ខេត្តស្ទឹងត្រែង ៖ សេចក្តីរាយការណ៍ងបឋមឱ្យដឹងថា សាច់សត្វព្រៃមួយចំនួន ត្រូវបានបង្ក្រាបលើទីផ្សារខេត្តស្ទឹងត្រែង នៅព្រឹកថ្ងៃទី២៩ មិថុនា នេះ ដែលធ្វើឡើងដោយក្រុមអន្តរាគមន៍ចល័តបង្ក្រាបបទល្មើសសត្វព្រៃ មានរដ្ឋបាលព្រៃឈើថ្នាក់កណ្តាល និងអង្គការស្រលាញ់សត្វព្រៃ រួមកម្លាំងការពារដោយអាវុធហត្ថខេត្តផងដែរ ។
សេចក្តីរាយការណ៍បន្តថា ចំពោះសត្វព្រៃទាំងនោះ មានសាច់ដែលគេពន្លះជាដុំៗ និងមួយចំនួនជាសាច់ជ្រូកព្រៃស្រស់ សាច់ប្រើស និងងៀតសាច់ជ្រូកព្រៃ (សរុបទម្ងន់មានចំនួន៨១គីឡូក្រាម) និងអណ្តើករស់ចំនួន១០ក្បាល (ទម្ងន់៨,១០គីឡូក្រាម) ។
បើតាមការអះអាងពីកម្លាំងអន្តរាគមន៍ចល័តបង្ក្រាបបទល្មើសសត្វព្រៃថា សាច់សត្វព្រៃស្រស់ត្រូវធ្វើការកម្ទេចចោលនៅទីធ្លាខណ្ឌរដ្ឋបាលព្រៃឈើ ។ ចំណែកសត្វរស់ អាចនឹងយកទៅសង្គ្រោះនៅតំបន់ព្រៃអភិរក្សាខេត្តកោះកុងវិញ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ