សហរដ្ឋអាមេរិក និងតួកគី ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២៦កក្កដា បានគំរាមដាក់ទណ្ឌកម្មធ្ងន់ធ្ងរប្រឆាំងប្រទេសតួកគី ប្រសិនបើប្រទេសនេះពុំដោះលែងគ្រូប្រដៅសាសនាអាមេរិកម្នាក់ ដែលការឃុំឃាំងគ្រូប្រដៅសាសនារូបនោះនាំឲ្យមានភាពតានតឹងថែមទៀតរវាងប្រទេសទាំង២។…
សហរដ្ឋអាមេរិក និងតួកគី ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២៦កក្កដា បានគំរាមដាក់ទណ្ឌកម្មធ្ងន់ធ្ងរប្រឆាំងប្រទេសតួកគី ប្រសិនបើប្រទេសនេះពុំដោះលែងគ្រូប្រដៅសាសនាអាមេរិកម្នាក់ ដែលការឃុំឃាំងគ្រូប្រដៅសាសនារូបនោះនាំឲ្យមានភាពតានតឹងថែមទៀតរវាងប្រទេសទាំង២។
អាជ្ញាធរតួកគី បញ្ចេញប្រតិកម្មតបវិញយ៉ាងខ្លាំងកាលពីយប់ថ្ងៃទី២៦ កក្កដា ដោយគូសបញ្ជាក់ថា អាមេរិកនឹងពុំទទួលបានលទ្ធផលណាមួយដូចការសង្ឃឹមទុកដោយសារការគំរាមកំហែងតួកគីឡើយ។ អ្នកនាំពាក្យវិមានប្រធានាធិបតីតួកគី លោកអ៊ីប្រាហ៊ីមកាលីន ថ្លែងថា សហរដ្ឋអាមេរិកត្រូវដកចេញវិញវិធីសាស្ត្ររបស់ខ្លួន ហើយប្រកាន់ជំហរស្ថាបនាមួយមុនពេលបំផ្លាញបន្តិចថែមទៀតផលប្រយោជន៍របស់ខ្លួនផ្ទាល់ ព្រមទាំងសម្ព័ន្ធភាពជាមួយតួកគី។
ចំណែករដ្ឋមន្ត្រីការបរទេសតួកគី លោក MEVLUT CAVUSOGLU អះអាងថា ប្រទេសរបស់លោកនឹងមិនអត់អោនដាច់ខាតការគំរាមកំហែងរបស់នរណាមា្នក់។ ដាច់ខាតពុំមានការចាប់បង្ខំតួកគីបានទេ។ យើងមិនអត់អោនដាច់ខាតដល់ការគំរាមកំហែង ទោះមកពីខាងណាក៏ដោយ។
លោកត្រាំបានសរសេរតាម TWITTER ថា សហរដ្ឋអាមេរិក នឹងដាក់ទណ្ឌកម្មធ្ងន់ធ្ងរប្រឆាំងតួកគីដោយសារការឃុំឃាំងយូរលោក ANDREW BRUNSON ជាគ្រូប្រដៅសាសនាគ្រឹស្តសំខាន់ម្នាក់។ ជនស្លូតត្រង់បំផុតនោះត្រូវតែដោះលែងជាបន្ទាន់។
ចំណែកអនុប្រធានាធិបតីអាមេរិកលោក MIKE PENCE វិញបានគំរាមថា ចំពោះប្រធានាធិបតីលោកអ័រដូហ្គាន និងរដ្ឋាភិបាលតួកគី ខ្ញុំមានសារមួយដូចប្រធានាធិបតីអាមេរិកដែរ ដោះលែងជាបន្ទាន់គ្រូប្រដៅសាសនា លោក ANDREW BRUNSON ឬក៏សុខចិត្តទទួលរងបណ្ដាផលវិបាក។
លោក ANDREW BRUNSON ដែលរស់នៅតួកគីចាប់តាំងពីជាង២០ឆ្នាំមកហើយ ទទួលការចោទប្រកាន់របស់តុលាការតួកគី ពីបទភេរវកម្មមកពីលោកមានទំនាក់ទំនងជាមួយបណ្ដាញលោក FETHULLAH GULEN៕
ចែករំលែកព័តមាននេះ