រាជធានីភ្នំពេញ ៖ ស្ត្រីជាជនជាតិបរទេសម្នាក់អាយុជាង២០ឆ្នាំស្រវឹងស្រា ហើយសង្ស័យបែកថ្នាំដើរស្រែកឡូឡាកណ្តាលផ្លូវ តាំងពីវត្តភ្នំរហូតមកដល់ផ្លូវ៣៦៩ ម្តុំច្រាំងបាក់ សង្កាត់ច្បារអំពៅ២ ខណ្ឌច្បារអំពៅ បង្កការភ្ញាក់ផ្អើល កាលពីវេលាម៉ោង៣និង៣០នាទីទាបភ្លឺ ថ្ងៃទី១៤ ខែសីហា ឆ្នាំ២០១៨ ។
អ្នកឃើញហេតុការណ៍បានឲ្យដឹងថា មុនដំបូងឃើញស្ត្រីជាជនជាតិបរទេសមានវ័យជាង២០ឆ្នាំ សង្ស័យបែកថ្នាំដើរតាមបណ្តោយផ្លូវព្រះនរោត្តមក្នុងទិសដៅពីជើងទៅត្បូងដើរស្រែកកណ្តាលផ្លូវនឹងរត់ពេញតែផ្លូវធ្វើឲ្យអ្នកបើករថយន្តមានការផ្អើល និងប្រជាពលរដ្ឋដោយដើរតាំងពីវត្តភ្នំរហូតមកដល់ផ្លូវ៣៦៩ ម្តុំច្រាំងបាក់ សង្កាត់ច្បារអំពៅ ខណ្ឌច្បារអំពៅ ទើបសមត្ថកិច្ចរួមនឹងប្រជាពលរដ្ឋជួយឃាត់ និងទំនាក់ទំនងយកទៅកន្លែងមានសុវត្ថិភាព ប៉ុន្តែស្ត្រីខាងលើនេះមិនព្រមទៅទេនៅអង្គុយធ្វើមិនដឹង។
ក្រោយពេលកើតហេតុសមត្ថកិច្ចបានជួយទំនាក់ទំនងដឹកស្ត្រីជនជាតិបរទេសយកទៅការិយាល័យអន្តោប្រវេសន៍ផងដែរ ៕
ចែករំលែកព័តមាននេះ