មហាព្យុះមួយគំរាមកំហែងប្រទេសជប៉ុន
ប្រទេសជប៉ុន ៖ ១ឆ្នាំក្រោយព្យុះសង្ឃរាឈ្មោះ IRMA និង HARVEY នៅតំបន់មហាសមុទ្រអត្លង់ទិកដែលពេលនេះស្ងប់ស្ងាត់ ឥឡូវដល់ប្រវត្តិមួយទៀតនៅអាស៊ីអាគ្នេយ៍ នោះ គឺមហាព្យុះឈ្មោះ…
ប្រទេសជប៉ុន ៖ ១ឆ្នាំក្រោយព្យុះសង្ឃរាឈ្មោះ IRMA និង HARVEY នៅតំបន់មហាសមុទ្រអត្លង់ទិកដែលពេលនេះស្ងប់ស្ងាត់ ឥឡូវដល់ប្រវត្តិមួយទៀតនៅអាស៊ីអាគ្នេយ៍ នោះ គឺមហាព្យុះឈ្មោះ JEBI ដែលចាប់ផ្ដើមកកើតនៅមហាសមុទ្រប៉ាស៊ីហ្វិកពីថ្ងៃទី២៧ សីហាមក។
ព្យុះនោះរយៈពេលប៉ុន្មានថ្ងៃចុងក្រោយនេះ បានពង្រឹងកម្លាំង ហើយនាថ្ងៃទី៣១ សីហាក្លាយជាព្យុះសង្ឃរាប្រភេទទី៥ ជាមហាព្យុះខ្លាំងបំផុត។ ព្យុះ JEBI នេះបានបន្តបោកបក់ក្នុងមហាសមុទ្រប៉ាស៊ីហ្វិក មុនពេលវាយប្រហារលើប្រទេសជប៉ុន នាដើមសប្ដាហ៍នេះ។ព្យុះនោះត្រូវចុះថយកម្លាំងមុនពេលបោកបក់ដល់ឆ្នេរសមុទ្រជប៉ុន ប៉ុន្តែនៅអាចបង្កការខូចខាតធ្ងន់ធ្ងរ។
យោងតាមក្រុមតាមដានខ្យល់ព្យុះ KERAUNOS ថា សម្រាប់ពេលនេះស្ថិតនៅក្នុងដែនទឹកកោះហ្គាមអាមេរិក និងប្រជុំកោះ MARIANNES ព្យុះ JEBI បានបោកបក់កាន់តែមកកៀកឆ្នេរសមុទ្រជប៉ុន។ ហើយល្បឿនខ្យល់អាចមានដល់ទៅជិត២៨០គីឡូម៉ែត្រក្នុង១ម៉ោង ឬរហូតដល់៣៣០គីឡូម៉ែត្រក្នុង១ម៉ោង។ បន្ទាប់ពីបោកបក់ឆ្ពោះទៅទិសខាងជើង ព្យុះ JEBI ត្រូវមកដល់ឆ្នេរសមុទ្រជប៉ុន ចាប់ពីថ្ងៃទី៣ កញ្ញា។
ទោះជាវាត្រូវថមថយកម្លាំង តែវានៅតែជាព្យុះខ្លាំងប្រភេទទី៣ មានគ្រោះថ្នាក់បំផុត។ ចំណែកពួកអ្នកឯកទេសគិតថា នឹងមានទឹកជំនន់មកពីភ្លៀងធ្លាក់ខ្លាំង ព្រមទាំងខ្យល់បោកបក់ខ្លាំងដល់ជិត២០០គីឡូម៉ែត្រក្នុង១ម៉ោង ហើយរលកសមុទ្រអាចមានកម្ពស់ដល់១០ម៉ែត្រ៕
ចែករំលែកព័តមាននេះ