រាជធានីភ្នំពេញ ៖ បើគ្មានការប្រែប្រួលនោះទេ សម្តេចតេជោ ហ៊ុន សែន នាយករដ្ឋមន្ត្រីកម្ពុជាក្នុងសប្តាហ៍ទី២ និងទី៣ នៃខែសីហានេះនឹងបន្តចុះជួបសំណេះសំណាល់ជាមួយកម្មករ-កម្មការិនីនៅខេត្តកំពង់ស្ពឺ និងរាជធានីភ្នំពេញដូចអ្វីដែលប្រមុខដឹកនាំរាជរដ្ឋាភិបាលធ្លាប់បានសន្យាមុខការបោះឆ្នោតកន្លងទៅ…
រាជធានីភ្នំពេញ ៖ បើគ្មានការប្រែប្រួលនោះទេ សម្តេចតេជោ ហ៊ុន សែន នាយករដ្ឋមន្ត្រីកម្ពុជាក្នុងសប្តាហ៍ទី២ និងទី៣ នៃខែសីហានេះនឹងបន្តចុះជួបសំណេះសំណាល់ជាមួយកម្មករ-កម្មការិនីនៅខេត្តកំពង់ស្ពឺ និងរាជធានីភ្នំពេញដូចអ្វីដែលប្រមុខដឹកនាំរាជរដ្ឋាភិបាលធ្លាប់បានសន្យាមុខការបោះឆ្នោតកន្លងទៅ ។
សម្តេចតេជោ ហ៊ុន សែន ដែលបាននឹងកំពុងចុះជួបកម្មករ-កម្មការិនីតាមបណ្តារោងចក្រ សហគ្រាសនានាធ្លាប់មានប្រសាសន៍ជាច្រើនលើកច្រើនសារ មុនការយុទ្ធនាការឃោសនាបោះឆ្នោត និងការបោះឆ្នោតថ្ងៃទី២៩ កក្កដា ឆ្នាំ២០១៨កន្លងមកថា បើសិនជាសម្តេច និងគណបក្សប្រជាជនកម្ពុជាឈ្នះឆ្នោត សម្តេចតេជោដែលជាបេក្ខភាពនាយករដ្ឋមន្ត្រីតែមួយគត់របស់បក្សកាន់អំណាចនឹងបន្តជួបកម្មករ-កម្មការិនី និងបន្តតំឡើងប្រាក់ឈ្នួលអប្បរមា និងការគាំពារសង្គមសម្រាប់កម្មករ ទាំងក្នុង និងក្រៅប្រព័ន្ធ ។
ខាងក្រោមនេះជាកាលវិភាគមួយចំនួនដែលសម្តេចតេជោនឹងចុះជួបកម្មករក៏ដូចជាប្រតិភូពីបណ្តាប្រទសនានាមកកាន់កម្ពុជា ។ ដោយនៅថ្ងៃទី៦ ខែសីហា ឆ្នាំ២០១៨ វេលាម៉ោង៧និង៣០នាទីព្រឹក សម្តេចអគ្គមហាសេនាបតីតេជោ ហ៊ុនសែន ទទួលជួបប្រតិភូកីឡាករកម្ព្ពជាដែលចូលរួមប្រកួតកីឡាលើកទី១៨ នៅប្រទេសឥណ្ឌូនេស៊ី កម្មវិធីនេះនឹងប្រព្រឹត្តទៅនៅវិមានសន្តិភាព ។ នាព្រឹកថ្ងៃទី៨ ខែសីហា ឆ្នាំ២០១៨វេលាម៉ោង៧ សម្តេចអគ្គមហាសេនាបតីតេជោនាយករដ្ឋមន្ត្រីអញ្ជើញសំណេះសំណាលជាមួយបងប្អូនកម្មករនិយោជិកនៅស្រុកសំរោងទង ខេត្តកំពង់ស្ពឺ ។ នៅព្រឹកថ្ងៃទី១៣ ខែសីហា ឆ្នាំ២០១៨ វេលាម៉ោង៨ សម្តេចតេជោនាយករដ្ឋមន្ត្រីទទួលជួបភ្ញៀវ( មិនទាន់មានឈ្មោះនិង តួនាទី) នៅទីស្តីការនាយករដ្ឋមន្ត្រី វិមានសន្តិភាព ។
ដោយនៅព្រឹកថ្ងៃទី១៥ ខែសីហា ឆ្នាំ២០១៨ វេលាម៉ោង៧ សម្តេចតេជោនាយករដ្ឋមន្ត្រីអញ្ជើញសំណេះសំណាលជាមួយបងប្អូនកម្មករនិយោជិកនៅតំបន់ឫស្សីកែវខណ្ឌឫស្សីកែវរាជធានីភ្នឲពេញ ៕
ចែករំលែកព័តមាននេះ