សហរដ្ឋអាមេរិក ៖ មនុស្សសំខាន់២នាក់របស់ប្រធានាធិបតីអាមេរិក លោកដូណាល់ ត្រាំម្នាក់លោក PAUL MANAFORT អតីតប្រមុខក្រុមយុទ្ធនាការឃោសនាបោះឆ្នោត កាលពីថ្ងៃទី២១ សីហា ទទួលការកាត់ទោស បន្ទាប់ពីសវនាការកាត់ទោសលើកដំបូងទាក់ទិននឹងការស៊ើបអង្កេតលើការជ្រៀតជ្រែករបស់រុស្ស៊ី ចូលក្នុងការឃោសនាបោះឆ្នោតប្រធានាធិបតីឆ្នាំ២០១៦។
ចំណែកមនុស្សជំនិតម្នាក់ទៀតរបស់លោកត្រាំ លោកMACHAEL COHEN អតីតមេធាវីផ្ទាល់ខ្លួនរបស់លោក បានទទួលសារភាពពីការប្រើលុយបំបិទមាត់នារី២នាក់ដែលមានទំនាក់ទំនងផ្លូវភេទជាមួយលោកត្រាំ។
លោកPAUL MANAFORTទទួលការកាត់ទោសនាថ្ងៃទី២១សីហាពីបទក្លែងបន្លំធនាគារ និងពន្ធ ប៉ុន្តែបណ្ដាចៅក្រមពុំអាចប្រកាសសាលក្រមលើបទចោទប្រកាន់លោក ១០ករណីទៀត។នៅតុលាការក្រុងALEXANDRIA ជិតក្រុងវ៉ាស៊ិនតោន ក្រុមប្រឹក្សាតុលាការផ្ដោតតែលើបទចោទប្រកាន់៨ក្នុងចំណោមបទចោទប្រកាន់ទាំង១៨ប្រឆាំងរូបលោក ក្រោយសវនាការលើកដំបូងទាក់ទិននឹងការស៊ើបអង្កេតលើរឿងជ្រៀតជ្រែករបស់រុស្ស៊ី ចូលក្នុងការបោះឆ្នោតប្រធានាធិបតីឆ្នាំ២០១៦។
ក្រោយការចេញសាលក្រមនេះបន្ទាប់មកនឹងមានការប្រកាសពីកាលបរិច្ឆេទនៃការប្រកាសទោសលោកPAUL MANAFORTដែលអាចជាប់គុកច្រើនឆ្នាំ។ ចំណែកអតីតមេធាវីផ្ទាល់ខ្លួនរបស់លោកត្រាំ លោកMACHAEL COHENក្រោយការស៊ើបអង្កេត៤ខែ នាថ្ងៃទី២១សីហាបានទទួលសារភាពនៅមុខចៅក្រមសហព័ន្ធមួយរូបថាលោកពិតជាយកប្រាក់ទៅបំបិទមាត់នារី២នាក់ ដែលមានទំនាក់ទំនងផ្លូវភេទជាមួយលោកត្រាំ។
លោករងការគំរាមចោទប្រកាន់ពីបទក្លែងបន្លំធនាគារនិងពន្ធ។គេនៅពុំទាន់ដឹងក្នុងពេលភ្លាមៗថា តើលោក COHEN អាយុ៥១ឆ្នាំអាចជាប់ចោទពីបទអ្វីខ្លះឡើយ ក្រោយលោកបម្រើលោកត្រាំអស់ពេលជាង១០ឆ្នាំមក។ យោងតាមកាសែតញូវយ៉កថែមថាលោក COHEN នឹងប្រកាសទទួលស្គាល់ទោសកំហុសក្លែងបន្លំធនាគារ និងពន្ធ ព្រមទាំងលើការរំលោភបំពានច្បាប់ស្ដីពីហិរញ្ញវត្ថុនៃយុទ្ធនាការឃោសនាបោះឆ្នោត។
ការចោទប្រកាន់អាចទាក់ទិនជាពិសេស ទឺកប្រាក់ដែលលោកចេញឲ្យបណ្ដានារី ដែលកាលពីអតីតកាលអះអាងថាមានទំនាក់ទំនងផ្លូវភេទជាមួយប្រធានាធិបតី ដើម្បីបំបិទមាត់ពួកនាងកុំឲ្យនិយាយរឿងនោះ៕
ចែករំលែកព័តមាននេះ