ចូល​ចិត្ត​ញ៉ាំ​ទុ​រ៉េ​ន​មែន​! ដឹង​អត់ថា មាន​អត្ថប្រយោជន៍​អ្វីខ្លះ?


រាជធានី​ភ្នំពេញ ៖ ទុ​រ៉េ​ន​ជា​ប្រភេទ​ផ្លែ​ឈើ​ម្យ៉ាង​ដែល​ត្រូវ​បាន​គេ​រក​ឃើញ​ថា មាន​ផ្ទុក​នូវ​វីតា​មីន​ជា​ច្រើន​ដែល​សំបូរ​នូវ​ជាតិ​សរសៃ និង​ប្រូតេអ៊ីន​ខ្ពស់ ចំណែក​រដូវ​ប្រមូល​ផល​ទុ​រ៉េ​ន គឺ​ចាប់ពី​ខែមិថុនា ដល់​ខែកញ្ញា ដូច្នេះ​វា​ជា​ពេលវេលា​ដ៏​ល្អ​សម្រាប់​បងប្អូន​ដែល​ចូល​ចិត្ត​ទទួលទាន​ទុ​រ៉េ​ន​ជា​យក​ទៅ​ទទួលទាន​ជាមួយ​ក្រុម​គ្រួសារ និង​មិត្ត​ភ័ក្ត្រ​ផង​ដែរ​។

នៅ​ស្រុក​ខ្មែរ ភាគច្រើន​បងប្អូន​បានដឹង​ថា ទុ​រ៉េ​ន​មានពូជ ២ ប្រភេទ គឺ​ពូជ​ម៉​ន​ថង និង​ពូជ​អូវ​ខាក ដែល​វា​មាន​ផ្ទុក​នូវ​អត្ថប្រយោជន៍​ជា​ច្រើន ដូច​ជា វីតាមីន​សេ​, អាស៊ីត​ហ្វូ​លិ​ក​, វីតាមីន B6 និង​វីតាមីន A ។ សារធាតុ​រ៉ែ​សំខាន់​ៗ​ដូច​ជា ប៉ូ​តា​ស្យូ​ម ជាតិ​ដែក កាល់ស្យូម ម៉ាញេស្យូម សូ​ដ្យូ​ម ស័ង្កសី និង​ផូស្វ័រ ក៏​ត្រូវ​បាន​រក​ឃើញ​នៅ​ក្នុង​ទុ​រ៉េ​ន​ដែរ ជា​ពិសេស​គឺ​វា​ក៏​ផ្ទុក​នូវ​សារធាតុចិញ្ចឹម​ដូច​ជា សារធាតុសរីរាង្គ ទឹក ជាតិ​ប្រូតេអ៊ីន និង​ជាតិ​សរសៃ​ចំណី​ដែល​មាន​អត្ថប្រយោជន៍​ផង​ដែរ​។

ក្រៅពី​អត្ថប្រយោជន៍​សម្រាប់​សុខភាព​អ្នក​ទទួល​ទាន ទុ​រ៉េ​ន​ជា​ផ្លែ​ឈើ​មួយ​ប្រភេទ​ដែល​មាន​សារសំខាន់​អាច​ផ្ដល់​ប្រាក់​ចំណូល​ខ្ពស់​ដល់​ម្ចាស់​ចំការ ហើយ​វា​ជា​ប្រភេទ​ដំ​ណាំ​ហូប​ផ្លែ​ដែល​អាច​ដាំ​បាន​នៅ​តាម​តំបន់ ដែល​មាន​ធាតុអាកាស​ក្ដៅ និង​សំណើម ។ វា​ជា​ផ្លែ​ឈើ​ដែល​មាន​តម្លៃ​ខ្ពស់ ជាង​ដំណាំ​ផ្សេង​ៗ​ទៀត តែ​ក៏​ទាមទារ​ឲ្យ​អ្នក​ដែល​ដាំ​ដុះ​ត្រូវ​យកចិត្តទុកដាក់​ថែទាំ និង​ធ្វើ​យ៉ាងណា​ឲ្យ​ផ្លែ​ទុ​រ៉េ​ន​មានគុណ​ភាពល្អ ឬ​អាច​ដាំ​ទុរេន​ដើមរដូវ ឬ​ក្រៅ​រដូវ​បាន ដោយ​អាច​លក់​ផលិត​ផល​បាន​កម្រៃ​យ៉ាង​ខ្ពស់ ។

លោក ផា​ន់ សា​រិ​ទ្ធ ម្ចាស់​ហាង​ស្រី​មុំ​លក់​ផ្លែ​ឈើ​ស្រស់ ដែល​មាន​ចម្ការ​ទុ​រ៉េ​ន​ស្ថិត​នៅ​ភូមិ​បែក​អន្លូង ឃុំ​អារក្ស​ត្នោត ស្រុក​ស្ទឹង​ត្រង់ ខេត្តកំពង់ចាម បាន​ឲ្យ​ដឹង​ថា ចម្ការ​របស់​លោក​​មាន​ផ្ទៃដី​ជាង​៦០​ហិ​កតា ក្នុង​នោះ​មាន​ទុ​រ៉េ​ន​ជាង​៣.០០០​ដើម សាវ​ម៉ៅ​២០០​ដើម និង​មង្ឃុត​២០០​ដើម ។ ចំណែក​ទុ​រ៉េ​ន​នៅ​ក្នុង​ចម្ការ​របស់​លោក គឺ​មាន​២​ប្រភេទ គឺ​ពូជ​ម៉​ន​ថង និង​ពូជ​អូវ​ខាក ។ ទុ​រ៉េ​ន​ពូជ​ម៉​ន​ថង គឺ​មាន​សាច់​ពណ៌​ទឹកដោះគោ គ្រាប់​តូច​សាច់​ច្រើន ចំណែក​ទុ​រ៉េ​ន​ពូជ​អូវ​ខាក គឺ​ស្រ​ដៀង​គ្នា​ទៅ​នឹង​ពូជ​ម៉​ន​ថង​ដែរ គ្រាន់តែ​សាច់​ពណ៌​ល្មៀត ។

លោក​បន្ត​ថា ជា​ទូទៅ​ចម្ការ​របស់​លោក​ទទួល​បាន​ផល​ទុ​រ៉េ​ន​នៅ​ក្នុង​ខែឧសភា ដល់​ខែមិថុនា ដែល​មាន​អតិថិជន​ជា​ច្រើន​រង់ចាំ​ជាវ​នៅ​ហាង​ស្រី​មុំ​លក់​ផ្លែ​ឈើ​ស្រស់ និង​មាន​អតិថិជន​ខ្លះមក​ជាវ​ដល់​ក្នុង​ចម្ការ​តែ​ម្តង ។ ប៉ុន្តែ​ចម្ការ​របស់​លោក​គឺ​សម្រាប់​ផ្គត់ផ្គង់​នៅ​ក្នុង​ហាង​ស្រី​មុំ​លក់​ផ្លែ​ឈើ​ស្រស់​តែ​ប៉ុណ្ណោះ ដែល​មាន​ចំនួន​២​ខា​សា គឺ​សាខា​ទី​១ នៅ​រាជធានី​ភ្នំពេញ និង​សាខា​ទី​២ គឺ​នៅ​ខេត្តសៀមរាប ។

លោក ផា​ន់ សា​រិ​ទ្ធ បន្ត​ទៀត​ថា​៖ «​ការ​ថែទាំ​ដើម​ទុ​រ៉េ​ន គឺ​វា​មិន​ងាយស្រួល​នោះ​ទេ គឺ​យើង​ត្រូវ​ថែទាំ​តាំងពី​ដើម​នៅ​តូច​រហូត​ដល់​ដើម​ធំ ទោះបី​ជាដើម​ទទួល​បាន​ផ្លែ​ក៏​ដោយ ក៏​យើង​ត្រូវ​ថែរក្សា​ដោយ​យកចិត្តទុកដាក់​បំផុត បើ​មិន​ដូច្នេះ​ទេ គឺ​ដើម​ទុ​រ៉េ​ន​នឹង​មិន​ទទួល​​បាន​ផល​ល្អ​ឡើយ ខ្លះ​ក៏​អាច​ងាប់​ទាំង​ដើម​ក៏​មាន​ដែរ ។ ចំពោះ​ការ​ទទួលផល គឺ​យើង​ត្រូវ​ដាំ​រយៈពេល​៥​ទៅ​៨​ឆ្នាំ ទើប​ទទួល​បាន​ផល អីចឹង​ហើយ​ទើប​ទុ​រ៉េ​ន​មាន​តម្លៃ​ថ្លៃ​ខុស​ពី​ផ្លែ​ឈើ​ផ្សេង​ៗ​ទៀត »​។

ម្ចាស់​ចំការ​រូប​នេះ​បាន​បន្ត​ទៀត​ថា នៅ​រដូវ​ទុ​រ៉េ​ន​ទទួល​ផល ចម្ការ​របស់​លោក​អាច​លក់​ចេញ​ទុ​រ៉េ​ន​បាន​ចំនួន​ប្រហែល​៥​តោន ទៅ​១០​តោន​ក្នុង​មួយ​ថ្ងៃ រហូត​ដល់​ផុត​រដូវ ប៉ុន្តែ​ពេល​ខ្លះ​ក៏​អាច​ទទួល​បាន​ផល​២​ដង​ក្នុង​មួយ​រដូវ​ដែរ តែ​មិន​ច្រើន​នោះ​ទេ ។ ចម្ការ​របស់​លោក​គឺ​ប្រើប្រាស់​ជី​អាចម៍​ប្រជាវ គ្មាន​ប្រើ​ថ្នាំ​គីមី​នោះ​ទេ ព្រោះ​ចម្ការ​របស់​លោក គឺ​ផ្តោត​ទៅ​លើ​សុខភាព​របស់​អតិថិជន​ដែល​បាន​ជាវ​ទុ​រេ​ពី​ហាង​ស្រី​មុំ​លក់​ផ្លែ​ឈើ​ស្រស់​របស់​លោក ។

លោក ម៉ៅ សំ​និ​ត បុគ្គលិក​ក្រុមហ៊ុន​ឯកជន​មួយ​នៅ​ក្រុងភ្នំពេញ បាន​ឲ្យ​ដឹង​ថា លោក​មាន​ការ​ភ្ញាក់ផ្អើល​យ៉ាង​ខ្លាំង​នៅ​ពេល​ដែល​មក​ដល់​ចម្ការ​ទុ​រ៉េ​ន​ស្រី​មុំ​លក់​ផ្លែ​ឈើ​ស្រស់ ព្រោះ​នេះ​គឺជា​លើក​ទី​មួយ​ហើយ​ដែល​លោក​បាន​ញាំ​ទុ​រ៉េ​ន​ដែល​បេះ​ពី​ដើម​ភ្លាម​ៗ​តែ​ម្តង ព្រោះ​លោក​ធ្លាប់តែ​ញ៉ាំ​នៅ​តាម​ហាង​លក់​ទុ​រ៉េ​ន​តែ​ប៉ុណ្ណោះ ។

លោក សំ​និ​ត បន្ត​ទៀត​ថា ទុ​រ៉េ​ន​នៅ​ក្នុង​ចម្ការ​របស់​ហាង​ស្រី​មុំ​លក់​ផ្លែ​ឈើ​ស្រស់ គឺ​ពិតជា​មាន​រសជាតិ​ឆ្ងាញ់​មែន គឺ​ខុស​ពី​ទុ​រ៉េ​ន​ដែល​លោក​ធ្លាប់​បាន​ញ៉ាំ​នា​ពេល​កន្លង​មក គឺ​មាន​ក្លិន​ឈ្ងុ​ញ និង​សាច់​ណែន​ល្អ ជា​ពិសេស​គឺ​លោក​ចូល​ចិត្ត​ទុ​រ៉េ​ន​ពូជ​ម៉​ន​ថន ព្រោះ​វា​មាន​គ្រាប់​តូច និង​សាច់​ច្រើន​៕








Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ពាណិជ្ជកម្ម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ