កោះសន្តិភាពសូមបង្ហាញជូនដើមឈើចំនួន ៩ដែលមានអាយុវែងជាងគេក្នុងលោក យោងតាមគេហទំព័រ Kibi ៖
១-ដើមគ្រីស្មាស់អាយុ៩.៥៥០ឆ្នាំ ៖ <<Christmas Tree>> ឬដើមឈើគ្រីស្មាស់ស្ថិតនៅប្រទេសស៊ុយអែតដែលមានអាយុប្រមាណជា៩.៥៥០ឆ្នាំឯណោះ ។ វាមានកម្ពស់ជិត៤ម៉ែត្រ ។ ប្រព័ន្ធឫសរបស់វាមានអាយុកាលដល់ទៅ រាប់ពាន់ឆ្នាំ ពោលគឺបន្ទាប់ពីយុគសម័យទឹកកក (Ice Age) ។ អាយុកាលរបស់វាត្រូវបានរាប់ផ្អែកលើកងរង្វង់នៃប្រព័ន្ធស្នូលរបស់វា ។
២-Methuselah អាយុ៤.៨០០ឆ្នាំ ៖ ស្ថិតក្នុងអម្បូរដើមឈើស្រល់រាងកោណដែលពីមុនដើម Methuselah ធ្លាប់ស្ថិតនៅចំណាត់ថ្នាក់លេខ១ជាប្រភេទដើមឈើមានអាយុកាលវែងជាងគេក្នុងលោក ។ ដើមឈើនេះស្ថិតក្នុងរដ្ឋ Nevada សហរដ្ឋអាមេរិក ។
៣-Sarv-eAbarkooh អាយុ៤០០០ឆ្នាំ ៖ ដើមឈើ Sarv-eAbarkooh ស្ថិតនៅប្រទេសអីរ៉ង់ ។ វាជាអម្បូរដើមស្រល់ ហើយត្រូវបានគេជឿថាជាវត្ថុមានជីវិតយូរជាងគេនៅអាស៊ី និងជាកន្លែងទាក់ទាញភ្ញៀវទេសចរដ៏ធំផងដែរ ។
៤-Llangernyw Yew អាយុ ៤០០០ ឆ្នាំ ទៅ ៥០០០ ឆ្នាំ ៖ ដើម Llangernyw Yew ស្ថិតនៅកន្លែងបញ្ចុះសពនៅប្រទេសវែលស៍ និងត្រូវបានគេមានជំនឿថាមានរឿងព្រេងជាច្រើនទាក់ទងនឹងដើមឈើមួយប្រភេទនេះ ។
៥-Alerceអាយុកាល៣.៦០០ឆ្នាំ ៖ ដើមឈើ Alerce ស្ថិតនៅប្រទេសស៊ីលី ។ ជាទូទៅគេតែងហៅវាថាជាដើម Fitzroya ព្រោះវាមានកម្ពស់ខ្ពស់ ហើយមាននៅតែប្រទេសស៊ីលី និងអាហ្សង់ទីនប៉ុណ្ណោះ ។
៦-The Senator អាយុ៣៤០០ឆ្នាំទៅ ៣៥០០ឆ្នាំ ៖ ដើមឈើ The Senator បានគ្រប់ដណ្តប់ស្ទើរតែជិតទន្លេមីស៊ីស៊ីពី រដ្ឋផ្លរីដា សហរដ្ឋអាមេរិក ។ ស្រល់មិនសូវមានស្លឹក (ទំពែក) នេះត្រូវការដង្ហើមទឹកច្រើនដើម្បីពន្លូតកម្ពស់របស់វាខ្ពស់ៗទៅ ។
៧-Patriarch អាយុ ៣០០០ ឆ្នាំ ៖ វាជាពូជដើមឈើដែលមានអាយុកាលវែងជាងគេនៅអាមេរិកខាងត្បូង ។ ដើមឈើ Patriachជ្រុះស្លឹកនៅរដូវស្លឹកឈើជ្រុះ និងដុះឡើងវិញនៅនិទាឃរដូវ ។
៨-Old Chestnut អាយុ២០០០ឆ្នាំទៅ ៤០០០ឆ្នាំ ៖ ដើម Old Chestnut ស្ថិតនៅប្រទេសអ៊ីតាលី ។ វាដុះនៅក្បែរជៅរាលភ្នំ Mt Etna ដែលជាកំពូលភ្នំភ្លើងសកម្មបំផុតក្នុងលោក ។ វាត្រូវបានវិទ្យាសាស្ត្រធ្វើការសិក្សាយ៉ាងស៊ីជម្រៅទៅលើឬស និងកងរង្វង់របស់ដើមឈើផងដែរ ។
៩-General Sherman អាយុ២៣០០ឆ្នាំ ទៅ២៧០០ឆ្នាំ ៖ ក្រៅពីមានឈ្មោះជាដើមឈើអាយុកាលវែងក្នុងលោកដើមឈើ General Sherman បានបំបែកកំណត់ត្រាពិភពលោកជាដើមឈើធំជាងគេពោលគឺ ១.៤៨៧ ម៉ែត្រគីបឯណោះ ៕
ចែករំលែកព័តមាននេះ