ខេត្តតាកែវ ៖ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវអញ្ជើញប្រគល់រថយន្តពន្លត់អគ្គិភ័យដល់ការិយាល័យបង្ការពន្លត់អគ្គិភ័យ និងសង្គ្រោះ និងអធិការដ្ឋាននគរបាលស្រុក-ក្រុងចំនួន១០ ។ ពិធីនេះធ្វើឡើងនៅព្រឹកថ្ងៃទី០៣…
ខេត្តតាកែវ ៖ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវអញ្ជើញប្រគល់រថយន្តពន្លត់អគ្គិភ័យដល់ការិយាល័យបង្ការពន្លត់អគ្គិភ័យ និងសង្គ្រោះ និងអធិការដ្ឋាននគរបាលស្រុក-ក្រុងចំនួន១០ ។
ពិធីនេះធ្វើឡើងនៅព្រឹកថ្ងៃទី០៣ ខែកញ្ញា ឆ្នាំ២០១៨ នៅបរិវេណស្នងការដ្ឋាននគរបាលខេត្តតាកែវ ដោយមានការចូលរួមពីស្នងការរងនាយ នាយរងការិយាល័យជំនាញ លោកអធិការ អធិការរង ទទួលការងារបង្ការពន្លត់អគ្គិភ័យ និងមន្ត្រីទទួលការងារអគ្គិភ័យសរុបចំនួន១៤៥នាក់ ។
លោកឧត្តមសេនីយ៍ត្រី ម៉ៅ សុផល ស្នងការរងទទួលផែនការងារអាវុធគ្រឿងផ្ទុះ និងអគ្គិភ័យបានអានរបាយការណ៍សង្ខេបពាក់ព័ន្ធការងារបង្ការពន្លត់អគ្គិភ័យ រយៈពេល៨ខែ ដើមឆ្នាំ២០១៨ ជូនអង្គពិធីរួចមក ។
លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ មានមតិសំណេះសំណាល និងផ្តាំផ្ញើនាឱកាសនោះ ហើយបានណែនាំដល់លោកស្នងការរងទទួលផែន លោកនាយការិយាល័យជំនាញ លោកអធិការ អធិការរង និងមន្ត្រីទទួលការងារពន្លត់អគ្គិភ័យ ត្រូវយកចិត្តទុកដាក់ថែទាំរថយន្តឱ្យបានល្អសម្រាប់ប្រើប្រាស់បានយូរអង្វែងត្រូវបែងចែកវេនប្រចាំការ ២៤ក្នុង២៤ម៉ោង ត្រូវហ្វឹកហាត់ជាប្រចាំ ជាពិសេសត្រូវអនុវត្តតាមប្រសាសន៍ដ៏ខ្ពង់ខ្ពស់របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មិនឱ្យយកលុយពីប្រជាពលរដ្ឋដែលរងគ្រោះ ដោយអគ្គិភ័យជាដាច់ខាត ។
បន្ទាប់មកគណៈអធិបតីក៏បានប្រគល់រថយន្តពន្លត់អគ្គិភ័យដល់ការិយាល័យពន្លត់អគ្គិភ័យចំនួន២គ្រឿង និងអធិការដ្ឋាននគរបាលស្រុកទាំង៩ ក្នុង១ស្រុក ចំនួន១គ្រឿង សម្រាប់អន្តរា គមន៍ជួយប្រជាពលរដ្ឋនៅក្នុងមូនដ្ឋានដែលមានអគ្គិភ័យកើតមានឡើងជាយកថាហេតុ ៕
ចែករំលែកព័តមាននេះ