ខេត្តរតនៈគីរី ៖ ដើមរុក្ខជាតិដែលមានតម្លៃក្រុមឈ្មួញធ្វើការជួញដូរយ៉ាងសកម្មនៅក្នុងពេលបច្ចុប្បន្នមានសកម្មភាពដូចភ្លៀងរលឹម ហើយសមត្ថកិច្ចជំនាញយល់ថា រុក្ខជាតិហូបផ្លែមិនខុសច្បាប់នោះទេ ។ កោះសន្តិភាពប្រចាំនៅខេត្តមួយនេះសុំលើកយកដើមរុក្ខជាតិមួយមុខដែលមានឈ្មោះថា «ដើមខ្នុរ» ជារុក្ខជាតិមាន២ប្រភេទ គឺទី1-គេហៅថា…
ខេត្តរតនៈគីរី ៖ ដើមរុក្ខជាតិដែលមានតម្លៃក្រុមឈ្មួញធ្វើការជួញដូរយ៉ាងសកម្មនៅក្នុងពេលបច្ចុប្បន្នមានសកម្មភាពដូចភ្លៀងរលឹម ហើយសមត្ថកិច្ចជំនាញយល់ថា រុក្ខជាតិហូបផ្លែមិនខុសច្បាប់នោះទេ ។
កោះសន្តិភាពប្រចាំនៅខេត្តមួយនេះសុំលើកយកដើមរុក្ខជាតិមួយមុខដែលមានឈ្មោះថា «ដើមខ្នុរ» ជារុក្ខជាតិមាន២ប្រភេទ គឺទី1-គេហៅថា «ដើមខ្នុរព្រៃ» ទី2-គេហៅថា «ដើមខ្នុរស្រុក។ បច្ចុប្បន្នរុក្ខជាតិខាងលើនេះ កំពុងមានហាងឆេង និងមានទីផ្សារខ្ពស់នាំចេញទៅលក់ក្រៅប្រទេស ហើយក្រុមឈ្មួញកំពុងមមាញឹកដើរប្រមូលទិញតាមបណ្ដាភូមិនានាយ៉ាងសកម្ម។
ជាក់ស្ដែងនៅថ្ងៃទី13 ខែកញ្ញា ឆ្នាំ2018 វេលាម៉ោង3និង40រសៀល មានរថយន្តខ្នាតធំគេហៅថារថយន្តអាយីឌុប កំពុងលើកឈើប្រភេទដើមខ្នុរនៅចំណុចភូមិកោះពាក ឃុំកោះពាក ស្រុកវើនសៃ។ សារព័ត៌មានកោះសន្តិភាពយើងបានទទួលព័ត៌មានពីក្រុមកម្មករស៊ីស្នួលលើកឈើដាក់ឡានឱ្យដឹងថា ថៅកែបានដើរទិញឈើប្រភេទដើមខ្នុរទាំង២ប្រភេទខាងលើ។ ហើយដើមខ្នុរព្រៃដែលដុះតាមចំការរបស់អ្នកភូមិដើមតូចទិញក្នុងមួយដើមមានតម្លៃ15ម៉ឺនរៀល ដើមណាធំទិញតម្លៃចាប់ពី20,ទៅ30ម៉ឺនរៀល ចំណែកដើមខ្នុរស្រុកថៅកែក៏ទិញក្នុងតម្លៃដូចគ្នាដែរ ។
កម្មករដដែលបញ្ជាក់ប្រាប់សាព័ត៌មានយើងបន្តទៀតថា ក្រោយពីទិញបានគ្រប់ និងពេញរថយនហើយ គេដឹកចេញពីទឹកដីខេត្តរតនៈគីរីឆ្ពោះទៅខេត្តកំពង់ចាម ឬខេត្តព្រៃវែង តាមតំរូវអ្នកទិញបន្ត ហើយគេនាំទៅលក់នៅប្រទេសវៀតណាម ព្រោះច្រកព្រំដែននៃខេត្តទាំង២ងាយស្រួលនាំចេញ។
ក្រុមកម្មកដដែលបន្តទៀតថា ពួកគាត់មិនបានដឹងថា ខាងថៅកែវៀតណាមគេទិញបន្តពីថៅកែខ្មែរក្នុងមួយដើម ឬក្នុងមួយម៉ែត្រគូបមានតម្លៃប៉ុន្មានច្បាស់លាស់នោះទេ គ្រាន់តែដឹងថា ដើមខ្នុរទាំង២ប្រភេទខាងលើនេះមានខ្លឹមក្រហមដូចឈាមមាន់ ខាងវៀតណាមគេទិញយកទៅកែច្នៃធ្វើជាគ្រឿងសង្ហារឹមគ្រប់ប្រភេទលក់នៅទីផ្សាក្រៅប្រទេសមានតម្លៃខ្ពស់ណាស់។
ទាក់ទិននឹងព័ត៌មានមួយនេះសារព័ត៌មានយើងមិនបានទទួលព័ត៌មានល្អិតពីក្រុមឈ្មួញពិតប្រាដកនោះទេ នេះគ្រាន់តែការរៀបរាប់ពីសំណាក់កម្មករស៊ីឈ្នួលលើកឈើតែប៉ុណ្ណោះ ហើយជុំវិញរឿងក្រុមឈ្មួញដើរទិញដើមខ្នុរយកទៅលក់នៅប្រទេសវៀតណាមមានតម្លៃខ្ពស់ ឃើញថាយកទៅធ្វើអ្វីពិតប្រាកដនោះទេ ។ ចំណែកមូលហេតុមិនបានព័ត៌មានច្បាស់លាស់ទេ ដោយសារអ្នកសារព័ត៌មានចុះទៅយកព័ត៌មានមេឈ្មួញទាំងនោះរត់គេចបាត់អស់។
ដោយឡែកសមត្ថកិច្ចប៉ូលិសជំនាញនៃការិល័យប្រឆាំងបទល្មើសសេដ្ឋកិច្ច ស្នងការដ្ឋាននគបាលខេត្ត សុំមិនបញ្ចេញឈ្មោះបានឱ្យដឹងនៅរសៀលថ្ងៃទី13 ខែកញ្ញា ឆ្នាំ២០១៨ថា រឿងក្រុមឈ្មួញដើរប្រមូលទិញដើមខ្នុរវាមិនខុសច្បាប់ទេ នេះជារុក្ខជាតិហូបផ្លែ ហើយសមត្ថកិច្ចមិនបានដឹងថា ក្រុមឈ្មួញគេទិញដើមខ្នុរយកទៅធ្វើអ្វីពិតប្រាកដទេ គ្រាន់តែដឹងថា គេមានច្បាប់គ្រប់គ្រាន់ មិនដឹងច្បាប់ចេញពីក្រម៉រស្រែងណាខ្លះទេ៕
ចែករំលែកព័តមាននេះ