ខេត្តកំពត ៖ ប្រជាពលរដ្ឋជាច្រើនគ្រួសារនៅភូមិស្លាបតាអោន ឃុំស្វាយទងខាងត្បូង ស្រុកកំពង់ត្រាច គេបានដឹងថាពួកអ្នកភូមិភាគច្រើនជាស្ត្រីបានជិះទូកទៅសមុទ្ររាវរកគ្រែង និងស្ត្រីឯទៀតមានជំនាញ យកជើងជាន់ភក់ដើម្បីរកគ្រែងផងដែរ។ ស្ត្រីម្នាក់ឈ្មោះ លើយ…
ខេត្តកំពត ៖ ប្រជាពលរដ្ឋជាច្រើនគ្រួសារនៅភូមិស្លាបតាអោន ឃុំស្វាយទងខាងត្បូង ស្រុកកំពង់ត្រាច គេបានដឹងថាពួកអ្នកភូមិភាគច្រើនជាស្ត្រីបានជិះទូកទៅសមុទ្ររាវរកគ្រែង និងស្ត្រីឯទៀតមានជំនាញ យកជើងជាន់ភក់ដើម្បីរកគ្រែងផងដែរ។
ស្ត្រីម្នាក់ឈ្មោះ លើយ ម៉ូវ អាយុ៣៥ឆ្នាំ បាននិយាយប្រាប់ ឲ្យដឹងថា ប្រជាពលរដ្ឋនៅភូមិស្លាបតាអោនសុទ្ធតែមានជីវភាពក្រីក្រ តាំងពីព្រលឹមដឹងតែពីនាំគ្នា ជិះទូកចេញទៅសមុទ្រតាមជំនាញរៀងៗខ្លួន។ អ្នកខ្លះរាវរកគ្រែង អ្នកខ្លះទៀតជាន់ភក់រកគ្រែង លុះពេលថ្ងៃត្រង់ពួកគេជិះទូកត្រឡប់មកវិញ អ្នកខ្លះបានតិចអ្នកខ្លះបានច្រើន គេអាចលក់អោយឈ្មួញចាំទិញ១គីឡូគ្រែងត្រឹមតែ៤ពាន់រៀលប៉ុណ្ណោះ។
លោក លន សុខា ប្រធានឃុំស្វាយទងខាងត្បូងបាននិយាយប្រាប់ឲ្យដឹងកាលពីព្រឹកថ្ងៃទី៤ កក្កដា ថា ប្រជាពលរដ្ឋនៅភូមិស្លាបតាអោនជាង២០០គ្រួសារ ប៉ុន្តែមានប្រហែលជាង១០០គ្រួសារប៉ុណ្ណោះ ពួកគាត់មានរបរជានេសាទសមុទ្រ។ លោក លន សុខា ប្រធានឃុំនិយាយថា ពួកអ្នកភូមិស្លាបតាអោនមានជំនាញផ្សេងៗគ្នា៕
ចែករំលែកព័តមាននេះ