តែងតែឃើញគាត់មករណ្តៅដីនេះជាប្រចាំ ស្រាប់តែព្រឹកនេះភ្ញាក់ផ្អើលតែម្តង
- ភ្នំពេញ
រាជធានីភ្នំពេញ៖ បុរសម្នាក់បានស្លាប់អណ្ដែតនៅក្នុងទឹករណ្ដៅដីមួយកន្លែងខណៈពេលដែលគាត់យកមងទៅដាក់យកត្រីនៅក្នុងទឹករណ្ដៅដីនោះ ហើយភ្លាត់ស្នៀតត្រូវមងវ័ណ្ឌជើងនិងខ្លួនរើពុំរួចក៏ឈ្លក់ទឹកស្លាប់តែម្ដង។ សពបុរសខាងលើនេះត្រូវបានអ្នកភូមិប្រទះឃើញស្លាប់អណ្ដែតផ្កាប់មុខ បង្កឲ្យមានការភ្ញាក់ផ្អើល កាលពីវេលាម៉ោង៧ព្រឹក ថ្ងៃទី២ ខែកញ្ញា ឆ្នាំ២០១៨ នៅក្នុងទឹករណ្ដៅដីស្ថិតនៅមុខបូជនីយស្ថានទួលធាតុ…
សពបុរសខាងលើនេះត្រូវបានអ្នកភូមិប្រទះឃើញស្លាប់អណ្ដែតផ្កាប់មុខ បង្កឲ្យមានការភ្ញាក់ផ្អើល កាលពីវេលាម៉ោង៧ព្រឹក ថ្ងៃទី២ ខែកញ្ញា ឆ្នាំ២០១៨ នៅក្នុងទឹករណ្ដៅដីស្ថិតនៅមុខបូជនីយស្ថានទួលធាតុ ស្ថិតនៅក្នុងភូមិព្រៃកុដិ សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ។
អ្នកភូមិនិយាយថា ពួកគាត់មិនបានស្គាល់ថាបុរសដែលស្លាប់ខាងលើនោះឈ្មោះអ្វីនៅឡើយទេ ប៉ុន្តែបើតាមការប៉ាន់ស្មានគាត់មានវ័យប្រហែលជាង៣០ឆ្នាំ សប្បុរសណ្តែក បាយ ស្លៀកខោកីឡាជើងខ្លី ពណ៌ក្រហម និងពាក់អាវយឺតដៃខ្លីពណ៌ប្រផេះ ។ ចំណែករណ្ដៅដីកើតហេតុនោះមានជម្រៅជ្រៅណាស់ព្រោះគេជីកយកអាចម៍ដីលក់ហើយអ្វីដែលគួរឲ្យចាប់អារម្មណ៍នោះគឺស្ទើរតែនៅរៀងរាល់១ឬ២ឆ្នាំម្ដងតែងមានអ្នកស្លាប់ដោយសារលង់ទឹករណ្ដៅនោះជាបន្តបន្ទាប់ផងដែរ។
ប្រភពដដែលបានបន្តទៀតថា កន្លងមកពួកគាត់តែងបានឃើញបុរសរងគ្រោះខាងលើយកមងទៅដាក់ ដែលទីនោះគឺជាទីកន្លែងដែលគាត់នេសាទត្រីដោយការដាក់មងយកត្រីនេះជាប្រចាំ។ ដោយឡែកកាលពីល្ងាចថ្ងៃទី១ កញ្ញា ២០១៨ ក៏ឃើញមកដាក់មងដែរ ។ លុះព្រឹកឡើងម៉ោងប្រហែល៨ព្រឹកថ្ងៃទី២ ខែកញ្ញា ឆ្នាំ២០១៨ ខណៈដែលពួកគាត់ដើរឆ្លងកាត់ទីនោះស្រាប់តែឃើញសពអណ្តែតផ្កាប់មុខក្នុងទឹករណ្ដៅដីនោះដោយ ខ្លួនគាត់ត្រូវមងរុំជាប់តែម្ដង។
បន្ទាប់ពីបានឃើញបែបនេះ ពួកគាត់បាន រាយការណ៍ប្រាប់នគរបាលឲ្យចុះទៅពិនិត្យនិងកោសល្យវិច័យនិងស្រាវជ្រាវដើម្បីរកសាច់ញាតិឲ្យទៅទទួលយកសពទៅធ្វើបុណ្យតាមប្រពៃណី៕
ចែករំលែកព័តមាននេះ