រាជធានីភ្នំពេញ៖ និសិត្សប្រមាណ៥០នាក់ដែលកំពុងសិក្សាផ្នែកសំណង់ស៊ីវិល នៅវិទ្យាស្ថានបច្ចេកទេសព្រះកុសមៈ បានចូលទស្សនារោងចក្រផលិតបេតុងលាយស្រេច ជីបម៉ុងកាលពីថ្ងៃទី២១ មិថុនា ២០១៨ នៅផ្លូវជាតិលេខ១ និងបានកោតសរសើរដល់ក្រុមហ៊ុននេះ លើបច្ចេកវិទ្យាទំនើប ប្រកបដោយស្តង់ដាលំដាប់អន្តរជាតិ ក្នុងការផលិតបេតុងលាយស្រេច ។លោក ឃឹន ចំរើន ប្រធានផ្នែកផលិតកម្មនៃក្រុមហ៊ុន ជីប ម៉ុង ខនគ្រីដ ដែលបានដឹកនាំក្រុមនិស្សិតក្នុងកម្មវិធីទស្សកិច្ច បានមានប្រសាសន៍ថា ក្រុមហ៊ុនជីប ម៉ុងគឺតែងតែផ្តល់ឱកាសដល់ប្អូនៗនិស្សិតកម្ពុជាក្នុងការស្រង់យកចំណេះដឹងជាក់ស្ដែងលើការបច្ចេកវិទ្យាទំនើបក្នុងការផលិត ផលិតផលសំណង់ ដោយសារតែ ក្រុមហ៊ុន ជីប ម៉ុង យល់ច្បាស់ពីសារៈសំខាន់នៃចុះការទស្សនាផ្ទាល់ពីរោងចក្រដែលអាចចូលរួមចំណែកបានយ៉ាងល្អក្នុងការយល់ដឹងកាន់តែច្បាស់លើការអនុវត្តទ្រឹស្តីដែលប្អូនៗបានរៀនពីសាកលវិទ្យាល័យ។ លោកបន្តថា ក្រុមហ៊ុន ជីប ម៉ុង មិនត្រឹមតែអនុញ្ញាតកម្មវិធីទស្សនកិច្ចត្រឹមតែបេតុងលាយស្រេចនោះទេ ក្រុមហ៊ុនក៏ផ្តល់ឱកាសក្នុងការយល់ដឹងពីការផលិតស៊ីម៉ងត៍អូដ្ឋ ការផលិតក្បៀង និងទុយោ ជីបម៉ុងផងដែរ ដើម្បីបញ្ជាក់ពីតម្លាភាពនៃគុណភាព និងដំណើរនៃការផលិតក្រុមហ៊ុន ជីប ម៉ុង ជឿជាក់លើបចេ្ចកវិទ្យា បទដ្ឋានស្តង់ដា និងសណ្តាប់ធ្នាប់រោងចក្រផលិតផល ទើបក្រុមហ៊ុនបើកទូលាយដល់សារធាណជន ជាពិសេសនិស្សិតកម្ពុជាដែលមានចំណាប់អារម្មណ៍យល់ដឹងពីតំណើរការរោងចក្រពិតប្រាកដ អាចធ្វើទស្សនកិច្ចសិក្សានៅរោងចក្របានរៀងរាល់ខែ ។លោក ភារុណ ជានិស្សិតម្នាក់ក្នុងចំណោមនិស្សិតដែលបានចូលរួមក្នុងទស្សនកិច្ចសិក្សារោងចក្រផលិតបេតុងលាយស្រេច ជីបម៉ុង បាននិយាយទាំងទឹកមុខស្រស់ស្រាយថា លោកពិតជាអគុណដល់ក្រុមហ៊ុន ជីប ម៉ុង ដែលបានផ្តល់ឱកាសឲ្យលោក ព្រមទាំងមិត្តរួមសាកលវិទ្យាល័យរបស់បានមកធ្វើទស្សនកិច្ច និងស្រង់យកចំណេះដឹងពិតៗពីបច្ចេកវិទ្យានៃការផលិតបេតុងលាយស្រេច ។ លោកថា ក្រុមហ៊ុនពិតជាយកចិត្តទុកដាក់ខ្ពស់ក្នុងការពន្យល់ណែនាំដែលផ្តល់ដោយវិស្វករមានជំនាញនឹងបទពិសោធន៍ពិតប្រាកដ ជាងនេះទៅទៀតក្រុមហ៊ុនជីប ម៉ុង គឺជាក្រុមហ៊ុនដែលមានស្តង់ដាខ្ពស់គ្រប់បទដ្ឋានទាំងអស់។ និស្សិតគ្រប់គ្នា គឺសុទ្ធសឹងតែទទួលបានគ្រឿងសុវត្ថិភាព និងការណែនាំពីសុវត្ថិភាពបានយ៉ាងល្អិតល្អន់បន្ថែមពីលើបទបង្ហាញនៃដំណើរការនៃរោងចក្រ។
លោកក៏បានថ្លែងអំណរគុណដល់ក្រុមហ៊ុន ជីប ម៉ុង ដែលអនុញ្ញាត ព្រមទាំងផ្តល់ពេលវេលាដល់និស្សិតក្នុងការស្វែងយល់ពីចំណេះដឹងបន្ថែមពីការអនុត្តជាក់ស្តែង លោកក៏រំពឹងថា កម្មវិធីនេះនឹងបន្តដល់ប្អូនៗនិស្សិតកាន់តែច្រើនបន្ថែមទៀតដើម្បីចូលរួមក្នុងការអភិវឌ្ឍន៍ធនធានមនុស្សក្នុងប្រទេសកម្ពុជា។
គួរបញ្ជាក់ថា បច្ចេកវិទ្យាក្នុងការលាយនឹងធ្វើតេស្តលើបេតុងលាយស្រេច គឺសំខាន់សម្រាប់ជំនាញសិក្សាផ្នែកសំណង់ស៊ីវិល ស្របពេលជាមួយនឹងការអភិវឌ្ឍផ្នែកសំណង់ដែលមានសន្ទុះកើនឡើងខ្លាំងនៅប្រទេសកម្ពុជា ដូច្នេះហើយក្រុម ជីប ម៉ុង គឺរីករាយជានិច្ចក្នុងការចែករំលែកចំណេះដឹងទាំងអស់នេះជូនដល់ប្អូនៗនិស្សិត ស្របគ្នានឹងចក្ខុវិស័យរបស់ក្រុមហ៊ុនដែលចង់ក្លាយជាអ្នកដឹកនាំការអភិវឌ្ឍនិរន្តភាពសង្គមជាតិ ៕
ចែករំលែកព័តមាននេះ