ខេត្តកំពង់ធំ ៖ បុរសម្នាក់ចុះដកប្រលឹតលង់ទឹកស្រះស្លាប់បានបង្កឲ្យមានការភ្ញាក់ផ្អើលមួយកើតឡើងកាលពីព្រឹកថ្ងៃទី២៤ ខែមិថុនា ឆ្នាំ២០១៨ ស្ថិតនៅភូមិគូរ ឃុំចុងដូង ស្រុកបារាយណ៍ ខេត្តកំពង់ធំ ។
លោកវរសេនីយ៍ត្រី សន តាល់ អធិការរងនគរបាលស្រុកបារាយណ៍បានឲ្យដឹងថា ជនរងគ្រោះឈ្មោះ សែន ឆៃ ភេទប្រុស អាយុ៥២ឆ្នាំ រស់នៅក្នុងភូមិឃុំកើតហេតុខាងលើមានប្រពន្ធឈ្មោះ អេង គាម អាយុជាង៤០ឆ្នាំ មានកូន៤នាក់ ប្រុសពីរ ស្រីពីរ ។
បើយោងតាមការបំភ្លឺពីសាច់ញាតិជនរងគ្រោះនិយាយថា នៅព្រឹកថ្ងៃកើតហេតុឪពុករបស់ពួកគាត់ថា ទៅរកដកព្រលឹតយកមកស្លហើយក៏ដើរទៅកាន់ចំណុចស្រះទឹកមួយកន្លែងខាងលើ ដោយទៅតែម្នាក់ឯង លុះបាត់មួយសន្ទះធំហើយមិនឃើញមកវិញក៏នាំបងប្អូនដើរទៅរកមើលនៅក្នុងស្រះទឹកខាងលើក៏ឃើញដានជើងចុះដកព្រលឹត ហើយក៏នាំគ្នាចុះរាវរកស្រាប់តែប្រទះឃើញសពឪពុកបានលង់ទឹកស្លាប់បាត់ទៅហើយក៏នាំគ្នាស្រង់រួចសែងយកមកផ្ទះ ។
ចំណែកសមត្ថកិច្ចក៏បានធ្វើការត្រួតពិនិត្យឃើញថា ពីជាស្លាប់ដោយមូលហេតុលង់ទឹកពិតប្រាកដមែន សង្ស័យពេលដែលជនរងគ្រោះចុះដកព្រលឹតត្រូវខ្យល់.គបណ្តាលឲ្យលង់ទឹកស្លាប់រួចក៏ប្រគល់សាកសពឲ្យក្រុមគ្រួសារចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ