ខេត្តបន្ទាយមានជ័យ ៖ ព្រះរាជអាជ្ញាអមសាលាដំបូងខេត្តបានប្រតិកម្ម និងដាក់វិធានការចំពោះបុគ្គលដែលយកឈ្មោះលោករកស៊ី និងប្រើប្រាស់កាងរថយន្តអត់ពន្ធខុសច្បាប់ ខណៈពេលចុះបង្ក្រាបទំនិញ កាលពីថ្ងៃទី០៥ ខែកញ្ញា ឆ្នាំ២០១៨ នៅក្រុងសិរីសោភ័ណ។
នៅពេលដែលសមត្ថកិច្ចចម្រុះពិនិត្យ និងបង្ក្រាបទំនិញតាមស្តង់ និងឃ្លាំងនៅក្រុងសិរីសោភ័ណ លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ លោកបានប្រាប់អ្នកសារព័ត៌មាន និងប្រតិកម្មចំពោះបុគ្គលដែលយកឈ្មោះលោកទៅរកស៊ី និងប្រើប្រាស់កាងរថយន្តចង្កូតស្តាំគ្មានពន្ធ និងរថយន្តខុសច្បាប់កន្លងមក ដែលប៉ះពាល់កិត្តិយស និងភារកិច្ចលោក។
លោកបានដាក់វិធានការស្រាវជ្រាវរកមុខចំពោះបុគ្គលដែលប្រើប្រាស់ឈ្មោះលោក ដើម្បីចាត់ការតាមច្បាប់ ហើយលោកនឹងសហការជាមួយសមត្ថកិច្ចជំនាញ ដើម្បីមានវិធានការចំពោះរថយន្តចង្កូតស្តាំ និងរថយន្តដែលល្មើសនឹងច្បាប់។
គួររំលឹកថា នៅខេត្តបន្ទាយមានជ័យ ដែលជាខេត្តមួយជាប់ជាយដែនដែលមានបទល្មើសគេចពន្ធច្រើនមានឈ្មួញនាំចូលគេចពន្ធដូចនៅស្រុក/ក្រុងជាប់ជាយដែន មានរថយន្តចង្កូតស្តាំ និងម៉ូតូគេចពន្ធ ដែលឈ្មួញជាសមត្ថកិច្ច ឬកូនចៅយកអំណាច និងខ្សែទុយោធំអាងនេះអាងនោះប៉ះពាល់ដល់មន្ត្រីល្អ ។ យកមន្ត្រីមានកេរ្តិ៍ឈ្មោះទៅប្រើ ទើបហ៊ានរកស៊ីល្មើសនឹងច្បាប់ បានឃុបឃិតជាមួយកងកម្លាំងឈរជើងតាមបន្ទាត់ព្រំដែន លួចនាំចូលតាមច្រករបៀងខុសច្បាប់ដែលធ្វើឱ្យបាត់បង់ចំណូលរដ្ឋ៕
ចែករំលែកព័តមាននេះ