រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប និងបើកសវនាការជំនុំជម្រះលើសំណុំរឿងអតីតសកម្មជនគណបក្សសង្គ្រោះជាតិដែលធ្វើយុទ្ធនាការម្រាបដៃស្អាត នៅថ្ងៃទី០៨ ខែសីហា ឆ្នាំ២០១៨ ខាងមុខនេះ ។
លោក ឌឹម សុវណ្ណារុំ សមាជិក និងជាអ្នកនាំពាក្យ គ.ជ.ប បានឲ្យដឹងនៅថ្ងៃទី០៦ ខែសីហាថា សំណុំរឿងលេខ០០១ គឺពាក់ព័ន្ធនឹងយុទ្ធនាការម្រាមដៃស្អាតដែលគណកម្មការរៀបចំការបោះឆ្នោត (គខប) ខេត្តបាត់ដំបងបានសម្រេចផាកពិន័យទៅលើបុគ្គលចំនួន៥នាក់ ក្នុងម្នាក់ៗ ចំនួន១០លានរៀល ពីបទធ្វើឲ្យភាន់ច្រឡុំនាំឲ្យបាត់ទំនុកចិត្តលើការបោះឆ្នោត យោងតាមមាត្រា១៤២ នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ ។
លោកបន្តបុគ្គលទាំង៥រូបនោះ គឺមានឈ្មោះ ជា ជីវ ,ថោង សារឿន, ម៉ាង ឈុន , ពៅ តាំង , និងគ្រុយ គឹមសាំង ។ ភាគីចុងចម្លើយបានប្តឹងបន្តមក គជប ជំទាស់នឹងសេចក្តីសម្រេចលេខ ០០១ នេះចុះថ្ងៃទី២៦ ខែកក្កដា ឆ្នាំ២០១៨ របស់ គខប បាត់ដំបង ។ លោកញ្ជាក់ថា «ជ.ប នឹងបើកសវនាការជំនុំជម្រះទៅលើសំណុំរឿងលេខ ០០១នេះ នៅថ្ងៃពុធ ទី០៨ ខែសីហា ឆ្នាំ២០១៨ វេលាម៉ោង៨ព្រឹក នៅសាលសន្និសីទ គជប» ។
សូមជម្រាបថា ការបើកសវនាការសំណុំរឿងរបស់អតីតសកម្មជនគណបក្សសង្គ្រោះជាតិ ក្រោមអធិបតីភាពលោក ស៊ិក ប៊ុកហ៊ុក ប្រធាន គ.ជ.ប ព្រមទាំងមានចូលរួនពីសមាជិក គ.ជ.ប. ទាំង៩រូប ព្រមរួមទាំងមន្ត្រីពាក់ពាក់ផងដែរ ៕
ចែករំលែកព័តមាននេះ