បក្ស​កាន់​អំណាច​ថា គ្មានថ្ងៃ​ធ្វើ​សម្បទាន​អ​សនៈ​ទៅ​ឱ្យគណបក្ស​នយោបាយ​ដទៃដាច់ខាត


​រាជធានី​ភ្នំពេញ ៖ គណបក្ស​ប្រជាជន​កម្ពុជា​ដែល​ជា​បក្ស​កាន់​អំណាច​បាន​អះអាង​មិន​អាច​ធ្វើ​សម្បទាន​អ​សនៈ​(​ឆន្ទៈ​ម្ចាស់​ឆ្នោត​)​ទៅ​ឲ្យ​គណបក្ស​នយោបាយ​ដ​ដៃ​បាន​នោះ​ទេ ។ នេះ​បើ​តាម​អ្នកនាំពាក្យ​គណបក្ស​ប្រជាជន​កម្ពុជា ។

​លោក សុខ ឥ​សាន អ្នកនាំពាក្យ​គណបក្ស​ប្រជាជន​កម្ពុជា​បាន​ឲ្យ​ដឹង​តាម​ប្រព័ន្ធ​តេ​ឡេ​ក្រាម​នៅ​ថ្ងៃ​ទី​៣ ខែសីហា ឆ្នាំ​២០១៨ ថា​នៅ​ពេល​ដែល​លទ្ធផល​បោះ​ឆ្នោត​បាន​បង្ហាញ​ឲ្យ​ឃើញ​ថា គណ បក្ស​ ប្រជាជន​កម្ពុជា​បាន​ឈ្នះ​ឆ្នោត​ភ្លូកទឹកភ្លូកដី​ដែល​អាច​ឲ្យ​គណបក្ស​ប្រជាជន​កម្ពុជា​មាន​អសនៈ​​ពេញលេញ​ក្នុង​រដ្ឋសភា និង​អាច​បង្កើត​រាជរដ្ឋាភិបាល​តែឯង​បាន​ដោយ​ងាយស្រួល ។

ជាមួយ​គ្នា​នោះ​ដែរ​លោក សុខ ឥ​សាន ក៏​បាន​លើក​ឡើង​ថា មាន​ជន​មួយ​ចំនួន​បាន​និយាយ​ស្មាន​ៗ​ថា ជា​សភា​ឯក​បក្ស ដែល​គណបក្ស​ប្រជាជន​កម្ពុជា​អាច​ធ្វើ​សម្បទាន​បែងចែក​អ​សនៈ​មួយ​ចំនួន​ទៅ​ឲ្យ​គណបក្ស​ខ្លះ​ដើម្បី​ឲ្យ​មើលឃើញ​ជា​រដ្ឋសភា​ពហុបក្ស ។

លោក​បញ្ជាក់​ថា ៖ «​ការ​យល់​ឃើញ​អគតិ​បែប​នេះ​មិន​អាច​មាន​ឥ​ទ្ធ​ពល​អ្វី​ដល់​សតិអារម្មណ៍ និង​ធ្វើ​ឲ្យ​សាធារណ​មតិ​យល់​ច្រឡំ​បាន​ឡើយ ។ លទ្ធផល​នៃ​ការ​បោះ​ឆ្នោត​កើត​ចេញពី​ការ​ប្រកួតប្រជែង​ដោយ​ប្រជាធិបតេយ្យ​សេរី​ពហុបក្ស​ដែល​មាន​គណបក្ស​ចូលរួម​ចំនួន​២០​ឯណោះ ។ ដូច្នេះ​លទ្ធផល​ក៏​ជា​លទ្ធិប្រជាធិបតេយ្យ​សេរី​ពហុបក្ស​ដែរ​ទោះបី​មាន​បក្ស​តែ​មួយ​ជាប់​ឆ្នោត​ក៏​គឺជា​ការ​សម្រេចចិត្ត​របស់​ប្រជាពលរដ្ឋ​ជា​ម្ចាស់​ឆ្នោត ។ នេះ​ជា​សិទ្ធិ​សម្រេច​របស់​ប្រជាជន​កម្ពុជា​ភាគច្រើន​លើសលុប គ្មាន​មនុស្ស​ភាគតិច ប្ញជ​នបរ​ទេសណា​មក​បំពាន​បានជា​ដាច់ខាត​» ។

អ្នកនាំពាក្យ​ដដែល​ក៏​គូសបញ្ជាក់​ទៀត​ថា គណបក្ស​ប្រជាជន​កម្ពុជា​គោរព​ឆន្ទៈ​ប្រជាពលរដ្ឋ​យ៉ាង​ម៉ឺងម៉ាត់ និង​ប្តេជ្ញា​អនុវត្ត​ឆន្ទៈ​ប្រជាពលរដ្ឋ​ដោយ​ស្មារតី​ទទួលខុសត្រូវ​ខ្ពស់​បំផុត មិន​អាច​យក​ឆន្ទៈ​​​​រាស្ត្រ​ទៅ​បែងចែក​ធ្វើ​សម្បទាន​ឲ្យ​គណបក្ស​ផ្សេង​ជា​ដាចខាត ។

ទោះបីជា​អ​សនៈ​ក្នុង​រដ្ឋសភា​មិន​ទាន់​ត្រូវ​បាន គ​.​ជ​.​ប ចេញ​លទ្ធផល​យ៉ាងណា​ក្តី​លោក ​សុខ ឥ​សាន បាន​គូសបញ្ជាក់​យ៉ាង​ដូច្នេះ​ថា ៖«​ទោះបី​នៅ​ក្នុង​រដ្ឋសភា​មាន​បក្ស​តែ​មួយ​ក៏​នេះ​ជា​លទ្ធផល​កើត​ចេញពី​ការ​បោះ​ឆ្នោត​ប្រកបដោយ​ប្រជាធិបតេយ្យ​សេរី​ពហុបក្ស​ដែរ ។ មិន​អាច​បែងចែក​ទៅ​បក្សនយោបាយ​ផ្សេង​ដូច​ការ​ធ្វ​សម្បទាន​ដី​នោះ​ទេ​» ។

សូម​ជម្រាប​ថា ការ​លើក​ឡើង​របស់​អ្នកនាំពាក្យ​គណបក្ស​ប្រជាជន​កម្ពុជា​នេះ​បន្ទាប់​ពី​ក្រុម​អ្នកវិភាគ​ស្ថានការណ៍​នយោបាយ និង​អតីត​មេ​គណបក្សប្រឆាំង​លោក សម រ​ង្ស៊ី បាន​លើក​ឡើង​ថា បក្ស​កាន់​អំណាច និង​ធ្វើការ​បែង​ចែង​អាសនៈ​ទៅ​ឲ្យ​គណបក្ស​ផ្សេង​ៗ​ដើម្បី​ធ្វើ​ឲ្យ​មាន​ភាព​ល្អមើល​ក្នុង​រដ្ឋសភា ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

​នយោបាយ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ