តាមប្រភពពី Metro បានឱ្យដឹងថា លោកតាម្នាក់មិនបញ្ចេញឈ្មោះ ត្រូវគ្រូពេទ្យសម្រេចធ្វើការកាត់ដៃម្ខាងចោល ដោយសារតែសាច់មានសភាពរលួយ ក្រោយពីបានបរិភោគសាច់ត្រីស៊ូស៊ី ។ រឿងចាប់ផ្តើមពីការបរិភោគត្រីស៊ូស៊ី ហើយឡើងទៅជាដំបៅពណ៌ខ្មៅ…
តាមប្រភពពី Metro បានឱ្យដឹងថា លោកតាម្នាក់មិនបញ្ចេញឈ្មោះ ត្រូវគ្រូពេទ្យសម្រេចធ្វើការកាត់ដៃម្ខាងចោល ដោយសារតែសាច់មានសភាពរលួយ ក្រោយពីបានបរិភោគសាច់ត្រីស៊ូស៊ី ។ រឿងចាប់ផ្តើមពីការបរិភោគត្រីស៊ូស៊ី ហើយឡើងទៅជាដំបៅពណ៌ខ្មៅ នៅលើស្បែករបស់លោកតាក្រោយពេល១២ម៉ោងគ្រាន់តែរយៈពេល២៥នាទីក្រោយសោះ លោកតាត្រូវបង្ខំចិត្តបាត់ដៃម្ខាង ។
ដោយមានអារម្មណ៍ឈឺចាប់ ក្រោយការបរិភោគត្រីស៊ូស៊ី លោកតាក៏បានមកមន្ទីរពេទ្យនៅ Jeonju កូរ៉េខាងត្បូង ។ ក្រុមគ្រូពេទ្យបានបង្ហូរទឹករងៃក្នុងពងបែកនៅដៃរបស់លោកតាដែរ តែនៅតែមិនអាចជួយអ្វីបាន ។ នេះក៏ដោយសារលោកតាឆ្លងបាក់តេរីម្យ៉ាង ហៅថា Vibrio Vulnificus ដែលជាប្រភេទបាក់តេរីស៊ីសាច់មនុស្សស្រស់ៗ ។
មូលហេតុមួយទៀតនោះ គឺមកពីលោកតាក៏មានជំងឺប្រចាំកាយ រួមមានទឹកនោមផ្អែម លើសសម្ពាធឈាម និងខូចតម្រងនោម ។ នេះទើបធ្វើឲ្យប្រព័ន្ធភាពស៊ាំរបស់លោកតា មិនអាចវាយឈ្នះបាក់តេរីខាងលើបាន។
នៅក្រោយការកាត់ដៃម្ខាង គ្រូពេទ្យបានប្រាប់ថា លោកតាមានអាការៈប្រសើរ និង ត្រូវបញ្ជូនទៅផ្ទះរួចហើយ ។
គួរបញ្ជាក់ផងដែរថា បាក់តេរីខាងលើ គឺឆ្លងតាមរយៈការហូបគ្រឿងសមុទ្រឆៅ និងតាមមុខរបួសប៉ះជាមួយទឹកសមុទ្រ មានមេរោគ។ សម្រាប់មនុស្សមានសុខភាពល្អធម្មតា វាមិនអាចឲ្យឈឺដល់ថ្នាក់ដូចលោកតាខាងលើទេ តែសម្រាប់អ្នកមានប្រព័ន្ធការពារខ្សោយ វាមានផលលំបាកជាច្រើន ៕
ចែករំលែកព័តមាននេះ