ឌីជេអាលីយ៉ាធ្លាក់ខ្លួនដេកពេទ្យ… ត្រឹម៣ពាន់រៀលក៏អត់លុយទិញ
- ភ្នំពេញ
រាជធានីភ្នំពេញ ៖ គ្មានអ្នកណាម្នាក់នឹកស្មានដល់ទាល់តែសោះដែលតារាស្រីម្នាក់ធ្លាប់តែបង្ហាញរាងកាយល្វតល្វន់កាច់រាងបញ្ចេញសាច់លើក្រោមដ៏សិចស៊ី បែរជាធ្លាក់ខ្លួនសម្រាកនៅមន្ទីរពេទ្យតែម្នាក់ឯងគ្មានឃើញមនុស្សជិតដិតនៅក្បែរនោះទេ។ នាងសម្រាកពេទ្យជាច្រើនថ្ងៃគ្មានលុយកាក់ចំណាយ ហើយ១ថ្ងៃៗកាន់តែខើចឡើងៗសូម្បីតែចំណីបាយសម្ល១ចានត្រឹម៣ពាន់រៀលក៏គ្មានលទ្ធភាពទិញដែរ។ ឌីជេដែលធ្លាប់តែសោយសុខ និងស្នាមញញឹមមានងារជាតារាឡូយឆាយឌីជេល្បីឈ្មោះពេលនេះកញ្ញា កែវ អាលីយ៉ា…
ឌីជេដែលធ្លាប់តែសោយសុខ និងស្នាមញញឹមមានងារជាតារាឡូយឆាយឌីជេល្បីឈ្មោះពេលនេះកញ្ញា កែវ អាលីយ៉ា តារាធ្លាប់គ្រងតំណែងសិចស៊ីកំពុងធ្លាក់ខ្លួនឈឺ ហើយសាច់ឈាមធ្លាក់ចុះស្គមបណ្តើរៗ តែសាច់ញាតិគ្មានអ្នកណាទៅមើលថែនោះឡើយ។ ពិតជាខ្លោចផ្សាចិត្តបំផុត សូម្បីតែបន្ទប់សម្រាកគឺនៅរួមគ្នាសម្រាប់តែអ្នកជំងឺអត់ៗក្រីក្រ។
តាមប្រភពអ្នកជិតដិតម្នាក់ដែលទៅដល់មន្ទីរពេទ្យកាល់ម៉ែតទៅសួរសុខទុក្ខ ហើយសង្វេគពេលឃើញនាងធ្លាក់ខ្លួនឈឺដេកនៅនឹងគ្រែម្នាក់ឯងគ្មានបងប្អូនសាច់ញាតិនៅជិតដូចអ្នកជំងឺផ្សេងៗទេ។ អាលីយ៉ា បានស្រក់ទឹកភ្នែកពេលឃើញមានអ្នកជិតដិតម្នាក់គត់បានមកសួរសុខទុក្ខនាង។ តារាដែលធ្លាប់តែចែងចាំងរូបនេះ សូម្បីតែឃ្លានម្ជូរ បាញ់សុងក៏គ្មានលទ្ធភាពទិញមកញ៉ាំដែរ។ នាងគ្មានសល់អ្វីសូម្បីតែឆ្នាំងសាកទូរស័ព្ទ សម្លៀកបំពាក់ សំណាងដែរបានអ្នកជិតដិតនោះទិញអាវជជុះ២ និងថ្មទូរស័ព្ទឱ្យវិញ។
តាមការឱ្យដឹងពីថា អាលីយ៉ា មានជំងឺរលាកទងសួត ហើយមុនមកកាល់ម៉ែតនាងបានដេកសម្រាកព្យាបាលនៅសៀមរាប ទើបតែមកភ្នំពេញបានមួយអាទិត្យជាង។ សង្ឃឹមសមាគមសិល្បៈមានអ្នកនាង ចន ច័ន្ទលក្ខិណា ជាប្រធានជ្រាបដំណឹងនេះ និងមានផែនការខ្នះខ្នែងជួយដូចកន្លងមក ព្រោះធ្វើបុណ្យទាន់ខែភ្លឺ។
ចែករំលែកព័តមាននេះ