សូមកុំឱ្យមាន​ឪពុកប្រភេទ​​នេះរស់ក្នុងលោកអី… ​


ខេត្តបាត់ដំបង ៖ យោង​តាម​ប្រភព​ពី​សមត្ថកិច្ច​បាន​ឱ្យ​​ដឹង​ថា កម្លាំង​នគរបាល​ស្រុក​ឯក​ភ្នំ បាន​ឃាត់ខ្លួន​បុរស​ម្នាក់​ប​ញ្ជួ​ន​ទៅ​កាន់​ការិយាល័យ​ជំនាញនៃ​ស្នងការដ្ឋាន​ខេត្ត កាលពី​រសៀល​ថ្ងៃ​ទី​១៣​ កក្កដា ដើម្បី​សួរនាំ ក្រោយ​ពី​មាន​បណ្ដឹង​ចោទប្រកាន់​ថា «ជន​នេះ​ មាន​ជាប់​ពាក់ព័ន្ធ​នឹង​ករណី​រំលោភ​បំពាន​ផ្លូវភេទ​​លើ​កូនស្រី​របស់​ខ្លួន ​ដែល​មាន​អាយុ​តិច​ជាង​១០​ឆ្នាំ​ចំនួន​២​នាក់​ជា​បន្តបន្ទាប់» ជាមួយនឹង​ការ​ធ្វើ​ទារុណកម្ម​លើ​កូនស្រី​យ៉ាង​សាហាវ​ព្រៃផ្សៃ​ផង​ ។

អធិការ​ស្រុក​ឯក​ភ្នំ លោក​ឡុ​ង វីរ​: បាន​ឱ្យ​ដឹង​ថា ជនសង្ស័យ​រូប​នេះ​​ឈ្មោះ​ឡុ​ង សុធា អាយុ​៣៨​ឆ្នាំ រស់នៅ​ភូមិ​ក្បាលស្ពាន​២ សង្កាត់​ប៉ោយ​ប៉ែ​ត ក្រុង​ប៉ោយ​ប៉ែ​ត ខេត្តបន្ទាយមានជ័យ​ ។ ជន​នេះ ​ត្រូវ​បាន​ឃាត់ខ្លួន​កាលពី​យប់​ថ្ងៃ​ទី​១២​ កក្កដា នៅ​ក្នុង​សង្កាត់​ចំការ​សំរោង ក្រុង​បាត់ដំបង ខណ​:​ដែល​ជន​ជិះ​តាក់ស៊ី​បម្រុង​មក​យក​កូនស្រី​ទាំង​២​នាក់​ពី​ផ្ទះ​សាច់ញាតិ​នៅ​ស្រុក​ឯក​ភ្នំ ដើម្បី​យក​ត្រឡប់​ទៅ​ស្រុក​កំណើត​វិញ​ ។ លោក​អធិ​ការ​រូប​នេះ ​បាន​និយាយ​ដែរ​ថា ជន​នេះ​បាន​ព្យាយាម​មក​យក​កូនស្រី​ត្រឡប់​ទៅ​វិញ ក្រោយ​ពេល​ដែល​ម្ដាយ​​មីង​​ក្មេង​ស្រី​រង​គ្រោះ​ទាំង​២ ដាក់​ពាក្យបណ្ដឹង​ចោទប្រកាន់​ជន​នេះ​ (​ឪពុក​) ​បាន​​២​ថ្ងៃ ទៅ​កាន់​អធិការ​ស្រុក​ឯក​ភ្នំ ពី​បទ​ចាប់រំលោភ​កូនស្រី​ខ្លួនឯង និងធ្វើ​ទារុណកម្ម​ ។

លោក​ឡុ​ង វីរ​: បាន​បញ្ជាក់​ថា តាម​ពិត​ព្រឹ​ត្ត​នេះ​ បាន​កើតឡើង​នៅផ្ទះ​ជនសង្ស័យ​ឈ្មោះ​ឡុ​ង សុធា នេះ​នៅ​
ឯ​ក្រុង​ប៉ោយ​ប៉ែ​ត តាំងពី​អំឡុង​ខែឧសភា​ ២០១៨ ម្លេ៉ះ ​។ នេះ​បើ​តាម​សាច់ញាតិ​ដែល​បាន​រៀបរាប់​ប្រាប់​សមត្ថកិច្ច​ពេល​បែកធ្លាយ​រឿង​ មុន​ឈាន​ដល់​ការ​ដាក់​ពាក្យបណ្ដឹង ​។ លោក​បាន​និយាយ​អំពី​ប្រវត្តិ​រឿង​អាស្រូវ​នេះ​ ដោយ​សង្ខេប​​ដូច្នេះ​ថា ដំបូង​ម្ដាយ​មីង​​ក្មេង​ស្រី​រង​គ្រោះ​នេះ ​បាន​យក​ក្មួយ​ស្រី​ទាំង​២​នាក់​ ពី​ឪពុក​នាង​នៅ​ប៉ោយ​ប៉ែ​ត មក​ស្នាក់​នៅ​ជាមួយ​ខ្លួន​នៅ​ឃុំ​ពាម​ឯក ស្រុក​ឯក​ភ្នំ ដើម្បី​ឱ្យ​​ពួក​នាង​បាន​រៀនសូត្រ តែ​មិន​បានដឹង​ពី​រឿង​ពួក​នាង ​ត្រូវ​ឪពុក​ចាប់រំលោភ​ និង​ធ្វើ​ទារុណកម្ម​នោះ​ទេ​ ។

ក្រោយ​ពី​មក​​ស្នាក់​នៅ​រៀនសូត្រ​បាន​មួយ​រយ​:​នៅ​ប៉ុន្មាន​ថ្ងៃមុន​នេះ ម្ដាយ​មីង​​បាន​រក​ចៃ​ឱ្យ​​ក្មួយ​ៗ​ ។ គ្រាហ៍​នោះ​ គាត់​បានឃើញ​មាន​ស្លាកស្នាម​របួស​នៅ​លើ​ក្បាល​​ក្មួយ​ស្រី និង​លើ​ដងខ្លួន​ម្នាក់​ៗ​ ស្ទើរ​សុះសាច់​គួរ​រន្ធត់​បំផុត រួច​គាត់​បាន​សួរនាំ​អំពី​ស្នាម​របួស​នោះ ទើប​ក្មួយ​ស្រី​ទម្លាយ​ពី​រឿងអាស្រូវ​ដ៏​សាហាវ​ឃោ​ឃៅ​របស់​ឪពុក ប្រាប់​ម្ដាយ​មីង​​អស់​គ្មាន​សល់​ នា​ពេល​នោះ​តែ​ម្ដង​ទៅ​ ។ លោក​អធិការបាន​បញ្ជាក់​ដែរ​ថា ក្រោយ​ពី​ក្មួយ​​ស្រី​ទម្លាយ​រឿង​នេះ ដោយ​ក្ដី​ឈឺចាប់​ពេក ទើប​ម្ដាយ​មីង​សម្រេច​ទៅ​ដាក់​ពាក្យបណ្ដឹង​នៅ​អធិការ​ស្រុក​ឯក​ភ្នំ ដើម្បី​សុំ​ឲ្យ​សមត្ថកិច្ច​ជួយ​អន្តរា​គម​ន៍​​ចាត់វិធានការ​លើ​ឪពុក​តប​ស់​ក្មួយ​ស្រី​ទាំង​នាក់​នេះ​តែ​ម្ដង​។

លោក​ឡុ​ង វីរ​: បាន​ប្រាប់​ថា បន្ទាប់​ពី​ម្ដាយ​ម៉ី​ង​ក្មេង​ស្រី​ដាក់​ពាក្យ​ប្ដឹង​មិន​ទាន់​បាន​ប៉ុន្មាន​ថ្ងៃ​ផង ស្រប​ពេល​នោះ​ ជនសង្ស័យ​ឈ្មោះ​ឡុ​ង សុធា ដែល​ជា​ឪពុក​កុមារី​រង​គ្រោះ​ ក៏​បាន​ទូរស័ព្ទ​មក​សុំ​យក​កូន​ត្រឡប់​ទៅ​វិញ ដោយ​ប្រាប់​ថា យក​ពួក​នាង​ទៅ​នៅ​ភ្នំពេញ ហើយ​គាត់​ក៏​យល់ព្រម ​។ លុះ​នៅ​ថ្ងៃ​ទី​១២​ កក្កដា ជនសង្ស័យ​រូប​​នេះ​ ក៏​បាន​ជិះ​តាក់ស៊ី​មក​យក​កូន​ ។ ប៉ុន្តែ​មក​ដល់​ផ្ទះ​សាច់ញាតិ​ ដែល​កូន​ស្នាក់​នៅ ឃើញ​សភាព​មិនសូវ​ល្អ​ក៏​ជិះ​ត្រឡប់​ក្រោយ​វិញ តែ​ត្រូវ​កម្លាំង​នគរបាល​ស្រុក​ឯក​ភ្នំ ដេញ​តាម​ស្ទាក់​ចាប់​បាន​នៅ​ក្នុង​សង្កាត់​ចំការ​សំរោង ក្រុង​បាត់ដំបង​ទាំង​កណ្ដាល​យប់​តែ​ម្ដង ហើយ​ក៏​បាន​បញ្ជូន​ជន​នេះ ​ទៅ​កាន់​ស្នងការ​ខេត្ត​នា​ថ្ងៃ​បន្ទាប់​។

បើ​តាម​មន្ត្រី​ជំនាញ​បាន​ប្រាប់​ថា ក្មេង​ស្រី​រង​គ្រោះ​ទាំង​០២​នាក់​ម្នាក់​អាយុ​០៨​ឆ្នាំ និង​ម្នាក់​ទៀត​ អាយុ​០៧​ឆ្នាំ នាង​ជា​បងប្អូន​បង្កើត ហើយ​ក៏​ជា​កូនបង្កើត​របស់​ជន​តិរច្ឆាន​ខាងលើ​នេះ​ដែរ​ ។ បើ​តាម​ការ​ស្រង់​សំដី​កុមារី​ទាំង​២​នាក់​ បាន​ប្រាប់​សមត្ថកិច្ច​ថា ពួក​នាង​ត្រូវ​ឪពុក​វាយដំ​បង្ខំ​ចាប់រំលោភ​ច្រើន​លើក​ច្រើន​សារ ធ្វើ​ឲ្យ​ពួក​នាង​ឈឺចាប់​ស្ទើរ​រាល់ថ្ងៃ​ ។ ឪពុក​នាង​តែង​គំរាម​សម្លាប់ ​ក្រោយ​ពេល​ចាប់រំលោភ​នាង​ម្ដង​ៗ​ ។

លោក​ឡុ​ង វីរ​: អធិការ​ស្រុក​ឯក​ភ្នំ បាន​បញ្ជាក់​ដែរ​ថា​ ជាមួយនឹង​ការ​ឃាត់ខ្លួន និង​ការ​សាកសួរ​ជាបឋម គឺ​ជនសង្ស័យ​ឈ្មោះ​ឡុ​ង សុធា បាន​សារភាព​ថា ខ្លួន​ពិតជា​បាន​ប្រព្រឹត្ត​នូវ​ទ​ង្វើ​ដ៏​ថោកទាប​ និង​សាហា​វ​ព្រៃ​ផ្សៃ​នេះ ​ទៅ​លើ​កូនស្រី​របស់​ខ្លួន​ទាំង​២​នាក់​នោះ​មែន​ ។ ពេល​នេះ​លោកស្នងការ​ខេត្ត​បាន​បញ្ជា​ឲ្យ​មន្ត្រី​ជំនាញនៃ​អធិការ​ស្រុកបញ្ជូន​​ជន​នេះ ​ទៅ​កាន់​ស្នងការដ្ឋាន​ខេត្ត​ ដើម្បី​ចាត់ការ​តាម​នីតិវិធី​ច្បាប់​​ហើយ​ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ