សហរដ្ឋអាមេរិក ៖ អ្នកលើកដាក់ឥវ៉ាន់ម្នាក់អាយុ២៩ឆ្នាំ ដែលគេចាត់ទុកថា ជាអ្នកខូចចិត្ត បានលួចយន្តហោះម៉ាស៊ីន២មួយគ្រឿងពុំមានដឹកអ្វីនោះអី កាលពីយប់ថ្ងៃទី១០ ខែសីហា ឆ្នាំ២០១៨ នៅព្រលានយន្តហោះក្រុង…
សហរដ្ឋអាមេរិក ៖ អ្នកលើកដាក់ឥវ៉ាន់ម្នាក់អាយុ២៩ឆ្នាំ ដែលគេចាត់ទុកថា ជាអ្នកខូចចិត្ត បានលួចយន្តហោះម៉ាស៊ីន២មួយគ្រឿងពុំមានដឹកអ្វីនោះអី កាលពីយប់ថ្ងៃទី១០ ខែសីហា ឆ្នាំ២០១៨ នៅព្រលានយន្តហោះក្រុង SEATTLE ហើយបើកចេញក្រោមការដេញតាមរបស់យន្តហោះប្រដេញធុន F-15 ពីរគ្រឿង មុនពេលយន្តហោះនោះធ្លាក់ក្នុងឆក SEATTLE ហើយយន្តហោះនោះធ្លាក់ក្នុងព្រៃមួយនៃកោះ KETRON បណ្តាលរូបគេឆេះស្លាប់ ចំណែកយន្តហោះក៏ឆេះខ្ទេចជាមួយគ្នាផងដែរ។
បើតាមប៉ូលិសភ្លាមៗបានបដិសេធរាល់លក្ខណៈភេរវកម្មនៃការលួចយន្តហោះនោះ ដោយអះអាងថា និយោជិតរូបនេះនៃក្រុមហ៊ុនអាកាសចរណ៍ HORIZON AIR មានបំណងធ្វើអត្តឃាត ហើយរូបគេធ្វើសកម្មភាពតែម្នាក់ឯង។
បើនៅក្នុងសន្និសីទសារព័ត៌មានមួយកាលពីថ្ងៃទី១១ សីហា នាយកប្រតិបត្តិរបស់ព្រលានយន្តហោះ SEATTLE TACOMA លោក MIKE EHLបាននិយាយថា ពុំមានការរំលោភបំពានណាមួយដល់សន្តិសុខព្រលានឡើយ។ ចំណែកលោក BRAD TILDEN អគ្គនាយកក្រុមហ៊ុនអាកាសចរណ៍ ALASKA AIRLINES ជាក្រុមហ៊ុនមេរបស់ក្រុមហ៊ុនHORIZON AIR ក៏បានគូសបញ្ជាក់ថា ក្នុងឋានៈជាអ្នកលើកដាក់ឥវ៉ាន់ បុរសរូបនេះត្រូវបានអនុញ្ញាតឲ្យស្ថិតក្នុងតំបន់ដែលយន្តហោះចត។ ហើយលោកក៏រំលឹកផងដែរថា បណ្ដាយន្តហោះពាណិជ្ជកម្មពុំមានសោ ហើយពុំចាំបាច់សោកុងតាក់សម្រាប់បញ្ឆេះឡើយ គឺផ្ទុយខុសពីរថយន្ត។
ក្រោយពេលឧប្បត្តិហេតុនោះកើតឡើង គេហាក់ពុំមានការពន្យល់ថា ហេតុអីបានជាបុរសនេះ ដែលគ្មានបទពិសោធន៍បើកយន្តហោះសោះ បែរជាអាចធ្វើឲ្យយន្តហោះកង្ហារម៉ាស៊ីន២ ធុន BOMBARDIER Q400 មាន៩០កៅអីនោះ អាចហោះឡើងបាន ថែមទាំងអាចបើកចេញទៅបានដោយងាយបែបនេះ។
នៅក្នុងវីដេអូ គេឃើញយន្តហោះនោះហោះប៉ប្រះទឹកមុនឡើង រួចអ្វីៗត្រូវបានតាមដានដោយយន្តហោះ F-15 ពីរគ្រឿងដែលមកដល់កន្លែងយ៉ាងរហ័ស។ ប៉ុន្តែវីដេអូនោះពុំមានបង្ហាញរូបភាពយន្តហោះធ្លាក់ក្នុងព្រៃមួយនៃកោះ KETRON លើឆក SEATTLEដែលតាមអាជ្ញាធរថា ពុំបណ្ដាលឲ្យមានជនរងគ្រោះនៅលើដីឡើយ៕ វីដេអូឃ្លីបដកស្រង់ចេញពី ៖ Tony’s – 24/7 Eyes
https://www.youtube.com/watch?v=x9tvPduKM30
ចែករំលែកព័តមាននេះ