សហរដ្ឋអាមេរិក ៖ យុទ្ធសាស្ត្ររបស់ប្រធានាធាធិបតីអាមេរិកលោកដូណាល់ត្រាំ ដែលសង្ឃឹមឲ្យអាមេរិកមានអានុភាពខ្លាំងជាថ្មី ដោយប្រើការគំរាមកំហែង ទណ្ឌកម្ម ការបង្កើនពន្ធ និងការគាបសង្កត់ខាងការទូតលើប្រទេសឯទៀតៗចាប់ផ្ដើមឡងខ្លួនវិញហើយ។ ពុំត្រឹមតែគូប្រកួតប្រជែងសំខាន់របស់សហរដ្ឋអាមេរិក ក្នុងសង្ក្រាមពាណិជ្ចកម្មបច្ចុប្បន្ន…
សហរដ្ឋអាមេរិក ៖ យុទ្ធសាស្ត្ររបស់ប្រធានាធាធិបតីអាមេរិកលោកដូណាល់ត្រាំ ដែលសង្ឃឹមឲ្យអាមេរិកមានអានុភាពខ្លាំងជាថ្មី ដោយប្រើការគំរាមកំហែង ទណ្ឌកម្ម ការបង្កើនពន្ធ និងការគាបសង្កត់ខាងការទូតលើប្រទេសឯទៀតៗចាប់ផ្ដើមឡងខ្លួនវិញហើយ។
ពុំត្រឹមតែគូប្រកួតប្រជែងសំខាន់របស់សហរដ្ឋអាមេរិក ក្នុងសង្ក្រាមពាណិជ្ចកម្មបច្ចុប្បន្ន មានចិន និងសហភាពអឺរ៉ុបដែលពុំមានបំណងបន្ធូរដៃតបតទេ ប៉ុន្តែពេលនេះសូម្បីតែពួកសម្ព័ន្ធមិត្តជិតដិតក្នុងតំបន់ អាស៊ីប៉ាស៊ីហ្វិករបស់អាមេរិក ក៏ចាប់ផ្ដើមចូលរួមក្នុងក្រុមចម្រុះសេដ្ឋកិច្ចប្រឆាំងអាមេរិកដែរ។ ទោះបីសម្ព័ន្ធមិត្តទាំងនេះមិនសូវចូលចិត្តចិន និងមហិច្ឆ្តាចិនក្នុងតំបន់ ក៏យុទ្ធសាស្ត្រនោះរបស់លោកត្រាំ ពុំអាចទៅរួចឡើយ។
ប្រទេសទាំងនេះត្រៀមប្រយុទ្ធជាមួយចិនប្រឆាំងយុទ្ធសាស្ត្រនេះ ហើយរដ្ឋការអាមេរិកបច្ចុប្បន្នបាត់បង់បណ្ដាសម្ព័ន្ធមិត្តរបស់ខ្លួនហើយបង្កើតសត្រូវថ្មីៗដែលប្រហែលផ្ដល់ផលអាក្រក់ៗដល់ខ្លួន។
ចំណែកទីភ្នាក់ងារព័ត៌មានអាមេរិក BLOOMBERG រាយការណ៍ថា រដ្ឋមន្ត្រីពាណិជ្ជកម្មរបស់ប្រទេសអាស៊ី១៦ ចាប់ផ្ដើមដំណាក់កាលចុងក្រោយនៃការចរចា លើការបង្កើតប្លុកពាណិជ្ជកម្មធំបំផុតមួយលើពិភពលោកដែលពុំមានអាមេរិក កាលពីថ្ងៃទី១ កក្កដា នៅប្រទេសជប៉ុន។
បណ្ដាអ្នករៀបចំតំបន់ផ្លាស់ប្ដូរសេរីធំនោះរួមមានប្រទេសចិន ឥណ្ឌា និងជប៉ុន ដែលបែបនេះនាំឲ្យអាមេរិកមានការព្រួយបារម្ភយ៉ាងខ្លាំង។ពួកអ្នកជំនាញការអាមេរិកមានសង្ឃឹមខ្លាំងយកឥណ្ឌា និងជប៉ុនទប់ចិន ព្រោះសម្លឹងលើទំនាស់ជាប្រពៃណី និងការប្រកួតប្រជែងទាំងឡាយរវាងឥណ្ឌា និងចិន ព្រមទាំងរវាងជប៉ុន និងចិនសម្រាប់រួមរិតក្រុងប៉េកាំងប្រើដៃអ្នកដទៃ។
ទោះបីយ៉ាងណាក្នុងការអនុវត្តជាក់ស្ដែង បណ្ដាសម្ព័ន្ធមិត្តអាមេរិកនៅអាស៊ី មានឥណ្ឌា ជប៉ុន រហូតដល់កូរ៉េខាងត្បូង អូស្ត្រាលី និងនូវែលហ្សេឡង់ បានផ្លាស់ប្ដូរជំហរស្និទ្ធអាមេរិករបស់ពួកគេ ហើយប្រកាន់យកនយោបាយការបរទេសកាន់តែពឹងផ្អែកលើហេតុការណ៍ជាក់ស្ដែង។
BLOOMBERG បានដកស្រង់សម្ដីរដ្ឋមន្ត្រីពាណិជ្ជកម្មជប៉ុនលោក HIROSHIGE SEKOដែលថ្លែងទៅកាន់ក្រុមអ្នកកាសែតថា ប្លុកពាណិជ្ជកម្មថ្មីមួយត្រូវបានបង្កើតឡើង។
លោករហ្វុតដល់និយាយយោងពីអ្នកដែលបណ្ដាប្រទេសអាស៊ីប៉ងរួមគ្នាប្រឆាំងផង។លោកថា ផ្លូវឆ្ពោះទៅរកការចុះហត្ថលេខាលើកិច្ចព្រមព្រៀងមួយនាដំណាច់ឆ្នាំនេះត្រូវបានត្រួសត្រាយរួចហើយ។ ដោយគិតទៅដល់ការព្រួយបារម្ភកាន់តែខ្លាំងចំពោះលទ្ធិការពារនិយម វាសំខាន់ណាស់ដែលតំបន់អាស៊ីត្រូវដើរទៅមុខក្រោមទង់ផ្លាស់ប្ដូរសេរី។
លទ្ធិការពារនិយមអាមេរិកបានក្លាយជាបញ្ហាធ្ងន់ធ្ងរមួយ ដែលគេនាំគ្នានិយាយថា ពួកពីងពាងក្នុងប្លុកអាស៊ីត្រៀមបំភ្លេចទំនាស់ផ្សេងៗហើយចង់រួមគ្នាខាំអាមេរិកវិញ៕
ចែករំលែកព័តមាននេះ