ទោះស្លា.ប់អ្នកទេសចរ៤៧នាក់… ចិននៅតែថ្លែងអំណរគុណថៃ
តាមប្រភពពី Bangkok Post បានឱ្យដឹងថា ឯកអគ្គរដ្ឋទូតចិន លោក Lyu Jian បានថ្លែងអំណរគុណដល់រដ្ឋាភិបាលថៃ ក្រុមការងារជួយសង្គ្រោះ…
តាមប្រភពពី Bangkok Post បានឱ្យដឹងថា ឯកអគ្គរដ្ឋទូតចិន លោក Lyu Jian បានថ្លែងអំណរគុណដល់រដ្ឋាភិបាលថៃ ក្រុមការងារជួយសង្គ្រោះ និងក្រុមការងារគាំទ្រ ចំពោះកិច្ចខិតខំប្រឹងប្រែងរួមគ្នារបស់ពួកគេ ក្នុងការជួយសង្គ្រោះនូវជនរងគ្រោះជនជាតិចិន ពីការលិចនាវាទូកពីរគ្រឿង កាលពីថ្ងៃទី៥ កក្កដាកន្លងមកនេះ។
មនុស្ស៤៧នាក់បានស្លាប់ នៅក្នុងសោកនាដកម្មនេះ ដែលពួកគេទាំងអស់នៅលើទូកទេសចរណ៍ Phoenix ហើយជនរងគ្រោះស្ទើរតែទាំងអស់ គឺជាភ្ញៀវទេសចរចិន ។ ទូកមួយឈ្មោះ Serenita ក៏
បានលិចនៅក្នុងតំបន់ដូចគ្នា ដោយសារតែព្យុះសមុទ្រ ដែលបក់នៅថ្ងៃទី៥ កក្កដា ប៉ុន្តែភ្ញៀវទេសចរនិងសមាជិកនាវិកទាំងអស់ ត្រូវបានគេជួយសង្គ្រោះដោយសុវត្ថិភាព ។
លោក Lyu បានមានប្រសាសន៍កាលពីរាត្រីថ្ងៃអាទិត្យថា ប្រទេសចិនមានសេចក្តីអំណរគុណដល់អស់អ្នកដែលចូលរួមក្នុងការជួយសង្គ្រោះអ្នកនៅរស់ និងស្វែងរកសាកសពរបស់អ្នកបានស្លាប់ ។
ការស្រាវជ្រាវរយៈពេល១១ថ្ងៃ បានបញ្ចប់កាលពីល្ងាចថ្ងៃអាទិត្យ បន្ទាប់ពីសាកសពចុងក្រោយ ត្រូវបានគេយកចេញពីបាតសមុទ្រ ហើយបញ្ជូនទៅមន្ទីរពេទ្យ Vachira Phuket សម្រាប់ការពិនិត្យក្រោយពេលស្លាប់ និងការបញ្ជាក់ពីអត្តសញ្ញាណ ។
លោក Lyu ក៏បានបន្តទៀតថា រដ្ឋាភិបាលចិនបានស្វែងរកកិច្ចសហប្រតិបត្តិការពីរដ្ឋាភិបាលថៃ ក្នុងការស៊ើបអង្កេតលើសោកនាដកម្មនេះ ។ ប្រទេសទាំងពីរ គួរតែរៀនសូត្រពីសោកនាដកម្ម ដែលជាមេរៀនមួយដែលនឹងពង្រឹងកិច្ចសហប្រតិបត្តិការ ក្នុងវិស័យទេសចរណ៍ និងកសាងទំនុកចិត្តរបស់ភ្ញៀវទេសចរលើបញ្ហាសុវត្ថិភាព ។
ចែករំលែកព័តមាននេះ