ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់បើករថយន្តទៅបុកជាមួយបង្កាន់ដៃផ្លូវជុងធ្លុះទ្រូង តែនៅអង្គុយចុចទូរស័ព្ទលេងបណ្តាញសង្គមធ្វើមិនដឹង។ នរណាមិនគិតថា ចម្លែក ព្រោះបុរសម្នាក់នេះធ្វើដូចជាគ្មានអ្វីកើតឡើង ខណៈដែលដែកបង្កាន់ដៃផ្លូវដោតជាប់ទ្រូង និងរថយន្តត្រូវខ្ទេច។
រឿងហេតុនេះកើតឡើងនៅលើផ្លូវក្នុងក្រុង Liaoyang ខេត្ត Liaoning ដោយរថយន្តមួយគ្រឿងបានបុកជាមួយនឹងបង្កាន់ដៃផ្លូវ។ ដែករបស់បង្កាន់ដៃនោះបានបុកទម្លុះកញ្ចក់មុខរថយន្ត ហើយបន្តមកទម្លុះទ្រូងរបស់អ្នកបើកទៀត។ បុរសជាតៃកុងមិនត្រឹមតែមិនភ័យនោះទេ តែបែរជាអង្គុយចុចទូរស័ព្ទលេងទៅវិញ។
ខណៈដែលក្រុមជួយសង្គ្រោះមកដល់កន្លែងកើតហេតុ បុរសជាតៃកុងនៅអង្គុយស្ងៀមចុចទូរស័ព្ទធ្វើមិនដឹង។ ទាល់តែពួកគេប្រាប់ឲ្យឈប់ ដើម្បីកាត់ដែកនោះឲ្យខ្លីបន្តិច ទើបម្ចាស់រថយន្តព្រមឈប់។ ក្រោយពីកាត់រួចរាល់ក៏បន្តចុចទៀត។ គាត់បន្តចុចរហូតដល់គេលើកដាក់ឡានពេទ្យ។ ពិតជាគួរឲ្យហួសចិត្តមែនទែន! វីដេអូឃ្លីបដកស្រង់ចេញពី ៖ ComicsCartoons
https://www.youtube.com/watch?v=uwGxAmlR2MI
ចែករំលែកព័តមាននេះ