ភ្នាត់ឆ្នៀតចូលពេទ្យដែរ ដឹងខ្លួនរត់បាត់
- ក្រចេះ
ខេត្តក្រចេះ ៖ តាមនគរបាលស្រុកសំបូរបានឲ្យដឹងថា សមត្ថកិច្ចកំពុងតែស្រាវជ្រាវរកជនជាម្ចាស់អន្ទាក់សត្វព្រៃ ដើម្បីមានវិធានការណ៍តាមផ្លូវច្បាប់ បន្ទាប់ពីការធ្វើអន្ទាក់រាយចាប់សត្វព្រៃ ដោយប្រើចរន្តភ្លើងនេះបានបង្កឲ្យមានអ្នកភូមិរងគ្រោះថ្នាក់។ ហើយបុរសពីរនាក់ក្នុងនោះមានម្នាក់ជាព្រានបរបាញ់សត្វ និងម្នាក់ទៀតទំនងជាម្ចាស់អន្ទាក់ សត្វបានរងរបួសលើរាងកាយដោយសារឆក់ចរន្តអគ្គិសនីដែលបានរាយជាអន្ទាក់នៅក្នុងព្រៃ…
ហើយបុរសពីរនាក់ក្នុងនោះមានម្នាក់ជាព្រានបរបាញ់សត្វ និងម្នាក់ទៀតទំនងជាម្ចាស់អន្ទាក់ សត្វបានរងរបួសលើរាងកាយដោយសារឆក់ចរន្តអគ្គិសនីដែលបានរាយជាអន្ទាក់នៅក្នុងព្រៃ ដើម្បីចាប់សត្វព្រៃ ជាពិសេសសត្វឈ្លូស និងជ្រូកព្រៃនៅក្នុងព្រៃមួយកន្លែងក្រោយភូមិសំបូរ ឃុំសំបូរ ស្រុកសំបូរ កាលពីថ្ងៃទី២ ខែកក្កដា ឆ្នាំ២០១៨។
ឧប្បត្តិហេតុគ្រោះថ្នាក់ដោយសារអន្ទាក់សត្វបានបង្កឲ្យជនរងគ្រោះជាព្រានបបាញ់សត្វម្នាក់ឈ្មោះ ទិត្យ ធារឹទ្ធ អាយុ៣០ឆ្នាំ រងរបួសដាច់ម្រាមដៃខាងឆ្វេងនិងខាងស្តាំ របួសចង្កេះ និងជើងធ្ងន់ធ្ងរនៅពេលជនរងគ្រោះដើរបាញ់សត្វក្នុងព្រៃ និងជាន់អន្ទាក់សត្វព្រៃដែលប្រើចរន្តអគ្គិសនីនោះ។
ក្រៅពីជនរងគ្រោះម្នាក់នេះ ក្នុងនោះក៏បង្កឲ្យមានជនម្នាក់ទៀតឈ្មោះ ជុំ ទូច អាយុ៥៩ឆ្នាំ រស់នៅឃុំសំបូរ ក៏ត្រូវរងរបួសដូចគ្នា។ ជនរងគ្រោះរូបនេះត្រូវគេសង្ស័យថា អាចជាម្ចាស់អន្ទាក់សត្វ តែត្រូវបានភ្លាត់ស្នៀតក៏ឆក់ខ្លួនឯង។ ដោយគេសង្ស័យថា ទំនងនៅពេលដែលអន្ទាក់បានឆក់មនុស្ស ជនជាម្ចាស់រូបនេះនឹកស្មានថា ជាប់សត្វព្រៃក៏ស្ទុះទៅមើលដោយមិនបានផ្តាច់ចរន្តអគ្គិសនីក៏ត្រូវឆក់ខ្លួនឯងតែម្តង។យ៉ាងណាជនជាម្ចាស់អន្ទាក់ក្រោយពីបង្កការភ្លាត់ស្នៀតឲ្យឆក់ខ្លួនឯងក៏ត្រូវក្រុម គ្រួសារនាំមកសង្គ្រោះនៅមន្ទីរពេទ្យក៏បានគេចខ្លួន។
លោក នួន សារិន អធិការរងនគរបាលស្រុកសំបូរបានឲ្យដឹងថា វត្ថុតាងមានអាគុយ ក្បាលខ្សែលួស និងខ្សែភ្លើងត្រូវបានចាប់រឹបអូសមករក្សាទុក ខណៈនគរបាលកំពុងតែស្រាវ ជ្រាវរកម្ចាស់ ដើម្បីមានវិធានការណ៍តាមច្បាប់។
ចែករំលែកព័តមាននេះ