ស្ត្រីកូន២ជះលុយខ្ទង់ម៉ឺន ក្រោយតាមទាន់គូដណ្តឹងលួចមានស្រី
អង់គ្លេស ៖ តាមប្រភពព័ត៌មាន Metro បានឲ្យដឹងថា ស្ត្រីកូនពីរឈ្មោះ Cindy Moore អាយុ៣២ឆ្នាំ ត្រូវបានស្ត្រីផ្សេងៗទៀតឌឺដង…
អង់គ្លេស ៖ តាមប្រភពព័ត៌មាន Metro បានឲ្យដឹងថា ស្ត្រីកូនពីរឈ្មោះ Cindy Moore អាយុ៣២ឆ្នាំ ត្រូវបានស្ត្រីផ្សេងៗទៀតឌឺដង ក្រោយពីវះកាត់ធ្វើឲ្យមើលទៅដូចតុក្កតាសិច។ ការវះកាត់នេះមិនថោកនោះទេ។ ពោលគឺត្រូវជះលុយ ១៣០០០ដុល្លារ និងត្រូវហាត់ប្រាណរាល់ថ្ងៃទម្រាប់តែបានដូចនេះ។
Moore បានធ្វើការវះកាត់ពង្រីកដើមទ្រូងម្តង ចាក់បបូរមាត់ឲ្យធំបីដង និងតសក់ម្តង ដើម្បីឲ្យមើលទៅដូចជាតុក្កតាសិច។ នាងក៏បានហាត់ប្រាណសម្រកទម្ងន់ជារៀងរាល់ថ្ងៃផងដែរ។ នាងចាប់ផ្តើមធ្វើដូចនេះ ក្រោយពីតាមទាន់ឃើញគូដណ្តឹងរបស់នាងលួចមានស្រី។
បើទោះបីជានាងខិតខំប្រឹងកែរូបរាងយ៉ាងណា អ្នកផងជុំវិញនាងនៅតែនិយាយឌឺដង។ ស្ត្រីផ្សេងៗទៀតដែលជួបនាងពេលនាំកូនទៅរៀន បានមើលមកនាងក្នុងផ្លូវអាក្រក់។ នេះបើតាមអ្វីដែលនាងកាត់ន័យយល់។
ដោយសារតែទាស់ចិត្តខ្លាំងពេក នាងក៏សម្រេចចិត្តសរសេរបង្ហោះហ្វេសប៊ុកក្នុងអត្ថន័យរៀបរាប់ពីប្រវត្តិជូរចត់របស់នាងតាំងពីក្មេង រហូតមកដល់ពេលនេះ ដែលតែងតែត្រូវគេឌឺដងពីរូបសម្បត្តិខាងក្រៅ។ ស្រាប់តែក្រោយមកក៏មាន Comment វាយបកមកនាងជាច្រើន ដែលមើលងាយពីពូជសាសន៍ពណ៌សម្បុររបស់នាង។ នាងក៏សម្រេចចិត្តលុប Status នោះចោលវិញ។
សម្រាប់សាមីខ្លួន Moore ផ្ទាល់ មិនបានចាញ់នឹងពាក្យអវិជ្ជមានរបស់អ្នកផងឡើយ។ នាងថានាងនៅតែបន្តធ្វើយ៉ាងណាឲ្យកាន់តែសិចស៊ីដូចតុក្កតាសិច បើទោះបីជាគ្រប់គ្នានិយាយមិនល្អពីនាងក៏ដោយ៕
ចែករំលែកព័តមាននេះ