រាជធានីភ្នំពេញ ៖ ជនសង្ស័យ២នាក់តែងតែដើរធ្វើសកម្មភាពគាស់ផ្ទះប្រជាពលរដ្ឋ ពោលលួចយកសម្ភារៈមិនរើសមុខ ដែលសមត្ថកិច្ចដាក់រហស្សនាមថា ជាក្រុម«ទីទុយ» ត្រូវបានកម្លាំងសមត្ថកិច្ចនគរបាលការិយា
ល័យព្រហ្មទណ្ឌកម្រិតស្រាលរាជធានីភ្នំពេញ ស្រាវជ្រាវ និងឃាត់ខ្លួនបាន២នាក់ កាលពីវេលាម៉ោង៧និង៣០យប់ ថ្ងៃទី១២ កញ្ញា។
ជនសង្ស័យទាំង២នាក់ខាងលើម្នាក់ឈ្មោះ ឡាំ ចំណាន ហៅវិត ភេទប្រុស អាយុ១៨ឆ្នាំ មុខរបរជាងចំលាក់ មានទីលំនៅផ្ទះជួល ផ្លូវលំ ភូមិក្បាលដំរី២ សង្កាត់កាកាប២ ខណ្ឌពោធិសែនជ័យ រាជធានីភ្នំពេញ និងម្នាក់ទៀតឈ្មោះ ទេស ហឿន ហៅនី ភេទប្រុស អាយុ៣២ឆ្នាំ មុខរបរ រត់ម៉ូតូឌុប មានទីលំនៅផ្ទះលេខ២០ ផ្លូវជាតិលេខ៤ ភូមិជម្ពូរវន្ត័ សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ។
ជនសង្ស័យត្រូវបានឃាត់ខ្លួននៅចំណុចផ្ទះជួល មុខផ្ទះសំណាក់ លីហេង សង្កាត់កាកាប២ ខណ្ឌពោធិសែនជ័យ ដែលបានប្រព្រឹត្តបទល្មើសលួចមានស្ថានទម្ងន់ទោស ដោយសារគាស់ទម្លុះទម្លាយ (គាស់ផ្ទះលួចយកគ្រឿងអលង្កា) ផ្ទះលេខ១៥D ភូមិត្រពាំងជ្រៃ សង្កាត់កាកាប២ ខណ្ឌពោធិសែនជ័យ កាលពីថ្ងៃទី៧ កញ្ញា វេលាម៉ោង៣ និង ៥៨នាទីយប់ ។
វត្ថុតាងដែលសមត្ថកិច្ចចាប់យករួមមាន ម៉ូតូ មួយគ្រឿងម៉ាកហុងដា ធុនសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ឧត្តរមានជ័យ ១C-៥៩៤៤ ជារបស់ជនរងគ្រោះឈ្មោះ សេង សុគន្ធា ភេទស្រី អាយុ៣៩ឆ្នាំ ស្នាក់នៅបន្ទប់ជួល ផ្លូវលេខ១១៧ ភូមិក្បាលដំរី២ សង្កាត់កាកាប២ ខណ្ឌពោធិសែនជ័យ រាជធានីភ្នំពេញ និងសម្ភារៈបាត់បង់រួមមានគ្រឿងអលង្កាមាសទម្ងន់សរុប៤តម្លឹង៥ជី៥ហ៊ុន និងគ្រឿងអលង្ការប្លាកទីនមួយចំនួនផងដែរ ៕
ចែករំលែកព័តមាននេះ