រាជធានីភ្នំពេញ ៖ ស្ត្រីស្រស់សោភាម្នាក់អាយុប្រហែល២៤ទៅ២៥ឆ្នាំ មិនដឹងថា មានវិបត្តិអ្វីទេ បានជិះម៉ូតូឌុបទៅប៉ងលោតទឹកសម្លាប់ខ្លួនពីលើស្ពានជ្រោយចង្វា តែបានអ្នកសារព័ត៌មានម្នាក់ឃាត់ទាន់ និងផ្អើលដល់សមត្ថកិច្ចចុះមកកន្លែងកើតហេតុ កាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃទី១១…
រាជធានីភ្នំពេញ ៖ ស្ត្រីស្រស់សោភាម្នាក់អាយុប្រហែល២៤ទៅ២៥ឆ្នាំ មិនដឹងថា មានវិបត្តិអ្វីទេ បានជិះម៉ូតូឌុបទៅប៉ងលោតទឹកសម្លាប់ខ្លួនពីលើស្ពានជ្រោយចង្វា តែបានអ្នកសារព័ត៌មានម្នាក់ឃាត់ទាន់ និងផ្អើលដល់សមត្ថកិច្ចចុះមកកន្លែងកើតហេតុ កាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃទី១១ កក្កដា នៅលើស្ពានជ្រោយចង្វាថ្មី ។
តាមអ្នកឃើញហេតុការណ៍នេះនិយាយថា នៅពេលឃើញស្ត្រីរូបនេះប៉ងលោតទឹកសម្លាប់ខ្លួន ក៏មានអ្នកសារព័ត៌មានម្នាក់សុំមិនបញ្ចេញឈ្មោះជិះម៉ូតូកាត់តាមនោះឃើញទាន់ ក៏ស្ទុះទៅចាប់ដៃជាប់់និងស្រែកឲ្យគេជួយ ទើបផ្អើលទៅដល់សមត្ថកិច្ចការពារស្ពានចុះមកអន្តរាគមន៍ យកទៅសួរនាំក៏ទំនាក់ទំនងទៅសាច់ញាតិឲ្យមកទទួលយកទៅវិញ ។
នៅពេលសមត្ថកិច្ចសួរនាំ ស្ត្រីរូបនេះនិយាយថា ដោយសារក្រុមគ្រួសារនិងសង្សារធ្វើបាបចិត្តនាងខ្លាំងពេក ទើបនាងគិតខ្លីចង់សម្លាប់ខ្លួន គឺមិនចង់រស់នៅទៀតទេ ។ក្រោយពេលកើតហេតុ តាមរយៈការទំនាក់ទំនងរបស់សមត្ថកិច្ច ទើបសង្សាររបស់នាងបានមកដល់ ដឹកដៃនាងចូលក្នុងរថយន្តព្រូស១គ្រឿងរួចបើកចេញបាត់ទៅ មិនហ៊ាននៅយូរទេខ្លាចខ្មាស់គេ ដោយសារអ្នកកាសែតតាមសួរនាំពេក ។
អ្នកខ្លះនិយាយថា ចិត្តខ្លាំងពេកហើយ អាងអីមកលោតទឹក បានត្រឹមតែស្លាប់អំពល់ដល់ម៉ែឪ ។ កើតមួយជាតិធាតុមួយចាន មិនទាន់បានតបស្នងសងគុណមាតាបិតាផង បែរជាចង់ស្លាប់ ។ ការសម្រេចចិត្តបែបនេះ ដូចជាប្រមាថជីវិតខ្លួនឯងពេកហើយ ៕
ចែករំលែកព័តមាននេះ