមដានជើងគោ ។
រហូតដល់ចម្ងាយជាង១០០០ម៉ែត្របានប្រទះឃើញរថយន្ត១គ្រឿងខាងលើជាប់ផុងទៅមុខមិនរួចហើយក្របី៦ក្បាលត្រូវបានចងនៅនឹងដើមឈើជិតរថយន្តនោះដែរ ។ ចំណែកក្រុមចោរលួចក្របីមិនដឹងជាមានគ្នាប៉ុន្មាននាក់នោះទេបាននាំគ្នារត់គេចខ្លួនចូលទៅក្នុងព្រៃបាត់អស់បន្សល់ទុករថយន្ត និងក្របីដែលលួចបានហើយមុខសញ្ញាចោរក៏មិនទាន់ស្រាវជ្រាវមានប្រភពមកពីណាដែរ ។
លោកអនុសេនីយ៏ឯក ទឺ សា នាយប៉ុស្តិ៍៨រដ្ឋបាលកោងកាងបញ្ជាក់ថា ក្នុងប្រតិបត្តិការការនេះដោយមានការបញ្ជារពីលោកស្នងការនគរបាលខេត្តលោកអធិការនគរបាលស្រុកពញាក្រែក និងមានការសហការពីសំណាក់ប៉ុស្ត៏រដ្ឋបាលកក់ផងដែរ ទើបតាមប្រមាញ់រករថយន្តដឹកក្របី ។
លុះមកដល់ព្រឹកថ្ងៃទី១៥ ខែកញ្ញា ឆ្នាំ២០១៨ ក្របីទាំង៦ក្បាលត្រូវបានរូបលោកប្រគល់ជូនម្ចាស់វិញ ហើយស្រាវជ្រាវតាមរកក្រុមចោរបន្តទៀតតាមរយៈរថយន្តខាងលើ ។ សំណាងណាស់ចេះរថយន្តជាប់ផុងទៅមុខមិនរួច បើមិននោះទេក្របីអាចនឹងត្រូវគេនាំទៅលក់នៅប្រទេសវៀតណាម ៕
ចែករំលែកព័តមាននេះ