រាជធានីភ្នំពេញ ៖ បុរសម្នាក់បើករថយន្តដឹកទឹកកកបោះពួយយ៉ាងលឿនបានរេចង្កូតធ្លាក់ជង្ហុកដាច់កង់ក្រោយបណ្តាលឲ្យចាក់ទឹកកកចោលពេញថ្នល់កាលពីវេលាម៉ោង១និង៣៥នាទីរំលងអាធ្រាត្រឈានចូលថ្ងៃទី៧ ខែសីហា ឆ្នាំ២០១៨ ស្ថិតតាមបណ្ដោយផ្លូវលេខ២៧១ ត្រង់ចំណុចជិតលូទឹកស្អុយបឹងត្របែក ក្នុងសង្កាត់ផ្សារដើមថ្កូវ ខណ្ឌចំការមន។ យោងតាមប្រភពព័ត៌មានពីកន្លែងកើតហេតុបានឲ្យដឹងថា…
រាជធានីភ្នំពេញ ៖ បុរសម្នាក់បើករថយន្តដឹកទឹកកកបោះពួយយ៉ាងលឿនបានរេចង្កូតធ្លាក់ជង្ហុកដាច់កង់ក្រោយបណ្តាលឲ្យចាក់ទឹកកកចោលពេញថ្នល់កាលពីវេលាម៉ោង១និង៣៥នាទីរំលងអាធ្រាត្រឈានចូលថ្ងៃទី៧ ខែសីហា ឆ្នាំ២០១៨ ស្ថិតតាមបណ្ដោយផ្លូវលេខ២៧១ ត្រង់ចំណុចជិតលូទឹកស្អុយបឹងត្របែក ក្នុងសង្កាត់ផ្សារដើមថ្កូវ ខណ្ឌចំការមន។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់បើករថយន្តមួយគ្រឿង ពណ៌ខៀវ ពាក់ស្លាកលេខ ភ្នំពេញ ៣C-៦០៧៥ ជារថយន្តដឹកទឹកកកដើមចំនួន១២០ដើម ធ្វើដំណើរពីកើតទៅលិចដឹកចេញពីព្រែកប្រាយកទៅដាក់តាមដេប៉ូបើកបរក្នុងល្បឿនលឿន លុះមកដល់ចំណុចកើតហេតុខាងលើ រថយន្តបានរេចង្កូតធ្លាក់ជង្ហុកបណ្តាលឲ្យដាច់កង់ចាក់ទឹកកករំលងរបាំងថ្មពុះចែកផ្លូវ បណ្ដាលឲ្យធ្លាក់ទឹកកករាយប៉ាយពេញថ្នល់ ។
ក្រោយកើតហេតុ សមត្ថកិច្ចមូលដ្ឋានបានទាក់ទងទៅជំនាញដើម្បីមកវាស់វែង ប៉ុន្តែសមត្ថកិច្ចចរាចរណ៍ខណ្ឌចំការមនចុះមកពិនិត្យឃើញថា មិនបានប៉ះពាល់ដល់របាំងថ្ម និងឱ្យម្ចាស់រថយន្តដឹកទឹកកស្ទួចយកទៅជួសជុលដោយខ្លួនឯង ៕
ចែករំលែកព័តមាននេះ