រាជធានីភ្នំពេញ ៖ សេចក្តីរាយការណ៍បឋមឱ្យដឹងថា រថយន្តដឹកឥដ្ឋមួយគ្រឿង បានបើកបោះពួយក្នុងល្បឿនលឿន ក៏ជ្រុលទៅបុករថយន្តដឹកដីមួយគ្រឿងពីក្រោយ ខណៈកំពុងតែបង្អង់ល្បឿនឈប់នៅពី
ខាងមុខ បណ្តាលឱ្យខ្ទេចមុខរថយន្តខ្លួនឯង និងរងរបួសព្រូម្នាក់ ។ ហេតុការណ៍នេះ កើតឡើងកាលពី
វេលាម៉ោងប្រមាណ១០ និង៣០នាទីព្រឹកថ្ងៃទី២៤ សីហា ស្ថិតនៅតាមផ្លូវទំនប់កប់ស្រូវ ក្នុងភូមិកប់ស្រូវ
ធំ សង្កាត់គោករការ ខណ្ឌព្រែកព្នៅ ។
សេចក្តីរាយការណ៍បន្តថា រថយន្តដឹកឥដ្ឋម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខកំពង់ចាម ៣A-០៧៦៦ បើកបរដោយឈ្មោះ ធី ភេទប្រុស និងអ្នករងរបួសឈ្មោះនាថ ភេទប្រុស អាយុ ប្រមាណ២០ឆ្នាំ ជាព្រូបានរងរបួសជើង ។ ដោយឡែក រថយន្តដឹកដីម៉ាកហ៊ីយ៉ាន់ដាយ ពណ៌ឈាមជ្រូក ពាក់ស្លាកលេខ តាកែវ ៣A-១១៨៩ បើកបរដោយឈ្មោះ អេង រៀង ភេទប្រុស អាយុ៣៣ឆ្នាំ មានលំនៅភូមិមីក្រៅ ស្រុកបាភ្នំខេត្តព្រៃវែង។
តាមប្រភពឱ្យដឹងថា នៅមុនពេលកើតហេតុ រថយន្តដឹកឥដ្ឋធ្វើដំណើរក្នុងល្បឿន លឿន តាមផ្លូវ ទំនប់កប់ស្រូវ ក្នុងទិសដៅពីកើត ទៅលិច គោលបំណងដឹកឥដ្ឋយកទៅដាក់តាមផ្លូវជាតិលេខ ។នៅពេលធ្វើដំណើរ មកដល់កន្លែងកើតហេតុ ស្ថានភាពផ្លូវកកស្ទះ ហើយរថយន្តដឹកដី ក៏បានឈប់ជាបន្តបន្ទាប់ស្រាប់តែរថយន្តដឹកឥដ្ឋធ្វើដំណើរមកពីក្រោយ ទំនងជាវ៉ាក់អ៊ើ ជ្រុលទៅបុករថយន្តដឹកដីពីក្រោយ ពេញទំហឹងតែម្តង ។
ចែករំលែកព័តមាននេះ