រាជធានីភ្នំពេញ ៖ បុរសជនជាតិហ្វីលីពីនម្នាក់បើករថយន្តឆ្លងផ្លូវ ហើយត្រូវស្ត្រី២នាក់ជិះម៉ូតូក្នុងល្បឿនលឿនបានបុករថយន្តពេញទំហឹង បណ្ដាលឲ្យរងរបួសធ្ងន់ម្នាក់ និងស្រាលម្នាក់បង្កឲ្យមានការភ្ញាក់ផ្អើល កាលពីវេលាម៉ោង១០យប់ ថ្ងៃទី០៧ ខែសីហា ឆ្នាំ២០១៨…
រាជធានីភ្នំពេញ ៖ បុរសជនជាតិហ្វីលីពីនម្នាក់បើករថយន្តឆ្លងផ្លូវ ហើយត្រូវស្ត្រី២នាក់ជិះម៉ូតូក្នុងល្បឿនលឿនបានបុករថយន្តពេញទំហឹង បណ្ដាលឲ្យរងរបួសធ្ងន់ម្នាក់ និងស្រាលម្នាក់បង្កឲ្យមានការភ្ញាក់ផ្អើល កាលពីវេលាម៉ោង១០យប់ ថ្ងៃទី០៧ ខែសីហា ឆ្នាំ២០១៨ តាមបណ្ដោយផ្លូវវេងស្រេង ស្ថិតនៅខាងមុខផ្សារត្រពាំងថ្លឹង ភូមិត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ ។
រថយន្តបង្កពណ៌ទឹកប្រាក់ ពាក់ស្លាកលេខ កណ្តាល 2A-3338 បើកបរដោយបុរសម្នាក់ជាជនជាតិហ្វីលីពីនក្នុងទិសដៅពីត្បូងទៅជើង ។ ចំណែកម៉ូតូរងគ្រោះម៉ាកហុងដាឌ្រីមស៊េរី២០១៨ ពណ៌ខ្មៅ ពាក់ស្លាកលេខកំពង់ស្ពឺ 2H- 7237 ជិះគ្នា២នាក់ ជានារីក្នុងទិសដៅពីលិចទៅកើត ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញនារីរងគ្រោះ២នាក់ ជិះម៉ូតូក្នុងល្បឿនយ៉ាងលឿនក្នុងទិសដៅលិចទៅកើតលុះបើកមកដល់ចំណុចកើតហេតុ ស្រាប់តែមានរថយន្តបង្កខាងលើបើកបរដោយជនជាតិហ្វីលីពីនម្នាក់ក្នុងទិសដៅពីត្បូងទៅជើងឆ្លងផ្លូវធ្វើឲ្យនារីរងគ្រោះ២នាក់បើកលឿនពេកជាន់ហ្វ្រាំងមិនជាប់បុកចំកង់រថយន្តពេញទំហឹង បណ្តាលឲ្យជនរងគ្រោះជាអ្នកបើកម៉ូតូបោកនឹងរថយន្តចំដៃ បណ្តាលឲ្យបាក់ដៃខាងស្តាំ រីឯនារីម្នាក់ទៀតដែលរួមដំណើរជាមួយរងរបួសស្រាល ចំណែកម៉ូតូខូចខាតផ្នែកខាងមុខយ៉ាងធ្ងន់ធ្ងរ រីឯរថយន្តបង្កបែកកង់ និងបែកយ៉ាន់ផ្នែកខាងមុខ ។
ប្រភពបានបន្តទៀតថា ខណៈពេលគ្រោះថ្នាក់ភ្លាមៗជនរងគ្រោះខាងលើត្រូវបានរថយន្ត
សង្គ្រោះគ្លីនិកឯកជនដឹកយកទៅសង្គ្រោះភ្លាមៗផងដែរ ។ ចំណែករថយន្ត និងម៉ូតូត្រូវបាន សមត្ថកិច្ចវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោករង់ចាំដោះ ស្រាយតាមច្បាប់ ៕
ចែករំលែកព័តមាននេះ