គួរឱ្យសោកស្តាយកាលបើលើកយកបញ្ហានរកមកនិយាយនោះ មានមនុស្សតិចណាស់ដែលស្ដាប់ ព្រោះសេចក្ដីទុក្ខក្នុងនរកវាធ្ងន់ហួសវិស័យមនុស្សធម្មតានឹកស្មាន នឹកគិត ម្យ៉ាងទៀតហេតុតែសត្វលោកមិនងាយជឿ ព្រោះតែមិនបានឃើញផ្ទាល់នឹងភ្នែក ។ ជុំវិញបញ្ហានរកនេះសូមធ្វើការប្រៀបធៀបបន្តិចថា មនុស្សខ្វាក់ពីកំណើតរមែងមិនធ្លាប់ស្គាល់អ្វីទៅដែលហៅថាស្អាត ល្អនោះទេ…
គួរឱ្យសោកស្តាយកាលបើលើកយកបញ្ហានរកមកនិយាយនោះ មានមនុស្សតិចណាស់ដែលស្ដាប់ ព្រោះសេចក្ដីទុក្ខក្នុងនរកវាធ្ងន់ហួសវិស័យមនុស្សធម្មតានឹកស្មាន នឹកគិត ម្យ៉ាងទៀតហេតុតែសត្វលោកមិនងាយជឿ ព្រោះតែមិនបានឃើញផ្ទាល់នឹងភ្នែក ។
ជុំវិញបញ្ហានរកនេះសូមធ្វើការប្រៀបធៀបបន្តិចថា មនុស្សខ្វាក់ពីកំណើតរមែងមិនធ្លាប់ស្គាល់អ្វីទៅដែលហៅថាស្អាត ល្អនោះទេ បើទុកជាយើងខំព្យាយាមពន្យល់ថា រូបនេះស្អាត រូបនោះល្អយ៉ាងណាក៏ដោយ ក៏មនុស្សខ្វាក់ពីកំណើតនោះមិនងាយយល់បានឡើយ ថែមទាំងបដិសេធថា ក្នុងលោកនេះគ្មានស្អាត គ្មានល្អ គ្មានខៀវ លឿងអ្វីទេ ។ តើសម្តីបដិសេធរបស់មនុស្សខ្វាក់ពីកំណើតបែបនេះ គួរទេ ?
នេះសបញ្ជាក់ថា សត្វលោកខ្លះក៏ខ្វាក់ដូចគ្នាដែរ ព្រោះធូលីដ៏ក្រាស់ឃ្មឹកគឺរាគាទិកិលេសជាដើម បានហើរចូលទៅក្នុងភ្នែក គឺបញ្ញាឲ្យខ្វាក់តាំងពីកំណើតមកម្ល៉េះ គេមិនងាយមើលឃើញថា អ្វីទៅជាបាប អ្វីទៅជាបុណ្យ អ្វីទៅជាសួគ៌ ឬនរកបានទេ និងថែមទាំងបដិសេធថាក្នុងលោកនេះគ្មានបាប គ្មានបុណ្យ គ្មានសួគ៌ គ្មាននរកទៀតផង ។
កាលបើភ្នែកគឺបញ្ញាត្រូវធូលីគឺកិលេសចូលទៅបិទបាំងយ៉ាងនេះហើយក៏មិនអាចមើលឃើញឋាននរកបានឡើយ ប៉ុន្តែចំពោះព្រះអរហន្តទាំងឡាយ ភ្នែកគឺបញ្ញារបស់លោកស្អាតបរិសុទ្ធ ប្រាសចាកធូលី គឺកិលេសហើយ ហើយលោកប្រកបព្រមដោយ វិជ្ជាជ្រាបច្បាស់នូវលោកនេះនិងលោកខាងមុខ ដូច្នេះរឿងណាដែលបុថុជ្ជនមិនដឹង ព្រះអរហន្តទាំងឡាយលោកដឹង អ្វីដែលបុថុជ្ជនមើលមិនឃើញ ព្រះអរហន្តទាំងឡាយលោកមើល ព្រោះលោកអស់កិលេសហើយ ។
ចែករំលែកព័តមាននេះ