តាមការសិក្សាថ្មីបានឲ្យដឹងថា ការគេងនៅចំហៀងខាងឆ្វេងមានប្រយោជន៍ច្រើនណាស់ចំពោះសុខភាព ហើយវាក៏ច្រើនតែផ្តល់ប្រយោជន៍ដល់ការគេងកាន់តែស្រួលពេញមួយយប់ផងដែរ ។ ទោះបីជាយ៉ាងណាក៏ដោយ ការគេងមិនខាងឆ្វេងបែបនេះអាចប្រយោជន៍វិជ្ជមានចំពោះសុខភាពជាច្រើនដូចជា៖
១-ប្រព័ន្ធទឹករងៃធ្វើការកាន់តែស្រួល ៖ ការគេងមកចំហៀងអាចជួយឲ្យរាងកាយច្រោះជាតិពុលតាមប្រព័ន្ធទឹករងៃកាន់តែល្អជាងមួយតាមរយៈកូនកណ្តុរ ដោយសារតែចំហៀងខាងឆ្វេងគឺជាកន្លែងបង្ហូរទឹករងៃតែម្តង ។ ទោះបីជាយ៉ាងណាក៏ដោយ បើសិនជាអ្នកគេងនៅចំហៀងខាងស្តាំវិញ វាអាចបន្ថយប្រសិទ្ធភាពរបស់ប្រព័ន្ធទឹករងៃទៅវិញ។
២-ពង្រឹងដល់ការរំលាយអាហារ ៖ ក្រពះស្ថិតនៅផ្នែកខាងឆ្វេងនៃរាងកាយ ដូច្នេះ ការគេងនៅចំហៀងខាងឆ្វេងអាចធ្វើឲ្យលំហូរក៏ដូចជា ចលនាពោះវៀនពីពោះវៀនតូចទៅពោះវៀនធំមានលក្ខណៈកាន់តែងាយស្រួល។ ការគេងនៅចំហៀងខាងស្តាំអាចធ្វើឲ្យដំណើរការណ៍នៃការរំលាយអាហារតាមបែបទំនាញផែនដីមានការលំបាកច្រើន ។
ជាមួយគ្នានេះដែរគេជឿថា អង់ស៊ីមលំពែងត្រូវបានបង្កើតឡើងកាន់តែងាយស្រួលបើសិនជាអ្នកគេងមកចំហៀងខាងឆ្វេង។ យ៉ាងណាមិញ ការគេងមកចំហៀងខាងឆ្វេងនឹងជំរុញដល់លារបន្ទោបង់នៅពេលភ្ញាក់ពីគេងព្រឹកឡើងផង ។
៣-ល្អចំពោះស្ត្រីមានផ្ទៃពោះ ៖ ការគេងមកចំហៀងខាងឆ្វេងនឹងជួយពង្រឹងដល់របត់ឈាមរត់របស់ស្ត្រីមានផ្ទៃពោះ ។ ជាមួយគ្នានេះដែរវាអាចជួយសម្រួលដល់សម្ពាធនៅខ្នង ដូច្នេះវាក៏មិនឲ្យស្បូនកៀបដល់ថ្លើមបាន តែជួយបង្កើនលំហូរឈាមទៅតម្រងនោម ស្បូន និងទារកផង ។ គ្រូពេទ្យក៏បានណែនាំឲ្យស្ត្រីមានផ្ទៃពោះព្យាយាមគេងមកចំហៀងខាងឆ្វេងកាន់តែច្រើនផងដែរ។
៤-ពង្រឹងដល់សុខភាពបេះដូង ៖ ការគេងមកចំហៀងខាងឆ្វេងដើរតួនាទីដល់សុខភាពបេះដូងខ្លាំងជាងគេបំផុត ។ ហេតុផលគឺថា ការគេងមកខាងឆ្វេងនឹងជំរុញដល់លំហូរទឹករងៃចូលទៅបេះដូង ហើយវាក៏ជួយសម្រួលដល់ទំនាញផែនដីបន្ថែម ដើម្បីកុំឲ្យបេះដូងធ្វើការច្រើនទៀតនៅពេលគេង ។
៥-ពង្រឹងដល់សុខភាពអណ្តើក ៖ សរីរាង្គមួយផ្សេងទៀតដែលនឹងទទួលបានប្រយោជន៍តាមរយៈការគេងមកខាងឆ្វេងនោះ គឺអណ្តើក ។ នៅពេលអ្នកគេងមកចំហៀងខាងឆ្វេងវានឹងជួយជំរុញដល់លំហូរឈាមពីអណ្តើកតាមរយៈទំនាញផែនដីកាន់តែស្រួល ។
៦-បំបាត់ការឈឺខ្នង ៖ អ្នកដែលកំពុងតែមានការឈឺខ្នងរ៉ាំរ៉ៃប្រហែលជាទទួលបានប្រយោជន៍ច្រើនពីការគេងមកចំហៀងខាងឆ្វេង ។ នេះដោយសារតែ ការគេងនៅចំហៀងខាងឆ្វេងអាចជួយបន្ថយសម្ពាធនៅឆ្អឹងកងខ្នង ។ ជាមួយគ្នានេះដែរ អារម្មណ៍អ្នកនឹងកាន់តែល្អបន្ថែម ព្រមទាំងគេងលក់កាន់តែស្រួលទៀតផង ។
៧-បន្ថយក្រហាយដើមទ្រូង ៖ អាហារដែលមានជាតិអាស៊ីតច្រើន ដូចជា ផាស្តា ភីហ្សា និងកាហ្វេអាចជាធ្វើឲ្យមានអារម្មណ៍ក្រហាយដើមទ្រូងបាន ។ មនុស្សគ្រប់គ្នាដែលកំពុងតែគេង ហើយក៏មានបញ្ហាក្រហាយដើមទ្រូងនោះនឹងប្រាប់ថា ពួកគេមិនមានផាសុកភាពខ្លាំងប៉ុនណា ។ ប៉ុន្តែការគេងនៅចំហៀងខាងឆ្វេងត្រូវបានគេរកឃើញថា ជួយសម្រួលដល់ការច្រាលទឹកអាស៊ីតនៅក្រពះ ធ្វើឲ្យក្រហាយដើមទ្រូងបាន (ប្រភពពី៖ Health.com.kh) ៕
ចែករំលែកព័តមាននេះ