ប្រទេសឥណ្ឌា ៖ បើតាមអាជ្ញាធរបានរាយការណ៍នាថ្ងៃទី៍១១ ខែសីហាថា ទឹកជំនន់ភ្លាមៗមកពីភ្លៀងធ្លាក់ខ្លាំង បណ្ដាលឲ្យមនុស្សស្លាប់៣៧នាក់ ហើយមនុស្ស៣៧.០០០នាក់ត្រូវជម្លៀសចេញនៅរដ្ឋ KERALA ភាគនិរតីឥណ្ឌា មកពីការបាក់ដី និងទឹកជន់ខ្លាំង។
រដ្ឋនេះទាក់ទាញទេសចរណ៍ដោយសារមាត់សមុទ្រសម្បូរចំការតែ និងដើមត្នោត តែងជួបប្រទះភ្លៀងធ្លាក់ខ្លាំងរៀងរាល់ឆ្នាំ តែឆ្នាំនេះមានភ្លៀងធ្លាក់ខ្លាំងជាពិសេស។
កងទ័ពត្រូវបានបញ្ជូនមកដើម្បីបំពេញបេសកកម្មជួយសង្គ្រោះនៅរដ្ឋ KERALA។ រីឯប្រជាជនត្រូវបានជម្លៀសមកកាន់មជ្ឈមណ្ឌលទទួល៣៥០កន្លែង ក្នុងរដ្ឋនោះទាំងមូលពេលភ្លៀងបានធ្លាក់ខ្លាំង២ថ្ងៃជាប់ៗគ្នា។ លោក PINARAYI VIJAYAN ប្រមុខរដ្ឋាភិបាលរដ្ឋ KERALA សរសេរតាម TWITTER ថា រដ្ឋរបស់យើងប្រឈមមុខនឹងគ្រោះមហន្តរាយយ៉ាងធំមួយពុំធ្លាប់ជួបប្រទះពីមុនមក។ ហើយមនុស្សច្រើននាក់ស្លាប់ ហើយផ្ទះច្រើនរយខ្នងរងការបំផ្លាញទាំងស្រុង៕
ចែករំលែកព័តមាននេះ