សារព័ត៌មានបរទេសកាលពីពេល ថ្មីៗកន្លងមកផ្សាយថា ក្រោយពីរៀបអភិសេករួចរាល់ព្រះនាងមេហ្គេន ម៉ាឃើល (Meghan Markle) និងព្រះអង្គម្ចាស់ហែរី នៅមិនទាន់មានពេលទៅក្រេបទឹកឃ្មុំនៅបរទេស ព្រោះជាប់បំពេញភារកិច្ច ប៉ុន្តែកាលពីចុងសប្ដាហ៍កន្លងមកបានទៅក្រេបទឹកឃ្មុំជាលើកដំបូងនៅអុីតាលី ដោយមានលោក ចច គ្លូនី (George Clooney) រៀបចំពិធីនេះយ៉ាងឪឡារឹក ។
លោកចច គ្លូនី តារាសម្តែងបានបង្កភាពងាយស្រួល និងការពារសុវត្ថិភាពដល់ដំណើរក្រេបទឹកឃ្មុំនោះ ដោយយកយន្តហោះផ្ទាល់ខ្លួនទៅទទួលព្រះនាងមេហ្គេន ម៉ាឃើល និងព្រះអង្គម្ចាស់ហែរី ទៅភូមិគ្រឹះរបស់ខ្លួននៅបឹង«Lake Como» ។
លោកគ្លូនី អាយុ៥៧ឆ្នាំ និងលោកស្រីអាម៉ាល់ អាឡាម៉ាដឌីន(Amal Alamuddin) អាយុ៤០ឆ្នាំបានយកភូមិគ្រឹះដ៏ស្រស់ស្អាតរបស់ខ្លួន និងជាទីតាំងថតភាពយន្តរឿង«Ocean’s Twelve» សម្រាប់ទទួលភ្ញៀវពិសេស ។
លើសពីនេះនៅក្នុងភូមិគ្រឹះក៏មានរៀបចំអាហារពេលល្ងាចយ៉ាងឱឡារិក ដោយជួលចុងភៅដ៏ល្បីពីហាង«II Gatto Nero» ទៅចំអិនអាហារនៅឯភូមិគ្រឹះ ៕
ចែករំលែកព័តមាននេះ