រាជធានីភ្នំពេញ ៖ ក្រោយពេលសម្រាលកូនស្រីលើកដំបូងប្រមាណជាមួយខែមកឃើញថា អ្នកនាង គង់ ច័ន្ទស្រីមុំ និងស្វាមីរឹតតែមានសុភមង្គលទ្វេឡើងក្នុងគ្រួសារ ដោយសារក្តីប្រាថ្នារបស់អ្នកទាំង២បានសម្រេចដូចការគ្រោងទុក។ មិនត្រឹមតែដូចនេះទេ កូនរបស់អ្នកទាំង២បានក្លាយជាអ្នកតំណាងផលិតផលទឹកដោះគោដ៏ពេញនិយមទាំងទារក និងអ្នកម្តាយទាំងឡាយ ដែលនឹកស្មានមិនដល់។
ជំហ៊ានដំបូងនេះ នាងបានសម្រេចចិត្តថា នឹងឲ្យកូនស្រីរបស់នាង ក្លាយជាអ្នកតំណាងផលិតផលម្សៅទឹកដោះគោ ហើយដែលនាងជឿជាក់ថា ទឹកដោះគោដែលមានគុណភាព ព្រោះនាងបានសាកល្បងប្រើប្រាស់ផ្ទាល់ ហើយក្លាយជាអ្នកតំណាងផងដែរ។
ដោយមានការជឿជាក់បែបនេះហើយ ក្រោយពេលសម្រាលកូនស្រី ដំបូងកាលពីថ្ងៃទី៧ ខែកក្កដា ឆ្នាំ២០១៨ កន្លងមកនេះ នាងបានផ្តល់ទឹកដោះគោនោះសម្រាប់កូនស្រីរបស់នាង ដោយសារតែទទួលបានលិទ្ធផលជាទីពេញចិត្ត ទើបនាងសម្រេចចិត្តថា នឹងឲ្យកូនស្រីរបស់នាង ឈ្មោះ គីម សីហ៍មរកត ធ្វើអ្នកតំណាងរបស់ផលិតផលម្សៅទឹកដោះគោនោះរយៈពេលមួយឆ្នាំ។
ស្រីមុំ ក៏បានបញ្ជាក់ថា រឿងតំលៃសុំលាក់សិន ព្រោះនៅមានកុងត្រាផ្សេងទៀត ប៉ុន្តែអ្វីដែល គង់ ច័ន្ទស្រីមុំ អាចប្រាប់បាននាងគ្រាន់តែប្រាប់ថា មិនក្រោមមួយម៉ឺនដុល្លារនោះទេ។
ចែករំលែកព័តមាននេះ