គណបក្សមួយប្រកាសមិនចូលរួមកម្មវិធីសំណេះសំណាលជាមួយសម្តេចតេជោ
- ភ្នំពេញ
រាជធានីភ្នំពេញ ៖ បើគ្មានការប្រែប្រួលនោះទេ នៅព្រឹកថ្ងៃទី២១ ខែសីហា ឆ្នាំ២០១៨ វេលាម៉ោង៨និង៣០នាទី សម្តេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ បើគ្មានការប្រែប្រួលនោះទេ នៅព្រឹកថ្ងៃទី២១ ខែសីហា ឆ្នាំ២០១៨ វេលាម៉ោង៨និង៣០នាទី សម្តេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ បើគ្មានការប្រែប្រួលនោះទេ នៅព្រឹកថ្ងៃទី២១ ខែសីហា ឆ្នាំ២០១៨ វេលាម៉ោង៨និង៣០នាទី សម្តេចអគ្គមហាសេនាបតីតេជោ ហ៊ុន សែន នឹងអញ្ជើញជួបតំណាងរបស់គណបក្សនយោបាយទាំង២០ ដែលចូលរួមបោះឆ្នោតជ្រើសរើសតំណាងរាស្ត្រនីតិកាលទី៦ នៅវិមានសន្តិភាព។
ក៏ប៉ុន្តែនៅថ្ងៃទី ១៩ សីហានេះ គណបក្សមួយក្នុងចំណោមគណបក្សទាំង២០ បានចេញសេចក្តីថ្លែងការណ៍ថា តំណាងគណបក្សរបស់ខ្លួននឹងមិនចូលរួមក្នុងវេទិការវាងរាជរដ្ឋាភិបាលកម្ពុជា និងគណបក្សនយោបាយទាំង ២០ នោះទេ ។
សេចក្តីថ្លែងការណ៍របស់គណបក្សប្រជាធិបតេយ្យមូលដ្ឋាន ហៅកាត់ថា (GDP) ដែលមិនបានឈ្នះអាសន្នៈនៅរដ្ឋសភាពីការបោះឆ្នោតជ្រើសតាំងតំណាងរាស្ត្រដែលប្រព្រឹត្តទៅថ្មីនេះ បានបញ្ជាក់ថា គណបក្សរបស់ខ្លួន «សូមស្វាគមន៍គំនិតផ្តួចផ្តើមក្នុងការរៀបចំវេទិកាពិគ្រោះយោបល់ រវាងរាជរដ្ឋាភិបាលកម្ពុជា និងគណបក្សនយោបាយ ព្រោះទម្រង់នៃវេទិកានេះ ស្របជាមួយគោលនយោបាយបង្រួបបង្រួមជាតិ ដែលមានចែងក្នុងសៀវភៅបៃតងរបស់គណបក្សរបស់ខ្លួន» ។
សេចក្តីថ្លែងការណ៍ដដែលបានបញ្ជាក់ថា «គណបក្សប្រជាធិបតេយ្យមូលដ្ឋាន នឹងពិចារណាចូលរួមវេទិកា នៅក្រោយពេលរដ្ឋសភា និងរាជរដ្ឋាភិបាល អាណត្តិទី ៦ ត្រូវបានបង្កើតឡើង ដែលជាវេទិកាមួយប្រកបដោយភាពស្មោះត្រង់ និងផ្តល់ប្រយោជន៍ពិតប្រាកដដល់សង្គមជាតិ» ។
ចែករំលែកព័តមាននេះ