តាមប្រភពព័ត៌មាន Oddity Central បានឲ្យដឹងថា បុរសម្នាក់ចិត្តខ្លាំង ខឹងប្រពន្ធធ្វើឱ្យប៉ូលិសចាប់ខ្លួន ក៏បានបើកយន្តហោះខ្នាតតូចបំបុកចូលទៅក្នុងផ្ទះទាំងកំរោល ។ រឿងហេតុដ៏ចម្លែកគ្មានពីរនេះ បានកើតឡើងកាលពីថ្ងៃចន្ទ…
តាមប្រភពព័ត៌មាន Oddity Central បានឲ្យដឹងថា បុរសម្នាក់ចិត្តខ្លាំង ខឹងប្រពន្ធធ្វើឱ្យប៉ូលិសចាប់ខ្លួន ក៏បានបើកយន្តហោះខ្នាតតូចបំបុកចូលទៅក្នុងផ្ទះទាំងកំរោល ។
រឿងហេតុដ៏ចម្លែកគ្មានពីរនេះ បានកើតឡើងកាលពីថ្ងៃចន្ទ នៅទីក្រុង Salt Lake City ក្នុងរដ្ឋ Utah សហរដ្ឋអាមេរិក ។ នេះមកពីបញ្ហាជម្លោះកើតមានឡើង កាលពីថ្ងៃអាទិត្យរវាងបុរសជាប្តីឈ្មោះ Duane Youd ជាមន្ត្រីបើកយន្តហោះ ជាមួប្រពន្ធ រហូតពួកគេបានវាយប្រតប់គ្នា ក្រោយពេលផឹកស្រាស្រវឹងរៀងៗខ្លួន ។ ដោយសារតែបែបនេះ ទើបអ្នកជិតខាងបានទូរស័ព្ទហៅប៉ូលិសមកចាប់ខ្លួនបុរសជាប្តីពីបទបង្កហិង្សា ។
លុះនៅព្រឹកបុរសជាប្តីក៏បានតំកល់ប្រាក់ធានានៅក្នុងឃុំ ហើយសុំប៉ូលិសជិះមកផ្ទះយកខោអាវ ។ ដោយទទួលបានការអនុញ្ញាតហើយ គាត់ក៏ទៅយកយន្តហោះខ្នាតតូចប្រភេទ Cessna 525 Citation Jet ពីក្រុមហ៊ុនអាកាសចរណ៍ រួចក៏ទៅបើកបន្ទាបខ្លួនបុកចូលក្នុងផ្ទះ ដែលប្រពន្ធនិងកូនកំពុងនៅខាងក្នុង ។
ពេលនោះ យន្តហោះបានផ្ទុះឆេះស្លាប់បុរសជាប្តី ហើយផ្ទះមិនខូចខាតច្រើនទេ គ្រាន់តែខ្លោចបន្តិចបន្តួចតែប៉ុណ្ណោះ។ ជាសំណាងល្អ ប្រពន្ធនិងកូនបុរសចិត្តខ្លាំងនេះ បានរត់ចេញពីផ្ទះទាន់ពេល ។ ហេតុការណ៍នេះ គ្រប់គ្នានិយាយថា នេះគឺជារឿងហេតុ មិនងាយនឹងកើតមានឡើយ ។
ចែករំលែកព័តមាននេះ