ក្រោយពីប្រទះឃើញពួកគេនៅរស់ទាំងអស់គ្នាក្នុងរូងភ្នំ បានធ្វើឱ្យពួកគេរលឹកទៅដល់ថេរដីកាសង្ឃមីយ៉ាន់ម៉ា កាលពីថ្ងៃទី២៩ មិថុនា កន្លងមក គឺព្រះគ្រូបាប៊ុនឈុម យ៉ានសាងវ៉ារ៉ូ ជាចៅអធិការវត្តដនរឿង រដ្ឋឆាន ប្រទេសមីយ៉ាន់ម៉ា…
ក្រោយពីប្រទះឃើញពួកគេនៅរស់ទាំងអស់គ្នាក្នុងរូងភ្នំ បានធ្វើឱ្យពួកគេរលឹកទៅដល់ថេរដីកាសង្ឃមីយ៉ាន់ម៉ា កាលពីថ្ងៃទី២៩ មិថុនា កន្លងមក គឺព្រះគ្រូបាប៊ុនឈុម យ៉ានសាងវ៉ារ៉ូ ជាចៅអធិការវត្តដនរឿង រដ្ឋឆាន ប្រទេសមីយ៉ាន់ម៉ា បាននិមន្តមកធ្វើពិធីបួងសួងមួយនៅមាត់ល្អាង «ថាំហ្លួង» ដើម្បីជួយជីវិតអ្នកដែលបាត់ខ្លួនទាំង១៣នាក់ ។ ពិធីបួងសួងនោះ ក៏មានលោកចៅហ្វាយខេត្តឈៀងរ៉ៃ ទទួលស្វាគមន៍ផងដែរ ។
ក្រោយពីបានបញ្ចប់ការបួងសួងខាងលើ និងមុនពេលនិមន្តទៅវិញ ព្រះគ្រូអង្គនេះ មានថេរដីកាថា «រយៈពេល២-៣ថ្ងៃទៀត នឹងបានឃើញពួកគេហើយ» ។ លុះមកដល់យប់ថ្ងៃទី២ កក្កដា ក្រុមអ្នករុករកក៏បានរកឃើញមែន ដោយពួកគេនៅមានជីវិត ស្របតាមថេរដីការបស់សង្ឃខាងលើនិងចាត់ទុកថា ពិតជាឆុតមែន ។
ព្រះគ្រូបាប៊ុនឈុម យ៉ានសាងវារ៉ូ ជាព្រះសង្ឃដ៏ល្បីនៅក្នុងវត្ត«ព្រះធាតុដនរឿង» រដ្ឋឆាន ប្រទេសមីយ៉ាន់ម៉ា រួមទាំងសិស្សបាននិមន្តទៅល្អាង «ថាំហ្លួង» ដើម្បីប្រារព្ធពិធីបួងសួងសុំមេត្តា និងបើកភ្នែកនៅក្នុងល្អាងដោយមានអាណាព្យាបាលរបស់អ្នកបាត់ខ្លួនទាំង១៣រូបចូលរួមផងដែរ ។ ព្រះគ្រូក៏បាននាំព្រះពុទ្ធរូបបុរាណដាក់លើព្រះកេស ប្រារព្ធពិធីបន់ស្រន់បើកភ្នែកនេះ ដោយចំណាយពេលប្រហែលមួយម៉ោងទើបចប់។
ក្រោយពីបានបញ្ចប់សម្ដេចព្រះគ្រូក៏មានថេរដីកាថា «២ថ្ងៃទៀត អ្នកបាត់ខ្លួននឹងបង្ហាញមុខជាមិនខាន» គឺបានរកឃើញមែន ។
ចែករំលែកព័តមាននេះ