ខេត្តបាត់ដំបង ៖ បន្ទាប់ពីមានការបែកធ្លាយនូវរឿងអាស្រូវរបស់លោកអធិការស្រុករតនៈមណ្ឌល និងមន្ត្រីក្រោមឱវាទជំរិតទារលុយពីបុរសម្នាក់ចំនួន១២០០ដុល្លារ ដើម្បីបិទសំណុំរឿងពាក់ព័ន្ធនឹងគ្រឿងញៀន នារសៀលថ្ងៃទី២៧ សីហា នេះ លោកសន និល…
ខេត្តបាត់ដំបង ៖ បន្ទាប់ពីមានការបែកធ្លាយនូវរឿងអាស្រូវរបស់លោកអធិការស្រុករតនៈមណ្ឌល និងមន្ត្រីក្រោមឱវាទជំរិតទារលុយពីបុរសម្នាក់ចំនួន១២០០ដុល្លារ ដើម្បីបិទសំណុំរឿងពាក់ព័ន្ធនឹងគ្រឿងញៀន នារសៀលថ្ងៃទី២៧ សីហា នេះ លោកសន និល អធិការនគរបាលស្រុករតនៈមណ្ឌល បានសម្រេចប្រមូលលុយទាំងអស់ យកទៅប្រគល់ជូនឪពុកជនរងគ្រោះវិញគ្រប់ចំនួនហើយ ។
លោក សន និល បានទទូលស្គាល់នូវកំហុសឆ្គង ក្នុងការអនុវត្តនីតិវិធី តែពេលនេះ លោកបានធ្វើការសម្របសម្រួលជាមួយជនរងគ្រោះ តាមការណែនាំរបស់លោកស្នងការខេត្ត ។ លោកបានបញ្ជាក់ថា ពេលនេះលោកបានប្រគល់លុយទៅជូនជនរងគ្រោះវិញគ្រប់ចំនួនហើយ ។
ជាមួយនឹងការប្រគល់លុយនេះ ឪពុកជនរងគ្រោះ គឺលោកលី រុន អាយុ៥៦ឆ្នាំ រស់នៅភូមិអូរត្រែង ឃុំផ្លូវមាស ស្រុករតនៈមណ្ឌល បានផ្ដល់បទសម្ភាសន៍ជាមួយកោះសន្តិភាពពេលកំពុងទទួលលុយថា «លោកសូមអរគុណ ដែលលោកអធិការបានប្រគល់លុយឱ្យលោកវិញ ខណ:ដែលលោកកំពុងប្រឈមនឹងលុយបំណុលនេះ ។
លោកលី រុន បានប្រាប់ទៀតថា លោកបានទទូលលុយគ្រប់ចំនួនហើយ គឺចំនួន៤,៨០លានរៀល ស្មើនឹង១២០០ដុល្លារ ហើយលោកក៏ព្រមព្រៀងបញ្ចប់រឿងនេះ មិនប្ដឹងប្ដល់អ្វីទៀតដែរ ។
ចែករំលែកព័តមាននេះ