គុយវ៉ែត ៖ តាមប្រភពព័ត៌មាន Oddity Central បានឲ្យដឹងថា ហាងលក់ត្រីមួយកន្លែងនៅប្រទេសគុយវ៉ែត ត្រូវបានបិទទ្វារដោយក្រុមអាជ្ញាធរ ក្រោយរកឃើញថា លួចយកភ្នែកជ័រមកបិទលើភ្នែកត្រី…
គុយវ៉ែត ៖ តាមប្រភពព័ត៌មាន Oddity Central បានឲ្យដឹងថា ហាងលក់ត្រីមួយកន្លែងនៅប្រទេសគុយវ៉ែត ត្រូវបានបិទទ្វារដោយក្រុមអាជ្ញាធរ ក្រោយរកឃើញថា លួចយកភ្នែកជ័រមកបិទលើភ្នែកត្រី ដើម្បីឲ្យអ្នកទិញមើលមកស្មានជាត្រីស្រស់។
រឿងហេតុនេះផ្តើមចេញពីអ្នកទិញម្នាក់បានបង្ហោះវីដេអូពេលបកភ្នែកជ័រចេញពីត្រី ដែលខ្លួនទិញនៅហាងខាងលើ ទៅលើបណ្តាញសង្គម Twitter កាលពីសប្តាហ៍មុន។ គ្រាន់តែទៅដល់អាកាសភ្លាម មហាជនបាននាំគ្នាចែករំលែកតគ្នា ហើយ Comment ហួសចិត្ត និងសើចចំអកជាច្រើន។
អ្នកខ្លះគិតថា វាជាការបោកប្រាស់របស់ម្ចាស់ហាង ដើម្បីបំភ័ន្តភ្នែកអ្នកទិញថា ជាត្រីស្រស់។ អ្នកខ្លះទៀតឆ្ងល់ថា ហេតុអ្វីបានជាម្ចាស់ហាងល្ងង់យ៉ាងនេះ ព្រោះនរណាម្នាក់ក៏អាចមើលដឹងថា វាជាភ្នែកជ័រដែរ។ អ្នកខ្លះទៀតនិយាយលេងសើចថា ម្ចាស់ហាងធ្វើដូចនេះដោយសារតែខ្លាចត្រីភ្នែកម្ញ៉ូបមើលមិនសូវច្បាស់។
ធ្លាប់តែមានមនុស្សពាក់ Lens ឲ្យស្អាត តែពេលនេះ សូម្បីតែត្រីក៏ចង់ស្អាតដែរ….! វីដេអូឃ្លីបដកស្រង់ចេញពី ៖ Hehe
https://www.youtube.com/watch?v=NXXwax1O6Qo
ចែករំលែកព័តមាននេះ