ប្រទេសអ៊ីរ៉ង់ ៖ មន្ត្រីយោធាអ៊ីរ៉ង់មួយរូបបានអះអាងនាថ្ងៃទី១០ កញ្ញាថា ប្រទេសរបស់ខ្លួនបានសាកល្បងប្រកបដោយជោគជ័យ ប្រព័ន្ធការពារប្រឆាំងមីស៊ីល BAVAR-373។ តាមលោក MAHMOUD EBRAHIMINEJAD…
ប្រទេសអ៊ីរ៉ង់ ៖ មន្ត្រីយោធាអ៊ីរ៉ង់មួយរូបបានអះអាងនាថ្ងៃទី១០ កញ្ញាថា ប្រទេសរបស់ខ្លួនបានសាកល្បងប្រកបដោយជោគជ័យ ប្រព័ន្ធការពារប្រឆាំងមីស៊ីល BAVAR-373។
តាមលោក MAHMOUD EBRAHIMINEJAD មេបញ្ជាការរងនៃមូលដ្ឋានការពារអាកាសអ៊ីរ៉ ង់KHATAM AL ANBIYAថា ប្រព័ន្ធ BAVAR-373 មានលំនាំដូចប្រព័ន្ធប្រឆាំងមីស៊ីលរុស្ស៊ី S-300 បានសាកល្បងប្រកបដោយជោគជ័យ ហើយស្ទាក់កម្ទេចបណ្ដាមីស៊ីលបាលីស្ទិក។ លោកបន្តថា ប្រព័ន្ធ BAVAR-373 ខ្លាំងជាង និងគួរឲ្យទុកចិត្តជាងប្រព័ន្ធ S-300 ផង។
តាមបណ្ដាប្រទេសលោកខាងលិចពិសេសសហរដ្ឋអាមេរិក ភ័យខ្លាចចំពោះការអភិវឌ្ឍន៍មីស៊ីលបាលីស្ទិកអ៊ីរ៉ង់ ហើយអំពាវនាវដល់អ៊ីរ៉ង់ឲ្យបញ្ឈប់ការស្រាវជ្រាវ ប៉ុន្តែក្រុងតេហេរ៉ង់ បានបដិសេធការព្រួយបារម្ភទាំងឡាយរបស់ពួកលោកខាងលិច ដោយអះអាងថាសមត្ថភាពមីស៊ីលរបស់ខ្លួនពុំអាចចរចាបាន ព្រោះវាបម្រើតែគោលដៅការពារសុទ្ធសាធ៕
ចែករំលែកព័តមាននេះ