សហរដ្ឋអាមេរិក-ម៉ិកស៊ិក ៖ ផ្លូវរូងក្រោមដីមួយមានប្រវែងដល់ទៅ១៨០ម៉ែត្រដែលប្រើសម្រាប់បញ្ជូនគ្រឿងញៀន ត្រូវបានអាជ្ញាធរទើបរកឃើញនៅព្រំដែនរវាងរដ្ឋអារីហ្សូណា ភាគខាងត្បូងសហរដ្ឋអាមេរិក និងម៉ិកស៊ិក។ នៅផ្នែកខាងដែនដីអាមេរិកជាប់ព្រំដែនមាត់រូង ស្ថិតក្នុងអតីតហាងលក់អាហារ FAST-FOOD KFC…
សហរដ្ឋអាមេរិក-ម៉ិកស៊ិក ៖ ផ្លូវរូងក្រោមដីមួយមានប្រវែងដល់ទៅ១៨០ម៉ែត្រដែលប្រើសម្រាប់បញ្ជូនគ្រឿងញៀន ត្រូវបានអាជ្ញាធរទើបរកឃើញនៅព្រំដែនរវាងរដ្ឋអារីហ្សូណា ភាគខាងត្បូងសហរដ្ឋអាមេរិក និងម៉ិកស៊ិក។
នៅផ្នែកខាងដែនដីអាមេរិកជាប់ព្រំដែនមាត់រូង ស្ថិតក្នុងអតីតហាងលក់អាហារ FAST-FOOD KFC មួយ ដែលបានភ្ជាប់ទៅផ្ទះឯកជនមួយខាងដែនដីម៉ិកស៊ិក។
អ្វីៗចាប់ផ្ដើមនាថ្ងៃទី១៣ សីហា ពេលដែលប៉ូលិសក្រុងសាន់ល្វីស តាមដានឃើញមនុស្សម្នាក់ចេញពីអតីតភោជនីយដ្ឋាន KFC ជាមួយកុងតឺន័រប្លាស្ទីកទាំងឡាយដែលគេលើកដាក់លើរថយន្តមួយគ្រឿង។ ប៉ូលិសពេលនោះសម្រេចដាក់ការត្រួតពិនិត្យតាមផ្លូវ។ ដោយសារឆ្កែមួយក្បាលមានជំនាញខាងហិតរកគ្រឿងញៀន ប៉ូលិសពេលនោះរកឃើញគ្រឿងញៀនមេតំហ្វេតាមីន១១៩គីឡូក្រាម កូកាអ៊ីន៦គីឡូក្រាម ហេរ៉ូអ៊ីន២០គីឡូក្រាម និង FENTANYLជាគ្រឿងញៀនខ្លាំងជាងម័រហ្វីនដល់១០០ដងចំនួន៣,៦គីឡូក្រាម។ គ្រាន់តែគ្រឿងញៀន FENTANYLទម្ងន់ប៉ុណ្ណេះតំណាងឲ្យដល់៣លានដូស។
យោងតាមឯកសារផ្លូវច្បាប់នានាថា ជនសង្ស័យបានទិញកាលពីខែមេសា អតីតហាងKFC ក្នុងតម្លៃ៣៨០.០០០ដុល្លារ។ ហាងនោះត្រូវគេបោះបង់ចោលចាប់តាំងពីច្រើនឆ្នាំមកហើយ។ អាជ្ញាធរនៅទីនោះបានរកឃើញរូងក្រោមដីមួយមានជម្រៅជិត៧ម៉ែត្រ។ ផ្លូវរូងក្រោមដីនេះ ត្រូវបានកសាងយ៉ាងល្អបំផុត និងមានប្រវែង១៨០ម៉ែត្រ៕ វីដេអូឃ្លីបដកស្រង់ចេញពី ៖ CBS News
ចែករំលែកព័តមាននេះ