ខេត្តបាត់ដំបង ៖ លំនៅឋានរបស់អ្នកគ្រូពេទ្យម្នាក់ត្រូវជនមិនស្គាល់មុខគាស់ទ្វារចូលលួចលុយ និងគ្រឿងអលង្ការដែលមានតំលៃរាប់ម៉ឺនបាត ហេតុការណ៍នេះកើតឡើងកាលពីម៉ោង៤និង៣០នាទីរសៀល ថ្ងៃទី២៨ កក្កដា ស្ថិតនៅភូមិតាស្ដា ឃុំតាស្ដា ស្រុកសំពៅលូន…
ខេត្តបាត់ដំបង ៖ លំនៅឋានរបស់អ្នកគ្រូពេទ្យម្នាក់ត្រូវជនមិនស្គាល់មុខគាស់ទ្វារចូលលួចលុយ និងគ្រឿងអលង្ការដែលមានតំលៃរាប់ម៉ឺនបាត ហេតុការណ៍នេះកើតឡើងកាលពីម៉ោង៤និង៣០នាទីរសៀល ថ្ងៃទី២៨ កក្កដា ស្ថិតនៅភូមិតាស្ដា ឃុំតាស្ដា ស្រុកសំពៅលូន តែសមត្ថកិច្ចនូវមានទាន់មានតម្រុយអំពីមុខសញ្ញាជនសង្ស័យនៅឡើយទេ រហូតមកដល់ពេលនេះ។
សមត្ថកិច្ចបានឲ្យដឹងថា ជនរងគ្រោះឈ្មោះអ៊ុំ ប៉ុន ភេទស្រី អាយុ៥៦ឆ្នាំ មុខរបរគ្រូពេទ្យ រស់នៅភូមិ-ឃុំកើតហេតុខាងលើ។ លំនៅឋាននេះត្រូវជនមិនស្គាល់មុខគាស់ទ្វារក្រោយចូលលួចទ្រព្យសម្បត្តិ ខណៈម្ចាស់មិនបាននៅ ។ ម្ចាស់ផ្ទះនិយាយថា ចោរបានលួចលុយអស់៥ម៉ឺនបាត និងខ្សែដៃមាស១ខ្សែតំលៃ៥ម៉ឺនបាតដែរ ប៉ុន្តែសមត្ថកិច្ចប្រាប់ថា កំពុងរកមិនឃើញមានស្លាកស្នាម ឬវត្ថុតាងអ្វីដែលគួរឲ្យសង្ស័យនៅកន្លែងកើតហេតុនោះនៅឡើយទេ។
តាមសំដីម្ចាស់ផ្ទះសមត្ថកិច្ចនិយាយថា ផ្ទះគាត់បានបិទទ្វារដោយម្នាក់ៗជាប់រវល់ការងារមិនបាននៅ លុះពេលគាត់ត្រឡប់ចូលដល់ផ្ទះស្រាប់តែឃើញទ្វារខាងក្រោយចំហរ ពេលនោះគាត់សង្ស័យអាចមានមនុស្សចូលផ្ទះគាត់ក៏ចូលក្នុងបន្ទប់ ស្រាប់តែឃើញមានការរើកកាយគ្មានសល់ រីឯលុយចំនួន៥ម៉ឺនបាត និងខ្សែដៃមាស១ខ្សែក៏បាត់ ទើបគាត់ដឹងថាមានចោរចូលផ្ទះគាត់។
ជុំវិញករណីនេះ លោកឧត្តមសេនីយ៍ត្រី ជេត វណ្ណនី ស្នងការរងខេត្តបានប្រាប់តាមទូរស័ព្ទថា លោកមិនទាន់បានចុះទៅកាន់កន្លែងកើតហេតុនោះទេ តែសមត្ថកិច្ចមូលដ្ឋានចុះពិនិត្យហើយ។ យើងបានធ្វើការស៊ើបអង្កេតជាបឋមហើយ តែរហូតមកដល់ពេលនេះយើងមិនទាន់មានតម្រុយអំពីមុខសញ្ញាជនសង្ស័យនៅឡើយទេ ព្រោះពេលនេះសមត្ថកិច្ចកំពុងមមាញឹកក្នុងការចុះការពារសន្តិសុខតាមបណ្ដាការិយាល័យបោះឆ្នោតផង ប៉ុន្តែមន្ត្រីជំនាញមួយចំនួនក៏កំពុងធ្វើស្រាវជ្រាវលើករណីរនេះផងដែរ។
ព័ត៌មានពិស្តានឹងមានផ្សាយលើកាសែតកោះសន្តិភាព
ចែករំលែកព័តមាននេះ