ខេត្តស្វាយរៀង៖ គោយន្តកែច្នៃមួយគ្រឿងសង្ស័យដាច់ចង្កូតក្រឡាប់ចុះក្នុងទឹកទន្លេវ៉ៃគោកាលពីវេលាម៉ោង១២និង៥នាទីថ្ងៃត្រង់ថ្ងៃទី៩ កក្កដា ឆ្នាំ២០១៨នេះ នៅលើកំណាត់ផ្លូវជាតិលេខ១ ត្រង់ចំណុចខាងកើតស្ពានហាយវ៉េ ចម្ងាយ២០០ម៉ែត្រ ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង…
ខេត្តស្វាយរៀង៖ គោយន្តកែច្នៃមួយគ្រឿងសង្ស័យដាច់ចង្កូតក្រឡាប់ចុះក្នុងទឹកទន្លេវ៉ៃគោកាលពីវេលាម៉ោង១២និង៥នាទីថ្ងៃត្រង់ថ្ងៃទី៩ កក្កដា ឆ្នាំ២០១៨នេះ នៅលើកំណាត់ផ្លូវជាតិលេខ១ ត្រង់ចំណុចខាងកើតស្ពានហាយវ៉េ ចម្ងាយ២០០ម៉ែត្រ ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង បណ្តាលឲ្យអ្នកបើកបរ និងអ្នករួមដំណើរម្នាក់របួសស្រាលៗ តែព្រលឹងចុងសក់។
បើតាមអ្នកបើកបរគោយន្តកែច្នៃបានប្រាប់ឲ្យដឹងថា មុនពេលកើតហេតុ គាត់បានបើកបរគោយន្តចេញពីក្រុងស្វាយរៀងតាមបណ្តោយផ្លូវជាតិលេខ១ ក្នុងទិសដៅពីលិចទៅកើត ក្នុងល្បឿនលឿនល្មម លុះមកដល់ចំណុចកើតហេតុ ស្រាប់តែដាច់ចង្កូតរេពេញផ្លូវ និងចាប់ហ្វ្រាំងក៏មិនស៊ី ហើយគោយន្តបានរត់ចម្ងាយប្រមាណ៥០ម៉ែត្រក៏ធ្លាក់ពីលើថ្នល់ចុះទៅក្នុងទឹកទន្លេវ៉ៃគោតែម្តង ។ សំណាងល្អគ្មានអ្នកធ្វើដំណើរតាមថ្នល់ បើសិនជាមានអ្នកធ្វើដំណើរវិញមិនដឹងយ៉ាងណាទេ រីឯអ្នកលក់ខ្យងតាមចិញ្ចើមថ្នល់ជិតកន្លែងកើតហេតុវិញភ័យព្រលឹងចុងសក់ទាំងពីអ្នកប្តីប្រពន្ធរត់យកព្រះអាយុ ។ ក្រោយមកទាំង២នាក់ប្តីប្រពន្ធបានដឹកខ្យងចេញទៅរកកន្លែងផ្សេងដើម្បីលក់វិញ ឈប់ហ៊ានលក់ក្បែកន្លែងកើតហេតុ ។
ដោយពុំមានបង្កគ្រោះថ្នាក់ដល់អ្នកដទៃ សមត្ថកិច្ចឲ្យម្ចាស់គោយន្តកែច្នៃហៅរថយន្តស្ទូចមកស្ទូចយកទៅជួសជុលដោយខ្លួនឯង៕
ចែករំលែកព័តមាននេះ