រដ្ឋធានីវ៉ាស៊ីនតោន ៖ កាលពីថ្ងៃចន្ទដើមសប្ដាហ៍នេះ មូលនិធិរូបិយប័ណ្ណអន្តរជាតិ (IMF) បានព្រមានថា ជម្លោះពាណិជ្ជកម្មកាន់តែគំរាមកំហែងដល់ការល្អប្រសើរឡើងវិញនៃសេដ្ឋកិច្ច និងប៉ះពាល់ដល់ទស្សនវិស័យលូតលាស់ ។ IMF…
រដ្ឋធានីវ៉ាស៊ីនតោន ៖ កាលពីថ្ងៃចន្ទដើមសប្ដាហ៍នេះ មូលនិធិរូបិយប័ណ្ណអន្តរជាតិ (IMF) បានព្រមានថា ជម្លោះពាណិជ្ជកម្មកាន់តែគំរាមកំហែងដល់ការល្អប្រសើរឡើងវិញនៃសេដ្ឋកិច្ច និងប៉ះពាល់ដល់ទស្សនវិស័យលូតលាស់ ។
IMF បានបន្តទៀតថា សហរដ្ឋអាមេរិកអាចនឹងមើលឃើញការប៉ះពាល់ដល់ការនាំចេញដោយងាយជាងគេ ។
ពួកគេបានបន្តថា កំណើនពន្ធដល់កម្រិតដែលគំរាមកំហែងសហរដ្ឋអាមេរិក ចិន និងប្រទេសដទៃទៀត មិនត្រឹមតែអាចប៉ះពាល់ផ្ទាល់ដល់តម្រូវការទេ ប៉ុន្តែក៏បង្កើនដល់ភាពមិនប្រាកដប្រជា និងប៉ះពាល់ដល់ការវិនិយោគផងដែរ ។
យ៉ាងណាក្តី IMF បានព្យាករថា សេដ្ឋកិច្ចពិភពលោក នឹងលូតលាស់បានប្រមាណ៣,៩% ទាំងឆ្នាំ២០១៨ និង២០១៩ ។
ការព្យាករសម្រាប់សហរដ្ឋអាមេរិក និងប្រទេសចិន មិនត្រូវបានផ្លាស់ប្តូរទេ ដោយមានសហរដ្ឋអាមេរិកលូតលាស់បាន ២,៩%ក្នុងឆ្នាំ ២០១៨ និង២,៧%ក្នុងឆ្នាំ២០១៩ ។
ប៉ុន្តែស្ថាប័ននេះបានកាត់បន្ថយការព្យាករលើប្រទេសក្នុងតំបន់អឺរ៉ុប ជប៉ុន និងអង់គ្លេសព្រោះដំណើរការក្នុងត្រីមាសទី១ ដែលទាបជាងការគិតទុក រួមទាំងការរឹតបន្តឹងស្ថានការណ៍ហិរញ្ញវត្ថុ ព្រោះតែភាពមិនប្រាកដប្រជាផ្នែកនយោបាយ ។
ការព្យាករលើការលូតលាស់តំបន់អឺរ៉ុប គឺស្មើនឹង២,២% ដោយអង់គ្លេសនឹងលូតលាស់បាន ១,៤% ។ ជាមួយគ្នានេះ ប្រទេសជប៉ុនត្រូវបានគិតថា នឹងលូតលាស់បាន១% ថែមទៀត ៕
ចែករំលែកព័តមាននេះ