រាជធានីភ្នំពេញ ៖ រយៈពេលជាច្រើនឆ្នាំមកហើយដែលកុល ដាវី និងលោក សុខ រក្សា បានក្លាយជាគូស្នេហ៍រួមរស់នៅជាមួយគ្នាដូចប្តីប្រពន្ធ ហើយមិនទាន់លៃលកឱកាសចូលរោងសំពះផ្ទឹម ។…
រាជធានីភ្នំពេញ ៖ រយៈពេលជាច្រើនឆ្នាំមកហើយដែលកុល ដាវី និងលោក សុខ រក្សា បានក្លាយជាគូស្នេហ៍រួមរស់នៅជាមួយគ្នាដូចប្តីប្រពន្ធ ហើយមិនទាន់លៃលកឱកាសចូលរោងសំពះផ្ទឹម ។ អ្វីដែលប្លែកកុល ដាវី មានការទាក់ទងជាមួយថៅកែគ្រឿងសំណង់ល្បីឈ្មោះនៅភ្នំពេញ ដោយអ្នកសិល្បៈភាគច្រើនស្គាល់លោក ។ បើបែបនេះតើលោកសុខ រក្សា ជាគូស្នេហ៍មានអារម្មណ៍បែបណា ។
តារាសម្តែងនាងកុល ដាវី បានធ្វើជាតារាផ្សព្វផ្សាយសម្ភារគ្រឿងសំណង់អស់រយៈពេលជិត១០ឆ្នាំ ហើយស្របពេលតារារះថ្មីហ៊ានសម្ញែងភាពសិចសុីលេចឮដំណឹងថាថៅកែគ្រឿងសំណង់រៀបផែនការឲ្យទទួលតំណែងដូចនាងដែរនោះ កុល ដាវី មិនច្រណែនទេ បែរជាជួយត្រេកអរ ។
កុល ដាវី និយាយថា«នាងខ្ញុំ និងថៅកែហ៊ួត ជា ដំបូងឡើយកាលពីជិត១០ឆ្នាំមុននាងខ្ញុំត្រូវគាត់ជ្រើសរើសដោយយល់ថានាងខ្ញុំមានឈ្មោះ ហើយយល់ពីការងារមិនបាច់ប្រាប់ច្រើនក៏ត្រូវបានជ្រើសតាំងចាប់ពីពេលនោះមក ។ ការណ៍ពិតរវាងនាងខ្ញុំ និងគាត់មិនអាចក្លាយជាអ្វីលើសពីពាក្យថាបងប្អូនទេ ព្រោះនាងខ្ញុំគោរពស្រឡាញ់គាត់ជាមនុស្សហ្មត់ចត់ការងារ គោរពចាស់ទុំមានចិត្តធម៌ជួយអ្នកអត់ ។
អ្វីដែលសំខាន់បើទោះជាមានតារាស្រី ឬតារាប្រុសណាមកក្លាយជាអ្នកតំណាងការងារដូចនាងខ្ញុំគឺអារម្មណ៍សប្បាយចិត្ត អត់គិតថាខ្លាចមានគេឆក់តំណែងប៉ែងជើងទៅណាទេ មានតែខំរួមគ្នាថតបញ្ចូលអារម្មណ៍ឲ្យល្អ។ ជាងនេះទៅទៀតសូម្បីតែលោកក្នុងឱកាសសម្ពោធក៍នៅតែឆ្លៀតពេលជួយឧបត្ថម្ភថវិកា១០លានរៀលជូនមន្ទីរពេទ្យគន្ឋបុប្ឋានិងមានសកម្មភាពចុះជួយកុមារកំព្រាតាមខេត្តក្រុងមួយចំនួនទៀតផងដែរ ។
រីឯរក្សាគាត់ដូចជាមិនមានអ្វីទើសទាល់ទេហើយក៏រាប់អានបងប្រុសហ៊ួត ជាដូចបងប្អូនដែរ ។
ចំណែកលោក ហ៊ួត ជា បញ្ជាក់ថា ក្រោយពេល កុល ដាវី ថតរូបផ្សាយផលិតជូនកន្លែងលោក ធ្វើឲ្យមានដំណើរការទៅមុខល្អ ដូច្នេះហើយទើបជិត១០ឆ្នាំនៅតែមិនចោលនាង ៕
ចែករំលែកព័តមាននេះ